تسجيلات الهلال واراضي المندرة

في السلك

بابكر سلك
تسجيلات الهلال واراضي المندرة

* تسجيلات الهلال تذكرني باراضي المندرة
* يتحدث الاعلان لاراضي المندره عن المطار الجديد و شارع عريض يفصل بين المندرة والمطار
* كل المخططات في تلك المنطقة يرتبط الاعلان عنها بالمطار
* جنوب المطار
* جنوب غرب المطار
* جنوب شرق المطار
* علي بعد كذا كيلو من المطار
* ولا استبعد ان يطل علينا اعلان عن مخطط يقول
* جمب المطار وعلي بعد مية وعشرة كيلو فقط شمال غرب الجنوب الشرقي للمطار
* في ناس عندهم اراضي هناك
* الواحد يقول ليك ارضي جمب المطار
* فهل اقتناء قطعة بالمندرة يقود مستقبلا للسكن في حي المطار ? (العمارات الجديده )
* وهل تسجيلات الهلال المنظرة ستقود الهلال للمطار ????
* ام ينتظر الاهله كملاك المندرة المطار يجيهم في محلهم???
* لكن بيني وبينكم لو لقيت لي ارض في المندرة باقساط مريحه بقعها
* مامعروف لي قدام تودينا وين الظروف
* ومتي سيصل المطار للمندرة ويصل الهلال للمطار ????
* الانجاز في المطار اذا ماقارناهو بالزمن نلقاهو صفر
* والانجاز في الهلال صفر
* واوجه الشبه كتييييييييرة
* المهم
* الموضوع دخل في يد المفوضية تاني
* بعد ما طلع من يدها دخل يدها بعد دخول موسم التنقلات
* بركة الموضوع رجع لي ايدك يامفوضية بعد خرج منها
* بركة الرجع وما بقي خرج ولم يعد
* اوصافه كالآتي
* ولا مافي داعي لي اوصافو
* كان وصفناهوا ببقي مشكلة
* الهوا بقسمو
* ولكنه الهوان
* المهم
* الانضباط توقف جمال سالم وتستدعيه
* قبضوهوا بالثابته في شريط المباراة
* لانو لو كانت الحكاية في تقرير الحكم
* بكون الحكم شاف شئ
* واذا الحكم شاف شئ
* يفترض ان يصدر عقوبة علي جمال ويضمنها في التقرير
* وطالما الحكم ما عمل كده يبقي ماشافش حاجه
* ويبقي قرار اللجنة صدر من خلال رصدها لشريط المباراة حسب الزاوية الشاهدت منها الشريط
* ولكن
* اللجنة دي ما شافت شريط مباراة الهلال واهلي عطبرة والبونيتين بتاعات اوتارا لدراج ??
* ولا حسب اللوائح البونية التانية تجب نفسها وما قبلها ???
* وشريط مباراة الهلال ومريخ الفاشر
* شريط بشه برضو اللجنه لسه ماشافتو ?? وما اطلعت علي تقرير حكم تلك المباراة ???
* ولا الحكم برضو نسي التقرير وسافر بيهو يوغندا وانقطع الاتصال به ???
* دي العمايل البتخلينا نقول البلد دي تفتقد للكوادر القيادية رياضيا
* لان التحزب في العمل العام هو في حقيقته جهل بالمهام الكبيرة والساميه التي يتطلبها المنصب القيادي و المفترض فيه ان يكون حيادي
* حيادتي
* واتحيدي
* وده ما مهم
* المهم موقف مجلسنا من ذلك
* عشان ما نقول مجلسنا يفتقد للكوادر المؤهله لقيادة النادي
* علي المجلس ان يتخذ قرارا واضحا حول تلك المساخر ولو تطلب الامر اعلان تجميد نشاط النادي ومخاطبة الكاف والفيفا بذلك
* سيما ولو كان ذلك مستصحبا موقف المفوضية حول الطعون
* لازم العالم كلو يعرف
* المهم
* عقوبات اللجنة علي جماهير الهلال الهتلرية هي دليل ادانة ييسر للفيفا كثيرا عند اصدار قرارها حول التبشيع بالهولوكوست
* ولعل اللجنة كانت مضطرة لتبرئة ساحة الاتحاد عن طريق اصدار تلك العقوبة التي تمثل دليل ادانة علي من فعلوا تلك الفعله
* لانها لو ما اصدرت عقوبة كان حكم الفيفا سيطال الاتحاد بوصفه مشرفا علي المباراة
* ويافطومة فيفي عبدو منتظراااااكم
* ايها الناس
* ان تنصروا الله ينصركم
* اها
* نجي لي شمارات والي الخرتوم
* يعني اسي يا والينا
* ننفض الموسكو فيتش القديمة اللدينا
* ولا في احتمال الرينجر يجينا ????
سلك كهربا
ننساك كيف والكلب قال الخوف الفورد يزوزي بينا
والي لقاء
سلك