(بيبرس) والمغول ..

نفاج المداد

ابوبكر عبدالله (بيكو)

(بيبرس) والمغول ..

قصة تنافلتها اجيال عبر التاريخ ، وها هو المريخ يخوضها الان ! بكل شموخ وكبرياء وعظمه ..

يقاتل الزعيم وحده وسط (مغول) الجزائر ، ثلاثه فرق من العيار الثقيل ، يبثون الرعب في اعتي الخصوم من بينهم حامل اللقب الافريقي ..

انه الزعيم قاهر الصعاب ، يقاتل وحده مغول (اللياقات السوداء) يرعب الخصوم ، وينتزع النقاط ! شكرا ابطال المريخ وانتم تسعدون شعبكم وتهدونه اجمل عيديه ..

* شكرا غارزيتو وانت تؤكد دائما انك علي قدر التحدي !

* زعيم افريقيا يتقدم ، ويعلن عن نفسه ، بملامح البطل القادم ! ومن الان سنعد العده لنستقبل الابطال ، ونكون امامهم وليس خلفهم في المباريات القادمه ..

* فعل الابطال ما عليهم بعد ان حرمهم الحكم من نقطه غاليه امام الاتحاد ، وها هم يبرهنون قدرتهم واحقيتهم ..

* الان التأهل ، بيد الجماهير الوفيه فلنتجهز منذ الان !
مباريات ام درمان هي مباريات شفوت المدرجات ، وحوش المارد الاحمر ..

* تعادل من فك حامل اللقب ، نهديه لمن (هربو) من قبل امام اسطيف الجزائري ! وبعد ان صدعونا بمعارك وهميه تسمي (رش الاعتبار) ..

* لن ننوم علي عسل (التعادل) الجميل ، ولن تسكتنا عن ظلم التحكيم الذي مورس علينا في الشوط الثاني ، ونهمس في اذن مجلس الاداره ان يجب الانتباه لما يحاك ضدنا من خفافيش الظلام حتي لا يتم اغتيالنا في ملعبنا كما حدث سابقا في الابطال ..

* ستظل بطولة 2009 وصمة عار في جبين التحكيم الذي هزمنا علي ملعبنا ، ونؤكد الان اننا لن نلدغ من جحر (التحكيم) مرة اخري ..

* لن نسمح لاي كائن كان ان يسلبنا حقنا هذا العام ! فليقم كل شخص بدوره كاملا في دعم الزعيم حتي يواصل زحفه نحو اللقب الافريقي ..

* من يحاولون عرقله الزعيم (كرها في الاداره) عليهم ان يعلمو ان جمهور المريخ لن يسمح لهم ، وعليهم ان لا يلعبو بالنيران حتي لا تحرقهم ..

* اما خفافيش الظلام ، جمهور المريخ ووحوش المدرجات قادرين علي (سحقهم) ، فلم يعد الامر خافيا عليهم ، فلابد للجمهور ان يكون علي قدر المرحله المهمه والحدث ..

حاجه اخيره كده :

نحن كلمناكم المريخ ده وكت يخت حاجه في راسو بيعمله ،
ما عندنا كبير في افريقيا دي ، ولا بنعرف (نهرب) ولا بنجامل ليكم حامل اللقب !

ناس تقابل حامل اللقب ، وناس فرحانه بي (سموحه) وكل زوله حسب (مكياجه) ..

هسه التعادل مع وفاق اسطيف ده في ناس كده لو عملوه ساي بطلعو لينا بي (بيان) ..

* عمر بخيت علي الاقل (رد دينو) بتاع وفاق اسطيف ، العقبه لي شعار (عصمت) !
هسه بكره يقولو مفروض (عصمت) يمشي يلعب كورة الرد براهو ..
عارفنكم لازم تتسلبطو ليكم في زول ، كبسوور وبيانو ممهور ..

نقطه اخيره :

مريخ من زمان معروف هجومو حريف

جابسون في العلالي الضربه زي السيف

دخلت في الشباك فوق مرمي ناس اسطيف

خلت ناس (معيط) دون عشوه نامو خفيف