الوزير اليسع يعين لجنة تسيير جديدة لنادي المربخ بالأربعاء

نادي المرخرخ بقي زي الطوطحانية بتاعة البيت الواحد، مافي طريقة لشفع الحلة التانين يطوطحوا فيها وشغالة قصاد شافع واااااااااااااحد يركب يتطوطح وينزل منها يمشي ينوم ويصحي تاني ويروح راكب مطوطح بيها ههههههههههههههههه
الفصاحة بتاعة كتاب المرخرخ في مقالاتهم بإنو المرخرخ فيهو مليون شخصية من كبار رجال الأعمال اللي ممكن أي واحد منهم يدير النادي ويمشي أموره، وأول مايجي وقت الحارة تلقاهم كوووووووووووولهم جارين علي التعيين وساكين البتاع الطوالي عشان مايمشي ويخليهم في الصقيعة، وبالتالي كل الشخصيات بتاعة رجال الأعمال البيخدروا بيها الجماهير بتختفي في لمحة عين، ويجي البتاع الطوالي تللللللللللللب ناطي في الطوطحانية….. هي أقصد في مقعد الإدارة !!
الغريبة لمن تظهر مشكلة في المجتمع تلقاهم بيتفاصحوا ويطالبوا بالديموقراطية وينتقدوا الوضع الاقتصادي وهاك لو شفت ياوالينا ويا منو وننساك كيف والكلب وو……. وغيرها من لغة الطبيز الماليها راس ولاقعر، وأول ماتبقي علي نويديهم ينسوا كل الكلام ده وهاك يا لن نوالي غير الطوالي والبتاع الطوالي هو الرجل المناسب للمرحلة (ماعارفين المرحلة دي مالها زي الفيلم المعاد) والبتاع الطوالي هو الوحيد الذي يدفع (طبعاً من قروشنا وهم بيلقوا فيها لحسة) و غيرها من أمور التطبيل !!
لكمة أخيرة: تلحقنا وتفزعنا !!