جوبا يسلم محياك

في السلك

بابكر سلك
جوبا يسلم محياك

بسم الله الرحمن الرحيم
*اخ يازعيم
*ملوال حياك
*حياك بجباك
*وانت رديت التحية قونين جوة الشباك
*وداعب روحك روحا
*انسي همومك فرحا
*وامشي جوبا
*بالله ده شعب ينفصل؟
*ملعون ابوك سياسة
*سموك فن الممكن
*وانتي تفتقدي الكياسة
*لم يكن انتصارا للزعيم فحسب
*بل كان تقريرا دقيقا عن شعب واحد خلف القائد
*الشمال والجنوب والقائد الزعيم
*كان المشهد مبكيا ويدعونا للتساؤل
*بالله ده شعب ينفصل؟
*بالله دي ارض تنقسم؟؟؟
*اجتمع الناس بكل حب علي الزعيم
*اجتمعت الارض ورفضت الحدود والحلول السياسية
*ووقف الجميع خلف القائد
*قبل البداية
*احتفلوا بالهدف الاول
*وضجت المدرجات
*دبل ليه
*واستجاب قباني
*دبل ليهم وجاب التاني
*وللتاني قصة
*وقصة الاول اوسكار
*خلوا سوليناس ياناس
*النصر لم يكن هدفين
*ولكنه كان حرفية اداء واحترافية تعامل
*بدأنا نتخلص من نظرية الباك صديق اللاين
*انتقلنا لمرحلة جديدة الطفيش ليس من اجندتها
*تطلع الكورة من دفاعاتنا منظمة
*بمنتهي الهدوء
*لتبني هجمة
*راجع فضلا قصة الهدفين
*والفضل في ذلك من بعد الله ومن بعده المدرب
*يعود للحارس الراكز اودجو
*الذي يجيد تغطية المساحة خلف المدافعين
*ويجيد اللعب بالقدم
*ويجيد بناء الهجمة من الخلف
*ويجيد امتاعنا
*ايها الناس
*من دواعي السرور انه لم يكن هناك نجم متفرد
*كانت منظومة كلها نجوم
*لذا كانت المتعة
*فكرة القدم لعبة جمالية
*جماليتها في جماعيتها
*اذن فالنترك المدرب يشوف شغلو
*فنحن دورنا هو المساندة والاستمتاع
*ونصيبنا من النجاعة الدهشة
*ايها الناس
*ماكان لايمثل قمة الطموح
*ولكنه يطمئن بانها خطوة اولي ثابتة في طريق الطموحات الي منصات التتويج
*ومنصات التتويج الافريقية ليست غريبة علينا
*صعدناها وتتوجنا بها من قبل ان يولد جيل اليوم من اللاعبين
*وريحة المطار بنعرفها كويس
*تعطرنا بها كثيرا
*حتي اضحت عطرنا المميز
*مرة ونحنا جايين من تنزانيا ستة وتمنين
*ومرة ونحنا راجعين من نيجيريا تسعة وتمنين
*ومرة في طريق عودتنا من دبي
*ولما جينا من الشارقة برضو
*ومرة بخيناها جوة استادنا في اربعة وتسعين
*لما الجماعة قالوا عطر سيمبا افضل من عطرنا
*ومرة في الفين واربعطاشر لما جبناها معانا من مطار كيجالي
*ريحة المطار بنعرفها كوييييس
*مازي الناس المابفرزوا ريحة المطار من بت السودان من المحلبية
*ويشيلوا ويكتروا في المحلبية
*ايها الناس
*لعل من الدروس المستفادة
*انو اللاعب الصغير مانخليهو يربي بره الفريق ولما ينجض نجيبوا راجع
*لازم ننجضوا في فريقنا لانو الاحوال والبيئة افضل
*والدليل علي ذلك طبنجة
*فبالله موسي كانتي ماتفرطوا فيهو
*خلوهوا ينجض داخل مطبخ المريخ
*مستفيدا من اواني الطبخ المستوردة
*والبهارات العالمية
*والشيف الاجنبي الذي يخلق من القمح بيتزا ولا يضيع الدقيق في زلابيا شربانة زيت
*ايها الناس
*كانن قونين
*حلاوة ولا علي البال
*اقتسمناهن بعدالة وحرية اختيار وسلام مدام
*انا واخوي ملوال
*افلح الزعيم فيما فشلت فيه السياسة
*الغي الانفصال
*واعاد ربط القلوب ببعضها والارض
*وتظل السياسة هي ان تكذب الكذبة الاولي
*وتظل طول عمرك تكذب تبريرا للكذبة الاولي
*ايها الناس
*ماشهدناهوا بجوبا من حب ومساندة واحتفال
*يثبت كذب الانفصال
*انها جوبا
*فأل الخير دوما ومولد النجوم
*ماحصل خذلتنا
*المهم
*فرح السودانيون وحزن الليبيون بالامس
*واليوم فرصة جديدة لفرح قوم وحزن قوم آخرين
*بالمناسبة
*كورة الليلة السلام الجمهوري الا يرددوا العليقي
*الطمنطاشر فيهم اتنين سودانيين بس
*والاتنين ماحافظين
*ايها الناس
*ان تنصروا الله ينصركم
*ماتقلقوا
*لكل اجل كتاب
*اها
*نجي لي شمارات والي الخرتوم
*ماشفت يا والينا
*الحال البقي فينا
*الدانة لو ماوقعت فينا
*بتقع حولينا
*ونقوم فللي فارينا
*لكن تعرف يا والينا
*حتي لو متنا
*موش حانموت الله يخلينا
*لأننا فكرة لاجسد والفكرة مابتموت يا والينا
سلك كهربا
ننساك كيف والكلب قال كلو منو والمنو لابد منو
و إلى لقاء