*منتخب صغار صقور الجديان حقق نتيجة جيدة امام نظيره الجيبوتي
*ونال المهندس محمد موسي وسام قيادة المنتخب لذلك الفوز الكبير
*ولفت نظري بشدة تعليق مدرب منتخب جيبوتي الذي قال
*افتقدت ستة من اعمدة المنتخب لانهم تخلفوا مع المنتخب الكبير
*نقيف شوية هنا
*هذا العدد المهول من منتخب صغار جيبوتي تم ضمهم للمنتخب الكبير والاستعانه بهم؟؟
*اذن كم متوسط اعمار المنتخب الجيبوتي الكبير؟.؟
*وكم متوسط اعمار منتخب الصقور الكبار؟؟
*وكم سيمكث منتخب جيبوتي الكبير بالملاعب؟
*وكم ستمكث صقورنا داخل المستطيل الاخضر؟؟
*الاجابة علي كل هذه الأسئلة توصلنا لحقيقة ان جيبوتي وضعت قدمها علي الطريق الصحيح
*قريبا سيتمتعون بخبرات كبيرة واعمار صغيرة
*ونحن يانا نحنا
*وصدقوني بعد تلاتة سنين وقبل انتهاء امد الحكومة الانتقالية
*جيبوتي حا تغلبنا رايح جاي
*لانهم وقتها سيحاربونا بمنتخب شاب صاحب طاقات وخبرات عريضة
*وسننازلهم بتشكيلة تضم كل من
*امير كمال وبويا في قلب الدفاع
*الشغيل وابوعاقلة محاور
*رمضان عجب ومعاذ القوز ثنائي مقدمة هجومية
*اطهر الطاهر والتاج إبراهيم علي دكة البدلاء
*نحنا اصلنا كده
*لاعبنا ولوووف
*يولف علي الخانة يقعد فيها خمسطاشر سنة
*وهو ذاتو لما يولفوهوا علي الخانة بكون عمرو تمنية وعشرين سنة
*ومادرينا ان الولف كتال
*علي العموم
*تمنياتي طبعا لمنتخب سودان الثورة تحقيق نتيجة بتنزانيا تقودنا بقوة نحو النهائيات
*فانا اكتب قبل المباراة
*المهم
*ابو شنب مدرب المريخ الجديد استلم الشغل
*ولو كورتو قدر شنبو ده
*صدقوني الاميرة السمراء حاتجينا في محلنا محننه ومجرتقة وقسيمتها في ايدها
*اما لو طلع
*عمك شنبو زي عمك حسبو الشتت قصبو
*صدقوني طيران من التمهيدي حايخلي جماهير المريخ تمعط شنبو وتشغلو وقاية للجبنة
*فخروج المريخ من التمهيدي بقي زي الخروج من الحمام
*مضمون ومخجل ومحرج
*وتحس انو الناس كلها بتعاين ليك
*وفي بعض الاحيان زي الحمام البلدي
*النوع البكون مامعروش داك
*كان وقفت حيلك الدنيا كلها تعرفك مارق
*الله يسترنا عاد
*المهم
*داير اسأل الجماعة البتباكوا علي تفنيش مدراء الجامعات
*اين كانت دموعكم ومامون حميدة بعد تعيينه مديرا لجامعة الخرطوم لم يترك علي ظهرها كفاءة؟؟؟
*يادوبكم بقت عندكم عيون تدمع؟؟؟
*اين كنتم واين كانت دموعكم وفرية الاقصاء التي استعرتم بدلا عنها مسمي الصالح العام تجتث في الكفاءات والخبرات لتحل محلها مجرد(كرورات)ودت البلد في داهيه؟
*يادوبكم عرفتوا انو في حاجة اسمها دموع؟
*والله انا لو محل الوزيرة اراجع كل الدرجات العلمية الممنوحة من تسعين والي حداشر ابريل الفين وتسعطاشر
*اخجلوا ياخ
*ده شنو ده؟
*قرف يقرفكم زي ماقالت تراجي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*يعني بتاع قطر ده ماحلت ليهو الكورة في فرنسا الا بعد ماهمينا؟؟؟
سلك كهربا
ننساك كيف والكلب قال رأس افريقيا كان افضل من ضنب العرب
والي لقاء
سلك
