* اكتب والاهلي يتقدم علي الزنطور بهدفين نظيفين حلوين
* وده شي طبيعي من واقع مستوي الفريقين
* وحايستمر وابل الاهداف لو يخطئ ولا يظلم لم يخطئ
* ويمكن ان تنتهي بالتعادل في حال وقوع مدافعو الاهلي في الخطأ
* لكن الخطأ الاكبر تأثيرا هو خطأ يخطئ ولا يظلم
* المهم
اليوم نعود للمدرجات بكثافة
* لان مريخ زمان عاد لينا
* مريخ المهارة و الغيرة والفنون
* ولما يعود مريخ زمان
* يجب ان يعود جمهور زمان
* لتعود كاسات زمان
ايها الناس
* ونحن نستشرق عهدا جديدا من عهودنا الرياضية
* نتمني ان يسود القانون وروح القانون والمساواة بين الجميع
* لاكبير ولا قمة
* كل ذي حق ياخذ حقه داخل الميدان وبداخل اروقة الجهات و اللجان الادارية
* عشان كورتنا تتطور
* و عشان فرقنا الصفرية يقوي عودها افريقيا في محاولة للابتعاد عن الصفر الدولي الكبير
المهم
* اليوم نسهر سهرة رائعه بحول الله مع ملوك الابداع التش ورفاقه
* اليوم ينضم الفلوت سيما للاوركسترا ليسمعنا صولات عزفه المنفرد مغردا بعيدا عن المجموعة بعد ان يمتعنا مع الاوركسترا
* اليوم و الايام التاليه ابداع لحد الامتاع
* وكل القوة القلعه جوه
المهم
* اعترف الاهله ببراعة التش
* واعترفوا بعجز عواجيزهم عن ايقاف ذلك الابداع
* لذا عادوا لنغمتهم القديمة ايام العجب
* ايام كانوا بحرشوا مجدي مرجان وصالح سنار لتصفية العجب
* والتاريخ اعاد نفسو
* الآن يطالبون الدمازين واوتارا لتصفية التش
* يعتقدون ان المواسير الكبيرة مخيفه
* ومادروا ان سلك اللحام النحيف يستطيع ان يثبت اي ماسورتين بحركة وااااحده
* تشششششش
* و تلقي المواسير اتلحمن
ايها الناس
* نحنا في اللفه
* واللفة هي محطة بغلة عبد الخير المحببه
* علي بال ماتقضي حاجاتها
* يجب ان يكون جوادنا علي خط النهاية محتفلا بالتتويج
* وبغلة عبد الخير السنه دي علي العليها مسكها السكري
* يعني حاتقيف كتييييير
* كتير جدا
* واتبغلي
ايها الناس
* المرحلة مرحلة جماهير في المقام الاول
* حانبخل علي العشق الكبير ام سنلبي النداء نصرة للانتماء!!!
اها
* محمد عبد الماجد عازمنك وقفه قدام التلاجة ماسك الشيكولاته بي يد والعنكوليب باليد التانيه وقدامك صحن الكوكتيل فيهو الباسطة تبسم ليك وانت مستعجل
* تعال يا اخوي وجيب فنيلتك الحمراء ساااااي
ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* جراحة العظام التأمين مابغطيها قالوا لينا
* وجراحة القلب ظنيتها برضو التأمين مابغطيها يا والينا
* وكتير من الامراض التأمين لاشغال بيها ولا بغطيها لينا
* والادوية الشغالين بيها وماشغاله بينا
* برضك التأمين مابغطي الكتير منها لينا
* يعني يا والينا
* التأمين ده بس بغطي الجنازه لينا ?
ايها الناس
* يجب ان نبدع في التشجيع علي المدرجات
* عشان يتناسب مع الابداع في الملعب
* فما ممكن نشجع التش والتكت والسماني وعاطف خالد وميدو والعقرب
* بنفس الطريقة التي يتم بها تشجيع شلش وحاج كاريكا وعمك بشة وركبة جابسون
* ابداع الملعب يجب ان يقابله ابداع علي المدرجات
* حانشوف حاجه الليله ?
سلك كهربا
ننساك كيف والكلب قال جراحة العظام برة التأمين مع الكالسيوم الماعندكم ده ??? لا لبن لا بيض شمس بس
والي لقاء
سلك
يااااااااا سلك … الماعندو ملك …
قااااالوا عنك ( متحامي ) كبير … يعني زووول ( كانوووون ) أقصد ( قانووون ) … ما القانون ( الآلة ) … لا القانون الحاكم.
ما رأي ( القانووون ) في مكتب تنفيذي أو مجلس إدارة ( ما عندو رئيس ) … هل يجووز ذلك يا شلكنا … أقصد … يا شيخنا …؟!؟!؟
يااااااااا سلك … الماعندو ملك …
قااااالوا عنك ( متحامي ) كبير … يعني زووول ( كانوووون ) أقصد ( قانووون ) … ما القانون ( الآلة ) … لا القانون الحاكم.
ما رأي ( القانووون ) في مكتب تنفيذي أو مجلس إدارة ( ما عندو رئيس ) … هل يجووز ذلك يا شلكنا … أقصد … يا شيخنا …؟!؟!؟