(النت) زاتو قفلناه عشان مساندة الوصيف ..!!
في الصمت كلام
محمد عثمان بلل
(النت) زاتو قفلناه عشان مساندة الوصيف ..!!
• الليلة لازم نقيف مع الاخوة في العرضة جنوب.
• عندهم كورة مهمة مع الجيش السوري.
• أي مستغربين ليه.
• مش نحن وهم واحد .. قمة الكرة في البلد دي وكدا.
• البحصل دا مناكفات ساي.
• لكن وقت الجد .. مافي لعب.
• بنقيف معاهم طوالي.
• ما بنعاين لصغائر الأمور دي.
• أنا متأكد .. الجماعة ديل كانوا بشجعونا في الكونفدرالية.
• ولاحظت الزعل واضح عليهم بعد مسلسل التعادلات دا.
• وكمان هم عندهم مباراة كبيرة.
• لاعبين مع الجيش السوري.
• يا زول دا كلام شنو.
• كيف يعني عندهم مباراة مع الجيش.
• الناس ديل مش عندهم حرب مدورة.
• أي عندهم .. وطيب.
• يعني الجيش دا ح يخلي ساحة المعركة ويلعب مع الأخوة ديل.
• يا سيد ما تفضحنا ساي.
• الجيش دا فريق كورة.
• ويمكن يكون داعم الفريق دا .. يااااخ عليك الله ما تدخلنا في متاهات.
• المهم الوصيف لاعب مع الجيش السوري.
• ولازم نقيف معاهم .. عشان يحقق نتيجة ايجابية.
• اتخيل بس المباراة وين.
• وين ؟
• في لبنان.
• يا زول .. بيروت عديل كدا .. لبنان بلد التفاح والعنب.
• العنب .. العنب .. العنب.
• أنا كنت وين ياربي الايام دي وما عارف حاجة.
• معقولة ناس صلاح نمر في لبنان.
• أيامكم لكن.
• دا كلو ما مهم .. مساندة الوصيف واجبة من أجل انزال الهزيمة بالجيش السوري.
• الوصيف يستحق الاستمرارية في المنافسة.
• المهم .. نحن من هسي جاهزين للإستمتاع بالمباراة.
• الليلة الشغل زاتو ما ماشين.
• من اجل مساندة الوصيف.
• مش النت دا .. خلاص البيانات زاتها قفلتها.
(صمت اخير) ..
• يـاسـاكنه مـابيـن الضـلوع
• فـي روحـي جـوا سـواد عينـي
• دا انـا قلبـي مِـلكك مـن زمـان
• كُـل ماتجـرحـي نبضـو حـي ..
تطبيق كورة سودانية لتصفح أسرع وأسهل
لزوارنا حمل من السودان متجر موبايل1
http://www.1mobile.com/net.koorasudan.app-2451076.html
2,456حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
17756 حملو التطبيق
على متجر apkpure
https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app
على متجر facequizz
http://www.facequizz.com/android/apk/1995361/
على متجر mobogenie
https://www.mobogenie.com/download-net.koorasudan.app-3573651.html
على متجر apk-dl
http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9
على متجر apkname
https://apkname.com/ar/net.koorasudan.app