بداية موفقة

في السلك

بابكر سلك
بداية موفقة

نتيجة مباراة الزعيم الافتتاحية كانت جيدة

*وكانت مفرحة*برغم أنها كانت متوقعة
*وهذه النتيجة ألقت على عاتق الأولاد عبء المحافظة عليها في مقبل المباريات
*فالغريق قدام
*وحينما تدور عجلات الدوري
*يرتفع مستوى لياقة لاعبي الأندية التي يكون إعدادها قدر عينها البصيرة وإييدها القصيرة
*وتستأسد تلك الأندية في خواتيم الدوري تجنبا لويلات الهبوط
*وعندها تضطر الأندية التي تتنافس على البطولة
*تضطر للتنقيط
*عشان كده
*وعشان الرزق تلاقيط
*حقو ما نفرط في الماسورة ونبدأ التنقيط
*أيها الناس
*الدوري أبو أربع مجموعات
*ويشكوها تاني
*ويوزعوها
*الله يستر ما تتدكه
*فمنذ البداية ظهرت أندية قافلة على كرت ميت
*كرت الرعاية والتلفزة
*ولعمري هو اخفاق من الاتحاد الذي تباطأ فيهما
*أندية قافلة على دينارية التلفزة، وبت هارد الرعاية
*من قولة تيت الاتحاد جدع كل الديناريات والهاردات
*وخلا تلك الأندية ماسكه الورق فوق والجواكر في الصندوق مافي
*القصة دي بتخلي الأندية تلعب لي دكها
*المهم
*أول أمس انتصر مريخ القاهرة فرع الخرطوم
*وأمس انتصر مريخ القاهرة الأم
*وتحمل الأنباء مخاطبة مجلس المريخ فرع الخرطوم للهلال للعب باستاده
*وتحمل أنباء أخرى موافقة الكاف على اللعب باستاد السلام وفقا لما رفعه لها مجلس المريخ فرع القاهرة الأم ودبي الجدة
*فلو تأقلمنا على مريخ القاهرة فرع الخرطوم ومريخ القاهرة الأم
*كيف ستتأقلم الكاف مع مجلس المريخ فرع الخرطوم ومجلس المريخ فرع القاهرة الأم؟؟؟؟؟
*والخوف القصة يبقى فيها
*وانت مال أمك إنت؟إنت دافع حاجة؟؟؟؟؟
*(نأطنا)بسكاتك
*ولو حصل كده لا قدر الله
*وقام مجلس القاهرة الأم بتتريس مطار القاهرة
*ومنع البعثة زي منع مغادرة الشاحنات المصرية
*نطلع لايف يعني ولا نطلع لايف؟
*باقي الإخوة المصريين لما سخن معاهم ترس الشمال طلعوا لايفات بالهبل
*والغريبة معظم الكلام الفيها هبل
*قال إيه؟
*السيسي يتدخل ويعيد الشاحنات المصرية والسواقين
*المهم
*لو ده حصل
*البلعب في استاد الهلال منو؟؟؟؟؟
*غايتو بالشايفو ده
*المجلس داير جهاز فني أجنبي
*بالطريقة دي لا بكتسبوا خبرات
*ولابكتسبوا لياقة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*جارتنا لما طلعت عينا
*باللايفات مرقت علينا
*والله بالدبابات ما بنفتح يا والينا

سلك كهربا

ننساك كيف والكلب قال مش لو طلعتوا لايف…لو طلعتوا زي ال…زي الشنو ما عارف… لو طلعت روحكم تاني سمسم إنتاج ما مكتوب عليهو سوداني، مااااافي
وإلى لقاء