المريخ .. خدمة شمال وعرق حُكام !!
قزاز ورزاز
محمد الطيب الأمين
المريخ .. خدمة شمال وعرق حُكام !!
* المقولة الراسخة هي : (خدمة يمين وعرق جبين).
* والله العظيم (عرق الجبين) سمح.
* ما في أجمل من عرق الجبين.
* البتعود يأكل من عرق جبينو ما بحب الباردة.
* والبحب الباردة ما بأكل من عرق جبينو.
* وبما أن ذلك كذلك فإن المريخ الشهير ب(الإصيفر) خرج بنقطة غالية أمام الهلال في مباراة لعبها أولاد ابراهومة تحت شعار : (خدمة شمال وعرق حكام).
* تعادل بارد.
* لا فيهو (عرق) ولا فيهو (جبين) .
* هو وينو الجبين ذاتو؟
* الجبين انتهى منو حازم في مصر من زمان.
* وهنا السؤال يطرح نفسه : هل خدمة المريخ من قبل جهاز التحكيم رد جميل أم عادات وتقاليد؟
* وما هو شعور لعيبة المريخ عندما يعلمون أن طاقم التحكيم يلعب معهم؟
* بل ما هو شعور لعيبة المريخ عندما علموا أن رئيس الأهلي المصري كابتن الخطيب قد اشترى المريخ في مجموعات أبطال أفريقيا.
* كانت بيعة رخيصة.
* بيعة أطلقنا عليها نحن وأولاد حلتنا إسم (بيعة سوق العتبة).
* (نغلب ليكم صن داونز رايح جاي ، ونغلب ليكم الهلال رايح جاي ونديكم 3 نقاط ، وتأكلوا وتشربوا على حسابنا) .
* وجماعتك صدقوا.
* والله صحي.
* لا في زول استقال ولا في زول تحدث عن القيم.
* بيعة وما تمت.
* ما هو شعور لعيبة المريخ؟
* هل الموضوع بالنسبة ليهم عادي؟
* حاجة تكسف والله.
* أمس الأول فعل الحكم كل ما من شأنه هزيمة الهلال.
* الحكم اجتهد أكثر من رمضان عجب.
* صحيح نحن لا نبرر للاعبين الهلال ولكن ما حدث مؤسف.
* هدف ملغي وضربتي جزاء وما خفى أعظم .
* بالأمس أدان مجلس الهلال ورفع مذكرة ضد الحكم.
* الإدانة ما كفاية.
* الشغل ده داير متابعة وعين حمراء.
* لابد للهلال أن يتحرك.
* يتحرك بقوة وفي كل الاتجاهات.
* نوايا الاتحاد العام والمريخ واضحة.
* تحتاج لوقفة قوية وعين حمراء.
* دي لقيمات تقيلة.
* المهم .. نقيف لحدي هنا ونكمل الباقي عبر حلقة اليوم من خلال قناة (دقايق) علي اليوتيوب.
* و.. و..
* والله في.
هي يا كيزان الشر ينطفي بالشر منطق غير سليم اذا وودة الحقيقة لجنة الحكام هي وكر الزناطير لكن الفيل له خمسة أرجل الفيل أنتم اعلم به على كل جرز الالتزام بجحره العويل والصراخ للحليوات بس ولسة يجب بتر العفن اين ما حل تبا للخبثاء تحت اي سماء اي مظلوم ينال ما سلب منه وهذا لا يعجب بني زورقان لقد ولى زمن الحيف بلا شيطان مكة ونعابه الى برميل الزبالة
هههههه الكيزان منو يا ناس قوش الكيزان منو يا ناس حازم والله ما بتخجلو ولا عندكم ذرة حياء اصلو الكيزان ما بخحلو وما عندهم اخلاق ولا ضمير قولت الكيزان باعوا الوطن للاهلي المصري يا بتاعين التواطؤ تتواطو مع الاهلي كمان عندكم تتكلمو
كيزان انتو ولا ماعارف اعرف السوباط كتف بى كتف مع حميدتى ياصفراب ياطيشاب وهو الداعم لى اعتصام الموز يبقى الكيزان دي كيف ناس قوش بره البلد ديل قاعدين وشغالين مع الكيزان استادك بنو ليك الكيزان الصفراب دايما تغلفو الحقائق عشان كدا لى يوم الدين حتكونو صفر كبير جلافيط صفر البلد
التأجيج و شحن الجمهور الرياضي بهذه الخزعبلات ما حبابو .. يا ليت تكتب المفيد و يكفي الناس ما فيهم من إحن ..
ههههه
ابوكسكتة يكتب عن الكورة وعمودو كلو برة الشبكة.
هههههه
فريقك مهلهل قال ضربة جزا وين دي في أحلامك؟
هههه
والله الله شافكم الشوط الاول كنتو وين؟
الهلال وجد فرصتين في الشوط الثاني وزولكم اب شعيرات داير يتفلسف ويحتفل كمان
قوم قد.
نكتب ليك زي مستواك
هههه
قال تحكيم والله الهرج والمرج البتسو فيهو ما يخيل على زول.
مدربكم نص كم
فريق مافيهو قلب دفاع ولا صانع لعب
و١٦ محترف
خليك في ورقك اخير ليك
وغير الكسكتة دي
نكون انصرافيين زيك
😂😂😂
تغجب من الحملة الزرقاء على الحكم هؤلاء قوم لا يستحون ، رجل الخط رفع الراية قبل وصول الكرة للشعلة ومع ذلك لعب الشعلة الكورة فكان على الحكم ان بمنحه بطاقة صفراء لان هذا يعتبر سلوك غير رياضي ( لقطة رفع الراية موجودة ) . الان على لجنة الانصباط ان تستدعي وليد الشعلة واجاجون لتعاقبهم على ما فعلوه من سوء سلوك في مباراة القمة أدى الى كل هذه الزوبعة المزعومة ضد الحكم .
اتعجب من الحملة الزرقاء على الحكم هؤلاء قوم لا يستحون ، رجل الخط رفع الراية قبل وصول الكرة للشعلة ومع ذلك لعب الشعلة الكورة فكان على الحكم ان بمنحه بطاقة صفراء لان هذا يعتبر سلوك غير رياضي ( لقطة رفع الراية موجودة ) . الان على لجنة الانصباط ان تستدعي وليد الشعلة واجاجون لتعاقبهم على ما فعلوه من سوء سلوك في مباراة القمة أدى الى كل هذه الزوبعة المزعومة ضد الحكم .