*الشغل كان جماعي
*في الملعب كان جماعي
*ووسط الجمهور كان جماعي
*وكان سعدنا كان يشدو بعد ان فلت من رقيبه
*ورقيبه هو ذلك الشتات والاختلاف الذي كان يعيشة المريخ طيلة عام
*وعندما غفل الشتات برهة
*غني سعدنا علي ارض المليون شهيد ومليار مبدع
*تغني سعدنا باعظم اغاني الحقيبة
*كان شادينا يغرد مغنيا
*في غفلة رقيبي قلت ازور حبيبي لقيتو شوية حاسي
*عندما تغير الاهتمام من الاختلاف الي الإئتلاف لاجل الانتصار
*قلنا نزور حبيبنا المريخ
*لقيتو شوية حاسي
*في غفلة رقيبي
*ايها الناس
*منذ حوالي العام لم نعش لحظة واحدة تضامنت فيها القلوب كلها لاجل نصرة المريخ وانتصاره الا يوم معركة العبور اول امس
*تساقطت كل الاقنعة وانارت الوجوه المريخية العالم العربي وانتصر الزعيم
*انتصر لاننا توحدنا من بعد شتات نحن من صنعه
*انتصرنا لاننا وقفنا تحت راية واحدة كبيرة اتسعت لنا جميعا اسمها المريخ
*خرجنا من تحت رايات الانتماء الضيق وناموسيات التحزب لافاق ارحب
*لذا بقينا صفوف
*صفوف صفوف صفوف
*ممتدة وتهدر ليعود فجر الانتصارات لجمهورية الزعيم
*وقد كان
*ولعل التأهل العربي قد اعطانا اعظم الدروس والعبر
*نحن من ينصر المريخ ونحن من يهزمه
*لان دموع الرجال التي امتزجت ببعضها بينها لايوجد برزخ يفصل بينها
*فكلها عزبة كانت
*دموع الرجال في جميع مدن السودان وربوعه
*كانت روافد نهر النصر عند ملتقي دموع اولاد قلبا
*وما اعظم دموع الرجال
*بكي البصري ومحمد الشايقي بالنادي
*وجعر آخرون
*وبكي مزمز باليوم التالي وفي احضانه بكت الصدى
*حتي شمس الدين بكي لمن استغفر
*انه المريخ
*اسماعيل حسن الرائع فرش عديل
*دموع ابو السباع ماحصل غلت علي المريخ
*معاوية الجاك جعر بسلطنة عمان لمن السلطان قابوس غلبو النوم
*وبكي ناصر بابكر الطاهر
*وبكي الطاهر هواري وحاتم عبدالغفار
*وما احلي دموع الفريق منصور
*وما اغلي دموع ود الياس
*وما اشرف دموع طه صالح شريف وجيله
*بكي الوالي وبكي سوداكال وونسي وجعر ود الشيخ
*ده المريخ ياناس مابتغلى عليهو دماء ولا دموع
*وبكي الفاضلابي لمن اتخجه
*واتنهف
*وياحلاوة دموع ابوشيبة
*وبكت اسرة الراحل المقيم حجوج
*واسرة سامي عز الدين فرشت عديل
*انه المريخ
*حينما نتوحد ننتصر ونهزم المستحيل وكل الزناطير
*فلماذا لانستغل هذا التأهل دعوة للتلاقي والتصافي
*وما احلي التصافي من بعد التجافي
*بكل هدوء يمكن ان نحل كل مشاكلنا وبمنتهي الاحترام
*لانها في حقيقتها مجرد اشكالات وليست مشكلات
*ويعود سعدنا ليغني في غفلة رقيبي
*ولعظمة الاغنية نفرد لها بعض المساحات
في غفله رقيبي رحته ازور حبيبي لقيتو شويه حاسي
ضاجع في سريرو
متوسد وكيرو
حيتو وجلسته
بي حسنو انغمسته
وبي حديث دبلوماسي
قال نوري ماسي
واحزر التماسي
في غفله ……
قال لي انته عاقل مافي لزوم تشاغل
قتليهو انته روحي
وانته سبب جروحي
وانته لشعري موحي
وبي اثر انتكاسي
تعزر نعاسي
ولي يومين بقاسي
في غفله…..
قال لي عندي حمي
وبي صداع المي
*ايها الناس
*نحنا قوة
*نحنا في ماضينا قوة
*نحنا في حاضرنا قوة
*وعشان نبقي في مستقبلنا قوة
*تعالوا نختلف بادب وحب
*كي نحافظ علي ماضينا القوي وحاضرنا القوي ونبني مستقبلنا الاقوي
*ايها الناس
*شهادة الاجادة لكل الاولاد
*ولكن دعوني احي منجد البطل
*ايها الناس
*اهم اخبار الرياضة اليوم هو تأهل المريخ
*وفي اذاعة هوي السودان تصدر الخبر الاخبار
*ولكن تفصيله جاء بعد ساعة
*بعد ما انتهوا من دورة العاب قوي
*وتعيين زول للاولمبي
*عشان كده قلنا اذاعة الزعيم ضرووورة
*كلها بي كم يعني؟؟؟
*رأيكم شنو لو طلبنا من جيمي والفادني وعبد الصمد التبرع بكلفة الانشاء
*مصاريف التسيير علينا
*فكونا من حقارة القنوات والاذاعات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*الضيق الشديد الفينا
*مابعدو الا الفرج الكبير اللاح لينا
سلك كهربا
ننساك كيف والكلب قال صحي مابعد الضيق الا الفرج
والي لقاء
سلك
،
