المريخ يفقد الغاني كوفي أمام النسور
سيفتقد المريخ جهود لاعب الوسط الغاني فرانسيس كوفي في مباراته أمام النسور مساء الأربعاء على ملعبه بامدرمان ضمن الجولة21 لمسابقة الدوري الممتاز بعد أن نال اللاعب الانذار الثالث في مباراة فريقه الأخيرة أمام الأمير ليغيب كوفي عن مباراة النسور بسبب الإيقاف، يذكر أن كوفي كان لعب دوراً كبيراً في الانتصارات الثلاثة التي حققها الأحمر على الرابطة ومريخ كوستي والأمير البحراوي في الفترة الأخيرة.
أها دي شماعة جديدة وموضوع للسكليبة، والجماعة لولا إنو شافوها شينة كان إتصلوا بي أسامة عطا المنان عشان يرفع ليهم الإيقاف عن اللاعب لأنو كشوفاتهم ناقصة…!!
الليلة المرخرخ لو حكام اللقيمات مالقوا ليهو طريقة يمرقوهوا بيها، بكرة كلهم حايطالبوا بفرض عقوبة علي اللاعب كوفي، لأنو أخد ليهو بطاقة صفراء مجانية….!!
يعني الزول حتي مايعبر عن حالة الفلس العليهو ياعالم؟ طيب أدوهوا قروشوا عشان يلعب ليكم بي نفسيات بدل أموركم بتاعة الإستنكاح دي وتجوا في النهاية تتجرسوا…..!!
لكمة أخيرة: الملاحظ إنو أبو الحروف المستعاري المندلاوي كل ماكردنة يتبرع بي 2 مليار طلته بتقل وبيغيب علي الأقل لمدة يومين، عشان كدة نحنا نتمني إنو كردنة يتبرع لمشروع الجزيرة ب 15 أو 20 مليار….!!