* لا تكن امعة تقول انا مع الناس ان احسنوا احسنت وان اساؤا اسأت
* الكلام ده درسونا ليهو بدري في المدرسة
* ايام المدارس فيها تربية وتعليم
* والتربية ما كانت من خلال توجيهات المعلمين فحسب
* بل كانت داخل المنهج المدرسي
* منهج يربيك ويعلمك
* الكلام ده بدري
* ايام مجانية التعليم ودرس العصر مجاني واجباري كمان
* الكلام ده ايام بصرفوا لينا الكتب كاملة ومعاها الكراسات والجلاد والحبر واقلام الرصاص والمساطر
* هكذا كانت دولتنا
* هكذا كانت الدولة الاسي دي
* هكذا كانت دولتنا دولة عطايات
* هكذا كانت دولتنا دولة الجبايات الاسي دي
* المهم
* موقف المفوضية يبدو انه مع الناس
* ان احسنوا احسنت
* ولو ما احسنوا نامت بالقرار
* وظهر ذلك من خلال التصريح الشهير
* الموضوع طلع من ايدنا
* وصدقوني
* الطعون التسعه لو كان فيها طعن واحد فيهو بصيص امل لما ترددت المفوضية في قبوله واعلان استبعاد السيد آدم عبدالله سوداكال عن رئاسة المريخ
* المهم
* حسب علمي تمضي مشكلات سوداكال الشخصية نحو الحلول
* وغالبا ما يظهر حل لاحدي الاشكاليات اليوم
* وتتبقي اشكالية واحده
* هي عند آدم ليست بالمشكلة
* لانه يثق بموقفه القانوني شديد
* في الحاله دي
* وبعد حل الاشكالات السوداكالية
* وبعد رفع الجهات الاخري يدها من موضوع آدم
* وعودة القصة حسب الرصة للمفوضية من جديد
* مابتخجل المفوضية في اللحظة ديك وهي تمتثل للقانون وتشطب الطعون وتعلن آدم عبدالله مكي رئيسا للمريخ ???
* المفوضية حاتودي وشها وييييييين !!!!
* المهم
* علي مجلس المريخ ان يسعي جادا لاستلام قروشنا طرف الهلال
* قروش تعويض كسير كراسينا المحكوم بيهو لينا
* فان انشغلت المجالس الماضية عن تلك المطالبة
* فاننا نطالب المجلس الذي اعلن عن نفسه مطالبا بحقوق المريخ و حقائق المريخ
* ان يطالب جادا بذلك الحق البين والثابت وان يعيده للمريخ
* وفورا
* اها
* انشغل محمد عبد الماجد بقصة بيع كاس السد
* واهمل قصة بيع كيان قرارا ومواهب وسمعه وتاريخ برغم الصفرية
* حتي اضحت قرارات الهلال المؤثرة لايختفي للروج اثرا مع الختم
* وسكت محمد عبد الماجد وكل اعلام الهلال عن الكلام المباح
* فالكلام المباح عند الاهله اضحي مثل النباح
* محمد عبد الماجد
* داير اقول ليك نكته
* قالوا في بتين طالعات من الاحفاد
* حلاااااتن
* لابسات حلقان جميلة
* الواحده قادة تلاته في الاضان دي واربعه في الاضان ديك
* القدود دي كلها حلقان
* من بعيد زي القراد في اضان الكلب
* المهم
* الاولي قالت للتانية مانطلع جمب استاد المريخ ببيعوا دهبنا
* التانية قالت ليها اخير لينا لانو٧ لو طلعنا بهناك دهبنا بمشي وين ما بتعرف
* ونبقي في مدني والحرامي قالوا مشي سنار وناس يقولوا في بورتسودان
* اخير نمرق بي هنا نعرف انو اتباع اخير من الجهل بمصير دهبنا
* تضحك!!!
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* المولد دخل علينا
* علي المصطفي نصلي وحانصلي وصلينا
* لكن عارف كيلو الحلاوه وصل كم يا والينا ???
سلك كهربا
ننساك كيف والكلب قال قولوا لاولادكم الحلاوة بدعه منها تتخارجوا من شيل الحلاوة ومنها تمهدوا ليهم لمقولة الاكل والشراب في البلد دي بدعة
والي لقاء
سلك
