المريخ يقسو على فهود الشمال بثلاثية فى الممتاز
اكتسح المريخ العاصمى الامل عطبرة بثلاثة دون مقابل فى المباراة التى جمعتهما عصر اليوم بملعب دار الرياضة بامدرمان ضمن مباريات الدورى الممتاز الاداء جاء جيد من الجانبين انتهى الشوط الاول بالتعادل السلبى ، وفى النصف الثانى ارتفع الاداء من جانب المريخ الذى زاد من طلعاته الهجومية وافلح فى الوصول لشباك فهود الشمال ثلاث مرات عن طريق رمضان عجب من (ضربة جزاء ) والتكت وسيف تيرى استطاع ان يحسم المباراة لصالحه ورفع رصيده الى ( 65) نقطة ، وتجمد الامل فى ( 53) نقطة.
حقيقة الأمل فريق محترم لدرجة كبيرة خاصة بعد مغادرة كفاح الذي يكره المريخ… الاستاذ جمال حسن سعيد اداري نظيف اليد واللسان واذا كل فريق الولايات تلعب بنفس طريقة الأمل والسلاطين والوادي وسوكرتا كان السودان ينافس في المونديال. مع صادق الأمنيات للامل الفريق الكبير.
قلنا ليكم طاقم التحكيم هو البلعب للمرخرخ، وهو الوحيد الممكن يشكل خطر على الخصوم!!
فريق معديها ضربات جزاء وعما قريب حا يدخل موسوعة ضربات الجزاء هي أقصد غينيس، وكل مرة لمن الشغلانة تكتم طوالي بدوهم ضربة شهية جزائية !!
الليلة الحكم حا يكون تمام وما حا يشتموهوا !!
ما عليكم يا فتية الأمل أولاد عمنا، إن شاء الله أخوكم أب زرد بكرة ياخد ليكم حقكم تالت ومتلت !!
ألحق يا هجام وتعال شوف، أبو المستعار يادوب إتنفس وبقي يقول كلام سمح، أمبارح ردم الراجل والليلة بقي يشكر فيهو 😂😂😂
ابوالمستعار تنفس الصعداء واليوم لا شتيمة للحكم ولا شتيمة للاتحاد ولا شداد والحمد لله لا سكليب ولا جعير. وطبعا تعادل الهلال يكون وقع ليهم في جرح لان جاهم فقدان نقطتين ميتة اصلهم ناس ميتات وفطايس. خليهم يتعلموا من اسياد البلد لو متعادلين او مهزومين لانلوم احدا وليست لدينا شماعات جاهزة لتعليق الفشل مثلهم. لكن ان شاء الله نعوض النقاط منهم
هههه تعوض النقاط من تيم التش والرشيد وعجب وتيري والتكت ورمضان بمبان وحبيبو بيبو وامير الحسن ومتجد وابوعشرين وباقي عقد النجوم … ياخي الحكم دا عادل بشكل والأمل احسن فريق وهلال هارون جاملكم…تعالوا نشوف شطارتكم والصاوي قال داير يركض بعد الهدف الثالث في المعبرة.
كنا نتمني ان تكون المباراة في الحفرة عشان تهربوا منها لمكان اخر كما فعلتم في الماضي لان بلكم مضمون في الحفرة. بس اركزوا وبطلوا السكلي والجعير وتهديد وارهاب الحكام وخلوا القشة ام روح يبطل التمثيل من اجل ضربات الجزاء وشوفوا البيحصل ليكم شنو؟
ههههجام قصدك العسكري الفي الحي تشتش قليبي وكي رشاش بحبو الناس فنان ومنو احييبي… في ضاحية ضنب النملة الكلام دا بشرحوهو الكديس لو ما لحق اللبن بقول عفن…دحين يا اخوي التش دا والله في اوروبا ما في مثله.وبقيت اعاين في الوجوه وأسأل عليك وسط الزحام قبال اتوه…يمكن ألاقي البشبهك…هههههاي اتاريك تحمل حقد على التش وانت تيمك لو فيهو زول فنان واحد كنا كتبنا فيهو اشعار وكان جانا في القلعة مشيا على الأقدام زي الغربال والمدينة وطمبل وكلتشه وتره…اصلو الجميل محبوب…اليوم ابوالهل صدقني ما فيهو ولا نجم واحد تشتهيه جماهير المريخ ياخي عندنا ٢٥ نجم صعب تفاضل بينهم كلهم نجوم الله يحفظهم من الحسد..وبعدين الكورة غالب ومغلوب وتعادل والمريخ ليس استثناء مثله ومثل البارسا والليفربول والبرازيل وعتاولة اللعبة مش مثل الخرافي وفايت الناس مسافي مدعومي المدلل جانا الليلة طاير.دمتم يا هجوم مع دفاع مكشوف.
باكر بجي الخريف واللواري بتقيف ياابو المستعار المندلاوي. لو في حكم صارم يوقف القشة ام روح من التمثيل لن تفلتوا من اضعف الفرق. ياخي ده لو في هواء شديد نفخوا في خط ١٨ بتوقع والدلافين يطالبوا بضربة جزاء. وسؤال برئ جدا. هل نجحت تمثيلياته بالوقيع داخل المنطقة المحرمة في دوري الابطال الغادرتوه في التمهيدي؟ وكم ضربة جزاء اكتسبها من التمثيل في دوري الابطال وكم ضربة جزاء اكتسبها مع حكام الدفرات المرعوبين من بلطجية الدلاقين. صدقني يامندلة نجاحكم كلو بالدفرات التحكيمية وارجع لمبارياتكم. اما ضربة جزاء عن طريق الممثل القشة ام روح او طرد لاعب من الخصم وستثبت الايام صحة كلامي عندما تلعبوا مع كبار افريقيا وتختفي الدفرات التحكيمية.