المريخ داير شنو؟؟؟

في السلك

بابكر سلك

المريخ داير شنو؟؟؟

بسم الله الرحمن الرحيم
*غايتو الجات للمريخ تختاهو
*عمر المريخ مامر بتهاتر زي ده
*كلو زول ماقارش ملحة التاني
*وكلو تاني ماقادر يبلع الاولاني
*اتغيرنا
*بعد كنا اكتر فئة من هذا الشعب مترابطة ومتواصلة ونتبادل الاحترام فيما بيننا
*بقينا لا نطيق حتي بعضنا
*طب ليه؟
*لاننا تحزبنا
*استطاع اصحاب المصالح ان يقودونا لتشرزم
*انصار فلان وانصار علان
*بقينا والياب وصاقعاب (رحمه الله ) وسوداكالاب وحازماب وحديقة مورداب وحوشاب وفادنياب واخيرا ابان جيباب
*نسينا اننا مريخاب
*كلو فئه تري انها الاجدر والافضل وماعداها(ما اهل المريخ)
*ودخلت علينا نعرة الشوفونية ويافيها يا مافي داعي ليها
*ولو كانت مصلحة المريخ فيها
*ووصلنا لما وصلنا إليه
*السؤال
*خلونا من ده كلو
*نعمل ارضا سلاح ارضاءا للمريخ
*ونشوف المريخ الليلة داير شنو
*اول حاجة دايره المريخ نصفي النية
*ودي ماصعبه
*الاستاد
*مستوي الفريق
*الاستقرار الاداري
*الاستاد ده ماداير غلبة قدر دي
*مجرد تجهيز الملعب بمكنا علي اقل تقدير من اداء المباريات الدورية والتمارين
*قصة هجين وتركية واتشحنت ولسه ماقامت
*بتخلي الاستاد يطول وياخد مدة
*قصة الاستاد دي مسؤولية لجنة ابوجيبين في المقام الاول
*ثم مسؤوليتنا كشعب مريخي في المقام التاني
*بعد المرحلة دي نفكر في مطلوبات الفيفا والكاف
*يبقي ياناس ايمن الزمن ضيق وامامكم تحد كبير
*ونخلي ليكم ادارة الموضوع
*ثانيا
*فنيا ده شغل الجهاز الفني
*(ننأطوا) بسكاتنا عشان يعرف يشتغل ويجهز ناس موسيس وجماعتو ونحكم عليهم بعد داك
*اما الاستقرار الاداري
*ده مسؤوليتنا نحنا
*مفروض نهيئ الجو ليهم ونكون في الصفوف الاماميه رهن شارتهم
*وبعد داك يتم جرد الحساب وتقييم عملهم
*ووصية
*ترهل القطاع الرياضي ودائرة الكرة والصحوبية والشللية
*عمرها ماقدمت المريخ
*حقو في الحته دي الناس براها تحس
*اما جماهيريا
*فحرام والله الفريق يصل الملعب
*ويكتب علي المدرجات للجماهير
*حضرنا ولم نجدكم
*علي جميع الشفوت اجترار تلك المقولة
*لن ندعك تسيير وحدك يامريخ
*وننزلها لارض الواقع
*الكترة بتغلب الشجاعة ياناس
*وده كل الدايرو المريخ
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*تكشوا الفريشه بي جاي
*تاني يرجعوا لينا
*الشغالين بمبان ديل في الاسواق ماتجيبوهم لينا
سلك كهربا
ننساك كيف والكلب قال النجيلة جمب البلاعة بتقوم…مية سنة؟بالغتوا
والي لقاء
سلك