جمال الوالي يرفض شطب راجي عبد العاطي من الكشوفات الحمراء
ينوي مجلس إدارة نادي المريخ الاستغناء عن خدمات راجي عبد العاطي قائد الفريق في فترة التسجيلات الحالية بعد أن ظل اللاعب بعيداً عن الملاعب لمدة ستة أشهر حيث أمّن جميع أعضاء مجلس المريخ على أن راجي لن يفيد الفريق في الفترة المقبلة وينبغي الاستغناء عن خدماته، الا أن خطوة شطب القائد قد لا تتم حيث تفيد متابعات كوورة سودانية أن السيد جمال الوالي رئيس النادي كان له رأي آخر بعدم الاستغناء عن خدمات راجي في التسجيلات الحالية حيث يرى الرئيس أن راجي تعافى تماماً من الإصابة ويمكنه تقديم الكثير للفريق في المرحلة المقبلة.
لزوارنا من السودان متجر موبايل1
http://www.1mobile.com/net.koorasudan.app-2451076.html
3,339 حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
10130 حملو التطبيق
على متجر mobogenie
http://www.mobogenie.com/download-net.koorasudan.app-3573651.html
1000+ حملوا التطبيق
الوالي خاااااااف من ألكسكته ههههههههاااااي
نحي الرئيس جمال الوالي الذي يرفض التفريض في القائد اذا كان يريد ان يقدم المريخ في صورة جميلة و أكثر بهاءا من عام 2015 فراجي قائد محنك و يكفي انه من بداء باجتماع لاعبي المريخ في منازلهم و بدأ بمنزله ، فنكرر للرئيس أن كل الآراء يجب ان لا تسمع و لا تنفذ فللرئيس رأي أيضاً و له بعده أي الرأي.
انا لا صله لي شخصيه براجي و لا الوالي إلا اجتماعنا في حب المريخ و تشجيعه فقط.
البتاع الطوالي الرجفة دخلته من التمساح الكاردينالي العشاري، تدقسوا بي جاي يروح قاشطكم بي كسكتتة بي جاي هاهاهاهاااااااااااااااااااااااااااااي
والله كردنة دخلكم في حيص بيص وعمل ليكم القلقالة بالنهار يامرخرخين، وجاكم البلا البيقدر عليكم وعلي طولة لسان الأستاذ المرشدي….. والكاش بيقلل الشنو ؟
لكمة أخيرة: الدجاج خارج القفص علي مسئولية صاحبه……!!
فريق الهرا… اتعود على بواقي المريخ .. من زمان اصلو عندهم عقده نقص من كل ماهو مريخابي .. وده دليل على عدم ثقتهم في لعيبتهم و ده في حد زاتو كويس معانا لانو بخلي لعيبتهم يلعبو وفي نفسهم شي من حتى…
لكن الحقيقه تقال .. لاعب مريخي ماجاب كاس مافي لاعب تاني سوداني بجيبو .. عشان كدا نهنئ كل زناطير البلد بقرب الاقلاع من الصفر الدولي …
كردنة بشر جمهور العرضة شمال الزعلانين ب هلال عام 2017 يزلزل أركان أفريقيا بس شكل كردنة نسه يقول المريخ 2 بدليل حاليا 12 لاعب موجودين في كشف المريخ 2 نصر الدين الشغيل ؛ وليد علاء الدين ؛ شرف شيبوب ؛ الطاهر الحاج ؛ سالمون جابسون ؛ إبراهيم محجوب ؛ رمضان كابو ؛ احمد ميسي ؛ محمد عبدالوهاب ؛ باسل ؛ مازن ؛ الصادق احمد ؛ برضوا سلم لي علي هلال 2017 .
Sarah انت ما عندك شغلة غير عوارتك دي وساكن في التعليقات ياخ قوم لف
صلاح قاعد ليك في نفسك يا أبوالمستعار المندلاوي، وطالما إنك متفرغ وعاطل عن العمل وقاعد قصاد المواقع الإلكترونية الرياضية وقاعد تشتم الهلال سيد البلد من خلال الأسماء المستعارة دي، ما حا أسيبك وأسيب مرخرخك، وحا أفضل وراك كدة لحدي ما أنتف ريشك ريشة ريشة هههههههه
وبعدين مين قال جمهور الهلال زعلانين؟ ناس حامدين وشاكرين ربهم علي نعمه الكثيرة، شايلين كاسين حلوين وقاعدين نقلع في لاعبي المرخرخ، البيزعلنا شنو؟ الزعل ده عند الجماعة بتاعين الجرس والسكليبة، والمساكين البيمشوا يحضروا المباراة ويلقوا تيمهم هرب، والحمام البيطيروا قدام هلال موكورو ويرجعوا بيوتهم والحسرة قاتلاهم !! طيب مين يكون زعلان؟ هههههههههههه
لكمة أخيرة: كردنة قال ليكم في لاعبين إتنين حايقلعهم في فترة التسجيلات الرئيسية، فيا عمك جهز حبوب الضغط والسكري من بدري قبل ما تغلا وتختفي من السوق بعد ما أمنا الحكومة رفعت الدعم عن الأدوية، وبابا جمال بصراحة مابيدي مكرمة لمشجعين مغمورين !!