المريخ يتجه للانسحاب من بطولات الكاف
أدلي الصادق حاج علي رئيس بعثة المريخ للمغرب بتصريحات ساخنة شن فيها هجوما عنيفا علي حكم مباراة المريخ والكوكب المغربي .. واكد ان الحكم احتسب ركلتي جزاء لا وجود لهما وان ما قام به الحكم ليس غريبا علي التحكيم الافريقي وقال ان المريخ ستكون له ردة فعل قوية بعد تلك الاحداث بالانسحاب من كافة بطولات الكاف التي لا تتوفر فيها اي عدالة والمريخ لا شرفه اللعب في هذه البطولات المشبوهه.
انستروا ياطيشاب.
يا زول انت قايل دى بطولات اللقيمات
قطر عجيب قالوا يودى ما يجيب
هى بايره بيكم
واصلا نتايجكم فيها شنو ؟
صاحبنا داك يعرف يدى جلكسات هدايا لكن ونسى الهلالابى ما بعرف الحاجات البتسووا فيها دى
الضرب الحكم مين يا شطار؟
اها اللاعبين اديتوهم فلوسهم ولا يسووا انكبوا ؟
انكبوا دى تعرفوها ؟
لو لا اسالوا المعز وعلى جعفر وامير كمال اصلهم عملوا بيان بالعمل
تعودنا دائما نحن كسودانين أن نجد شماعة للفشل الذي أصبح ملازما لنا في شتى المجالات سياسية كانت أم رياضية واقتصادية ،دون إمعان النظر والتدقيق في عيوبنا واخطائنا التي قادة إلى هذا التدهور مما يجعلنا في نظر أنفسنا نحن الأفضل والاحق من غيرنا بكل ما تحقق من إنجاز قد سلب منا،، وهذا الفكر لايقود إلى تطور وتحقيق نتائج إيجابية مالم نغير نظرتنا وتقيمنا لأنفسناواحترامنا لذاتنا
ما تستعجلوا هم براهم حيوقفوكم من المنافسات الافريقيه
الآن الآن عرفتوها مشبوهة ولا قيمة لها ، الهلال زمان قال ليكم الحكم المغربي لاراش سرق عرقه للأهلي القاهري وأصبحت فاتحة خير لليوم للأهلي . شابكننا مانديلا مانديلا والصفر الكبير ، الله يوريكم . انسحبوا ومن الممتاز انسحبوا وسمير فضل إنسحب. .
أيوا ده كلام صاح، الكاف مترصد المرخرخ بالتواطوء مع ناس الهلال عشان طار بشرف من الأبطال وقرب يخش نهائي الكونفدرالية ويحصل علي الكاس !!!
ياراجل ماتختشي وتسيب تخدير وتطبيل…تاني مافي زول حايصدقك، أسي مانديلا علق في حتة تانية باسم مستعار وقال كره المريخ وإتخلي عن تشجيعه…ههههههههههههههه
ماتتسببوا ساي وتضحكوا علي نفسكم، الكاف إحتمال كبير يجبركم علي الانسحاب (إضطرارياً) ونحن (مغاربة الداخل) نتمناها إيقاف ل 4 سنوات وغرامة 60 ألف دولار قادر ياكريم
السنتين الجايات ركزوا مع الجعرانية أحسن ليكم هههههههههههههههه
صلاح شيبوب المراكشي
تصريح عجيب و غريب نسى تواضع مستوى المريخ و لم يتكلم عنه و إتجه للتحكيم مباشرة و كالعادة الشكوى جاهزة قبل المباراة بس أهمس في أذنك ما تجيب كلمة إنسحاب في لسانك عيرتوا فريق الهلال عندما إنسحب من بطولتي الممتاز و كاس السودان و هو متقدم بستة نقاط على المريخ إحتجاجا على خساسة إتحاد كرة القدم الذي أهدى الكأسين لمن لا يستحق و ساعتها نعتوا الهلال بالهروب الكبير إختشوا يا عالم و خلوا روحكم رياضية و تقبلوا الهزيمة بصدر رحب و كما قال المعلقين المريخين محمد موسى و خالد بالامس المريخ لم يظلم بل هو من ظلم نفسه
ههههههههه انت قائل نفسك الاهلي ولأ مازيمبي ..والله تبتعد من البطولة دى 70 سنة زول يجيب خبرك مافي .!!!
ومستوي التحكيم في مبارأة الذهأب هو نفس مستوى التحكيم في الاياب ..ضربة الجزاء الاولي ما شفتها ،لكن التانية ضربة جزاء صحيحة 1000000000000% وما تغشوا نفسكم ساي ..
اصبروا ..الكاف براهو بسحبكم ما تستعجلوا ..
قف صفوة كاوبويات
ياتو لاراش مالاهلى طلبكم فى الامارات وطبقل لكم الحنة يا صفيراب انتم مازمان اندفنت من دور 32 وان لعبتم فى دور 62 برضو كنت طرتو. الكاردينال لاميلو شوية شفع مع شوية هتيفة والشطب راجيهم شهر 12 ماتستعجلو
اولا أنا مريخابي على السكين ،
والحق يقال التحكيم كان جيد جدا ، وإذا كان هناك انسحاب المفروض تنسحب إدارة المريخ كاملا وتشطب نصف الفريق ، ما ممكن لاعب واحد يراوغ ثلاثة من أفضل دفاعات المريخ ويقطعوا الكورة بفاول وعرقلة من الخلف ( علاء الدين ) أرجع للشريط وشوف الهجمة كانت كيف والبطاقة الصفراء توريك مستوى الاعبين ، لازم نشوف المشكلة وين ونحلها ، المريخ احرز هدف والحكم لم يحتسبة ، هل هناك هجمات على مرمى الكوكب ، كانت هناك هجمتين فقط في 90 دقيقة ، إذا انتو ما بتعرفوا تلعبوا وكما ما بتعرفوا تتفرجو ا .
تعليقي ده عاوزين تعتمدوه من الفيفا
المريخ لو بشارك في بطولات الكاف ولن يتشرف بالمشاركة فيها .ياراجل مابالغت لكن ،طيب السودان واقع فيقارة افريقيا اها رائكم شنو يلعبوكم في ابطال اوربا عشان تشيلو الكاس ؟……هههههههههه والله محن