بقت علي قصة الجعلي

في السلك
بابكر سلك
بقت علي قصة الجعلي

*نفروا خفافا
*انهم المريخاب اعضاء القروبات
*قاموا بنفرة لدعم اعادة تأهيل الاستاد تمخضت عن مليارات
*أثبتت تلك المليارات ان المريخ لايحتاج لرئيس شرط وجودو إنو عندو قروش
*كما كانت النفرة بمثابة رد علي الاخ حازم الذي من كثيرا بقصة بدفع براي وكأن ماعاجبكم اسي بسلمكم
*مع الاحتفاظ لحازم بالشكر والتقدير لما قدمه(ايام التلميع)وماقدمه بعد(التطبيع)
*والاهم من مليارات النفرة
*هو اعادة تأهيل روح الانتماء داخل الانصار وتنشيطها
*قصة جابوا لينا وعملوا لينا ومصالح وفتات يقتات منه الهتيفه لا تشبه الزعيم ولاتفيده
*نرفع القبعات لكل القروبات التي ساهمت
*بل لكل المساهمين من اعضاء جميع القروبات
*وتحية(عسكرية)وخطوات تنظيم للاحبه في قروب الديناكوردات الذين كانوا في مقدمة الركب بمليارات شارفت علي المليار الرابع ببسيط
*ولو كنت انا قد ساهمت معهم لقفلنا المليار الرابع
*الاخ شهاب قلت ليهو اصبروا لي شوية
*قال لي سلمنا
*قلت ليهو برضو بساهم
*قال لي الا النفرة الجاية
*وهي نفرة للقروب للتعاقد مع شركة لنظافة ومتابعة حمامات الاستاد والمرافق
*علم وحلم وارتباط وثيق وانضباط بعسكرية حقه لمريخية تستحق
*المهم النفرة فاتتني
*واحساسي بقي زي احساس الجعلي
*قالوا الجعلي في زول اكرمو كرم شديد
*الزول ده بعد فترة جاتو ضائقة مالية شديدة
*الجعلي مشي ليهو وهو حافظ جميل الزول
*قال ليهو يافلان العين بصيرة والايد قصيرة
*علي الطلاق التكتح ماعندي
*لكن سوي ليك عوة وزح لي منها
*اها انا موقفي بقي زي الجعلي ده
*المريخ الا يسوي ليهو عوة ويزح لي منها
*لكن نحنا لسة فيها
*المهم
*وصل حالنا في البلد دي لدرجة مبكية
*تصدقوا في ناس غلبتهم مصاريف المدارس جمدوا السنة دي لشفعهم؟
*تصدقوا في ناس قسموا شفعهم
*جزء يمشي المدرسة وجزء يقعد في البيت للسنة الجاية؟؟؟؟
*تصدقوا في ناس اتمنوا الموت قبل مايشوفوا حسرة في عيون أطفال محرومين من ابسط حقوقهم وهو حق التعليم لاسباب مادية؟؟؟
*تصدقوا في البلد دي كان في مجانية تعليم
*والزامية تعليم كمان
*يعني تقرا مجاني ورجلك فوق رقبتك
*بل كان في محو امية ليلحق من فاتهم قطار التعليم بركب المعرفه
*والآن شن جاب لي جاب؟؟؟؟
*هل ينزل جبريل بوحي جديد يخرجنا من هذا المطب؟؟؟
*كيف ينزل والحبيب آخر المرسلين لاينزل وحي لنبي بعده،؟
*اذن فالنبحث فيما نزل من وحي علي الحبيب المصطفي لنخرج من هذا الكابوس المزعج الذي افزع احلامنا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا المكلف علينا
*ايه المخرج ورينا؟؟؟
سلك كهربا ننساك كيف والكلب قال يلا يا اولاد المدارس كأغنية جميلة اتنست
والي لقاء
سلك