المنتخب السودانى يخسر من تونس بثلاثية نظيفة
كورة سودانية
خسر منتخب السودان من نظيره التونسى بثلاثة اهداف دون مقابل فى المباراة الودية الدولية التى جمعت بينهما مساء اليوم ( وانتهت قبل قليل) ضمن استعدادات صقور الجديان لمواجهة غانا فى التصفيات الافريقية الشهر المقبل ، قدم الطرفان مستوى جيد وكانت نسور قرطاج هى الاكثر سيطرة على الكرة وقيادة بناء الهجمات على مدار الشوطين ومكنها ذلك من احراز ثلاثة اهداف فى شباك المنتخب السودانى انتهت عليها المقابلة.
لعيبة يجرجروا في كرعينهم جرجير، ويا كافي البلا هجمة ذي الناس ما عملوها ويجوا المنظراتية يقولوا ليك إعداد وبطيخ، أمال التوانسة لاعبنها بي بقر؟ قلنا ليكم مليون مرة اللعيبة العاملين فيها كبار وهم كبار في السن بس ديل ما بنفعوا، فلاحتهم بس في ناس تشاد ومع تشاد صدقت معاهم ساي، يا ريت بروف شداد يعمل معروف ويدك لينا الشغلانة ويقلبها مدارس سنية ويخلصنا من العمبلوكات ديل، وده ممكن يكون مشروع حياته قبل إعتزال العمل الرياضي، ويكون قدم أكبر خدمة للرياضة السودانية !!!
أووووف، حاجة تقرف بالجد !!
قدم الطرفان مستوى جيد؟ يا راااااااجل , دة فريقنا كان شربات وكان النتيجة المفروض تكون ضعف. دة واقعنا وان كنا بنحب السودان وطنا وشعبا علينا ان نبدأ من الصفر والاستعانة بالدول المتقدمة المانيا والبرازيل والارجنتين وهولندا وغيرها اولا من باب التشاور ثم انشاء اكاديميات في كل انحاء السودان وجلب افضل المدربين في العالم المتخصيين في المراحل السنية والصبر عليهم. غير ذلك سوف ندور في حلقة مفرغة الى ابد الابدين.