الهلال يختتم تحضيراته للنمور بمران ترويحي
اختتم الهلال تحضيراته للأهلي شندي مساء أمس مران ترويحي باليد بمشاركة 23 لاعباً إلي جانب اداء تدريبات بدنية خفيفة تحت إشراف مدرب الأحمال التونسي مهدي بن مرزوق وجرت تقسيمة ترويحية باليد في وسط الملعب قبل أن تحول لتقسيمة بالقدم ما بين المرشح والمرابط شهدت تسجيل جملة أهداف من بينها هدفا رائعا للمهاجم الصادق شلش الذي ابدى رغبة قوية في اقتحام تشكيلة الكابتن خالد بخيت في مباراة اليوم اذا لم يكن منذ البداية فعلى الأقل في الشوط الثاني فيما برز الثلاثي نزار حامد وبشة ومحمد موسى بشكل لافت في المران واكدوا جاهزيتهم لقيادة الفريق للانتصار على الأهلي في مباراة اليوم وتعزيز موقعه في صدارة المنافسة.
لو ربنا كفانا شر طيور الظلام الحمراء وشياطينهم وخزعبلاتهم وإتحاد اللقيمات الداعم مواسيرهم وبافي ليهم عكازات يتوكأ عليها بواسطة الدعم التحكيمي السريع علي شاكلة الحكم صبري ومن شاكلتة وأمبارح جابت ليها فضيل القتل الفيل كمان، الهلال سيد البلد إن شاء الله مابتجيهو عوجة !!
فضيل أمبارح قرب يديهم شوط تالت لولا إنو هو ذاتو زهج وقنع من مواسير المرخرخ خير، لأنهم أكدوا بالدليل القاطع وحتي في وجود دعم تحكيمي واضح وفي مواجهة أي فريق يخت الرحمن في قلبه، مابيقدروا يهزموا حتي فريق درجة تالتة، عشان كدة فضيل لمن شاف ال8 دقائق والفاولات الوهمية وعكس فاولات الخرطوم الوطني والتغاضي عن إحتساب مخالفات خطيرة للاعبي الوطني ضد جزاري المرخرخ وووو……إلخ ده كلو مابيحله، والمواسير ديل ممكن عادي يلعبوا لأذان الصبح ومايجيبوا ليهم قوون واحد حتي لو تسلل، والمصيبة الكبرى الخاف منها فضيل إنو واحد من ناس الخرطوم الوطني يرش المرخرخين بمسمار صاموتي مع نهاية الزمن، وساعتها كان فقد روحه وراح فيها المسكين هو وطاقمة المعاون …..!!
لكمة أخيرة: اللهم إنصر الهلال علي كيد المرخرخين وعدو الهلال الول والرئيس الهارب وتحكيم أسامة عطا المنان وأفرحنا بنصر مؤزر وأقطع فشفاش المرخرخين ….آمي آمييييين يارب العالمين !!