* التش طبعا لما يقوم علي جنو بدخل الكورة بين رجلين اجعص تخين
* يوم كورة البجا لما قام علي حركاتو ودخلها بين رجلين اربعه علي التوالي
* صديقي جحا في شندي بتفرج في التلفزيون كرب رجلينو علي بعضن بالتكه
* اخير السروال يدق سيستم من جن التش ده
* اليومين دي لو داير تعرف الزول هلالابي ولا ماهلالابي
* شوف وقفتو
* لو لقيتو واقف انتباه
* قطع شك هلالابي
* خايف من جن التش
ايها الناس
* بغلة عبد الخير بي السكري الضاربها ده
* اي وقفه الكورة بتخش بين رجلينا الاربعه اربعه مرات
* دي مصيبة شنو دي يا اخواني
ايها الناس
* دائما الابداع مريخي
* لذا طبيعي جدا انك تجد التش والسماني وميدو وبيبو وحبيبو (التكت) في كشف المريخ
* و طبيعي جدا انك تجد سيبو في اي نادي تاني
* لكن
* الحفاظ علي المواهب وتنميتها هو من مهام المجلس في المقام الاول
* اي تقصير المجلس بطير بقرار من الجماهير
* والجماهير لن ترضي باي اهمال للاولاد ديل
* هذا الكشف الخرافي هو نتاج جهود لجنة ونسي ولجنة جمال الاخيرة
* وواجب المجلس الحالي هو الحفاظ عليهم والاضافه لهم وتطويرهم
* حتي يضع بصمته مع بصمتي لجنتي التسيير اللتا انجزتا كشف المواهب وجابت للعدو المصايب
* غير كده ستضيع بصمات رجال وضعوها بعد عناء شديد وشد وجذب
* وفي الخاطر ما تحمله جمال من ضغوط خرطومية ابان قيد التش وميدو
* وما تحمله من تحديات ابان تسجيل العقرب واعادة قيده وتسجيل ميدو والسماني
* وما تحملته القروبات عند تسجيل محمد الرشيد وعاطف خالد ورفاقهم في عهد ونسي
عشان كده
* علي المجلس الحالي ان يفتح عينو كبيييييره
* اكبر من احضان الجماهير التي اشرعتها لاستقبالهم وفي الخاطر الكيان الكبير
المهم
* علي ذكر المجلس
* احسان استقبال الجماهير للمجلس ومد اياديهم ناصعه خالصه للمسانده
* قابله المجلس للاسف بتنكر كبير اقل ما ينتج عنه انفضاض سامر الجماهير من حوله
انها نادي المريخ الاسري الحقيقي
* الذي لم يغب مرتاديه عنه حتي والمريخ خارج البلد
* نادي لايعرف الغياب ولا الاجازه
الحوش
* كلمة صغيرة عميقة المعاني وكبيرة عند الرواد
* وهو المساحه جنوب وجنوب شرق حوض السباحه
ليس بنادي فحسب
* بل اسرة جمعت الناس علي الخير
* اخواتنا ستات الشاي اضحن اساسيات في مجتمعنا
* نجدهن ويجدننا في السراء والضراء وجميع التكاليف الاجتماعية
* لايقدح احد فيهن ولايقدح عليهن سلوكهن
* هم منا ونحن منهن
* ولكن كيف ولجن للحوش ?
* قبل طاشر سنة وهن يعملن حول السور الخارجي
* حضرت الكشة متزامنه مع حضور جمال الوالي
* ولان الريس وقتها كان مهتما بعلائق الناس في المريخ مؤمنا بالامة
* شال بايدو المنقد وادخله في الحوش وقال للضابط كده في مشكلة
* قال الضابط لا
* فامر جيمي بالسماح لهن بالعمل داخل البيت الكبير بالحوش
* واتبع ذلك بقرار من المكتب التنفيذي يفيد ذلك ويفيد تبعيتهم لمدير النادي
* واستمرت الحياه
* الي ان بزغت شمس هذا المجلس
* بزغت في وجوه الجميع وستات الشاي تتم مطاردتهن داخل الحوش كالاغنام
* ومن ثم الي القسم
* ويتبعهن اخوان فاطنه للضمانه
* ثم المحكمة والغرامه
* وفي تضامن فريد من نوعه الناس تعمل شير
* برغم انها عملت (ان لايك) للقصة
* و تتكرر الاحداث
* بنفس السيناريو
* ويطرح سؤال نفسو
* هل ولجت شرطة امن المجتمع لخصوصيتنا داخل الحوش بمزاجها
* ام بناء علي شكوي من شمس المجلس التي بزغت علي العشرة وظروف اخوات لنا في بيوتهن مآسي ولكنهن يتخذن منها مراسي
* تقسو الاقدار عليهن ويقسو المريخ دارهن وتبزق عليهن شمس ظالمه ولا اقول تبصق
ايها الناس
* لايوجد مايخدش سمعة اخواتنا
* ولا مايشكك في سلوك اخواننا
* وان كان لا سمح الله يوجد ما يشين
* فان علاجه ليس بتلك الآلية الفظيعه الفظه
* ايها الناس
* في حلتنا في زول مبتلي بالخمر
* يعاقرها ويعود للحي
* يصرف لنا اجمعين
* ثم يدخل دار اهله ليصرف لهم بدورهم
* طوالي كده والناس تسأل له الهدايه
* وفي مرة ابلغ شقيقو الشرطة
* وجات وساقتو
* بلاغ الشقيق سمح للشرطة بالولوج لخصوصية الاسرة
* ناس الحله مازعلوا من السكران
* زعلوا من البلغ
* لانو البلاغ ليس بالعلاج المناسب
* ولان الخوه مابتضيع
* ولان الدم عمرو ما يبقي موية
* ولنا عودة
* ايها الناس
* ان تنصروا الله ينصركم
* اها
* نجي لي شمارات والي الخرتوم
* والينا
* الرجع الساعه لينا
* يرجع لينا كل الراح يا والينا
* ونفتح امدرمان وتغني لينا
* الكنينة يا رطب الجنينه الله لينا
سلك كهربا
ننساك كيف والكلب قال ماترجعوا الساعه اصبروا شوية الجماعه ديل مامضمونين
والي لقاء
سلك
