المريخ يصعد شكواه ضد اللاعب شيبوب للفيفا ويرفض قرارات الاتحاد العام باعتماد تسجيله للهلال
طالب نادي المريخ الاتحاد العام بالرد علي القضايا العالقة للمريخ طرف الاتحاد العام والتي لم ينظر فيها حتى الآن رغم طول المدة وتكرر المخاطبات، وقد اجتمع القطاع التنفيذي لنادي المريخ اليوم بالمكتب التنفيذي ورصد كل القضاياه العالقة وقدم مذكرة وافية في هذا الأمر ، وسيتم تكوين وفد من مجلس المريخ لمقابلة المسؤولين في الاتحاد العام .لحسم القضايا العالقة التي تضرر منها المريخ كثيرا ،اما بخصوص قضية لاعب المريخ شرف شيبوب إلذي اعتمد الاتحاد تسجيله لنادي الهلال في حالة تشبه الهروب من الواقع والحقيقة ، وأن الاتحاد لم ينظر فى شكوي المريخ ضد اللاعب قبل انتقاله الي تونس ولم يبت فيها ثم جاء الرد بعد بذلك من طرف الاتحاد ” أن القضية تتعلق بطرفين لاتحادين وطنيين ( السوداني والتونسي ) وان لجنة شؤون اللاعبين غير الهواة غير مختصة للنظر فيها عليه فإن نادي المريخ سيستأنف القرار لكل الجهات ويتابع الأمر حتى الاتحاد الدولي ، وأن المريخ يثق في موقفه في قضية اللاعب شيبوب .
كلاااااااااام ساااااي ونفخ واستهلاك .وده طبعا مخصوص عشان يرعبوا اللاعب ويشتتو تفكيره قبل لقاء القمة .لكن يا مزمز مالعبتها صح المرة دي .لعبتكم بقت مكشووووووفة قال فيفا قال
انظروا الراجيكم شيبوب شنه البيخاف منه المريخ شيبوب دة لو بقى اللاعب الوحيد فى السودان تانى مايلعب فى المريخ… المريخ أكبر من أى لاعب مهما علا شأنه . لكن المريخ يطالب بحقوقه و يعطى درس للفوضجية
دا الليمون والهضربة البقولوها بالكربون
والله شكلو شيبوب ده حايطرشق ليكم شبكة الولد اليوغندي اليمني السوداني يوم 20، وحايخلي كمية من أعضاء لجنة التسيير يقدموا استقالاتهم….. وأبونجود المندلاوي حايصاب بجلطة
شيبوب كاوي القلوب ومعذب الطيشاب ناس المرخرخ ببح وراح خلاص ولبس الأزرق الوهاج !!!
هههههاااااااي
وما تنسوا الأمم المتحدة ومجلس الامن .. ههههههههها
في واحد معلق قال المريخ أكبر من أي لاعب يا خي ضحكتني ضحك وأنا صايم
طيب تعال أحسب
1/ طلعت فريد الخلاكم تغيروا اسم ناديكم عشان يرضى يبلعب ليكم
2/ عصام الحضري قال رئيس ناديكم ما كان بحلم يتصور معاي وبعد دة جريتو وراهو ومن المطار للاستاد
3/ البرنس سيدا وما ادراك ما سيدا موسم كامل قاعدو في بيتو اعلامكم يشيل ويختلق ليهو في الأعذار
4/ تراوري وطبعا المسلسل لازال شغال وا فيكم واحد يقدر يغالط فيهو
غايتو الوصيفاب ديل لما يصوموا بتخيلوا حاجات عجيبة خلاص
(الفوضيحة)
ياربي تستر فضايح كتابتنا