باسكال: لا اهتم بما يُثار حولي وشكراً الإدارة والجماهير

…….”مبيناً أن هذا الأمر يخص الإدارة والتي قامت بعمل كبير لحل هذه المشكلة …….” !! قامت بعمل كبير زي شنو يا سيدنا الإمام باسكال الواوا؟ يعني الشغلانة فيها مشكلة والموضوع عفنته مرقت برة الحفرة وعمت القري والحضر ههههههههههه
المرخرخين عرفوا الشغلانة بايظة ولاوزوا الكاف يعرف الشغلانة عشان كدة هربوا اللاعب وودوهوا ساحل العاج بذريعة إنو أمه عيانه !! أسي ياناس في الدنيا دي في زول نصيح كدة وقلبه فيهو رحمة وبيخاف الله بيتمني لأمه المرض؟ بس مع المرخرخين ديل كل شيء ممكن يهون في سبيل تخدير جماهيرهم المسكينة المغلوبة علي أمرها، وومكن الواحد يقتلها بالكضب كمان، ناس زوروا وبيلهطوا في مال الشعب ليهم 15 سنة بيغلبهم يعملوا حاجة زي دي؟
أسي أبو المستعار بجيكم ناطي بعمود ملقط من عمو سماعين والمرشدي وبقية الكورال، ويقوم يملانا سقط وماعارف باسكال رجع وشنو شكوي فريق البتاع داك وقوون الهلال تسلل…….طيب قوون بكري المدينة المبارح مالو؟ حللو لينا وكمان خللو ياسيحة ههههههههههههه
بس أحلي مافي الموضوع ده كلو إنو أبوالمستعار زول فقر، وكل مايمسك ليهو في موضوع خاص بالمرخرخ ينحسه ويفشل……. عدوا معاي: موضوع شيبوب حارق القلوب، جواز بسكلة السحبوهوا ناس الحكومة، شكوي مباراة أهلي شندي، موضوع تسجيل اللاعب الجنوبي ألوك اللكلوك كلاعب وطني، ووو…………..مفروض ياناس المرخرخ تقوموا علي الزول ده وتقعدوهوا في علبه….فققققققققققققر !!
ناس المرخرخ عشان بسكلة مايجيب ليهم غبار مع الكاف حايوفقوا أوضاعه كلاعب أجنبي ويركبوا النيجيري الجو، وحايضحوا بمباراة هلال كادوقلي علي أمل إنو الإتحاد يسمكر ليهم موضوع الشكوي في لاعب أهلي شندي، وبي كده ينجوا من عقوبات الكاف ويحصلوا علي نقاط ماحقتهم يعوضوا بيها نقاط مباراة أهلي شندي الأصلاً إترصعوا فيها …..بس هيهات مع إعلام الهلال المصادم والإتحاد زااااااتو بقي في رقبته مع سعادة الفريق سر الختم وجماعته….!!
لكمة أخيرة: بتراهنوا علي حيطة ماشة تقع يامرخرخين