المريخ والخرطوم الوطني يتعادلان سلبياً

اها الحكم كيف؟؟ ما قصر معاكم دفركم ودعمكم وتغاضي عن فاولات لصالح الخرطوم اكثر من مره وزاد من الزمن اكثر من خمسه دقائق وبعد ده كله طلعت تعادل.. حمله ارهاب الحكام أتت اؤكلها

العناية والتحكيم شافوا المرخرخ، خصوصاً بعد ما الحكم الفاضل الإسمو فضيل حاول يتفضل علي المرخرخين بقوون همبتة بأي سبب، يعني لجنة يوسف فضل تمشي يجيبوا ليهم الفاضل فضيل فضل الله !! ده ماخلي ليهو ضربة ثابتة خارج خط 18 ولا حالات تسلالات وهمية ماعداها، ده غير المخالفات الواااضحة حتي للأعمي الصرفها للخرطوم الوطني وشكلت هجمات خطيرة علي مرماهم والتغاضي عن عمليات الجزارة من عواجيز المرخرخ من الإمام باسكال الواوا حتي أمير كمال وعمو ضفر الجابوهوا فزع بقي وجع، بس أكتر حاجة مكيفاني إنو لاعبي الخرطوم الوطني نقشوا الشغلانة وما أدوا لاعبي المرخرخ فرصة عشان يقعوا جوة خط 18 هههههههههههه
لقطة المباراة كانت في سقوط الماسورة ميدو بدون سبب داخل خط 18 ، والمضحك إنو ما كان في زول جنبه والكاميرا فضحته وجابته طاير في الهواء زي الناطي في حوض سباحة، ولما شافها هو بذات نفسه شينة قام علي حيله بيضحك ومدافعي الخرطوم الوطني بيضحكوا عليهو !!
وتعالوا هنا، إنتوا مابتسمعوا الكلام ليه يامرخرخين؟ زمااااااااااان قلنا ليكم وحذرناكم من كيس الحكومة الأسود البخش فيهو كلو مابطلع سالم، أها إنتا شبكتوها لينا نحنا أولاد الحكومة والكاش يقلل النقاش وسودان المرخرخ وشنو ماعارف، أسي أها أمنا الحكومة سحبت ولدها وخلتكم تجقلبوا وتتقلبوا في نيران الفلس !!
ثم ثانياً، إنتوا مستخفين بدعوات المساكين ولاشنو؟ ماعارفين دعوة مظلوم واحد بتعمل شنو ناهيك عند دعوات ملايين من المظاليم الأكلتوا قروشهم وبلعتوها في كروشكم وصرفتوها علي المواسير؟ حتي الفرق الظلمتوها وأكلتوا عرقها بالباطل إفتكرتوا الموضوع لعب كورة ساي ومافيهو حساب !! أها بعد ده جهزوا حالكم نفسياً للدرجة الأولي وأمشوا ونسوا أختكم الكبيرة الموردة هناك ويلا بلا لمة، الحكومة زمان جهزت القمة التانية وهي الخرطوم الوطني وباي باي المرخرخ ههههههههههه
لكمة أخيرة: دعوات المساكين والغلابة حاتلحق المرخر أمات طه !!