حكاية سحب شباب الوصيف عامله زي الناس ديل كعبين ما تمشوا ليهم تاني

في الصمت كلام
محمد عثمان بلل
حكاية سحب شباب الوصيف عامله زي الناس ديل كعبين ما تمشوا ليهم تاني

• بالجد ناس الوصيف ديل ظريفين خالص.
• قرروا سحب الصغار من دوري الشباب.
• عندهم الليله مباراة مع صغار سيدالبلد
• (والله دي عامله زي مشاكل الكبار مع بعض).
• ويتخاصموا.
• الكبار يقولوا للصغار تاني ما تمشوا للناس ديل.
• (نحن خلاص قاطعناهم وما عندنا ليهم حاجة).
• وحاربناهم خلاص.
• والله حكاية.
• أسي الصغار ديل ذنبهم شنو.
• عملوا ليكم شنو.
• تدخلوهم في إحباط وهم في السن دي.
• كدا بتعملوا نفسيات عديل.
• بتدمروا ليهم مستقبلهم الكروي.
• كدي ممكن نسأل سؤال.
• الإنسحاب فوق شنو.
• دا خوف من الهزيمة.
• ولا الحالة الأيام دي ما مساعدة على اللعب.
• أنتوا كان تضعوا الآمال في الصغار.
• يمكن يكونوا أفضل من الكبار.
• ويمكن كمان يثأروا لهزائم الكبار.
• لتخفيف الآلام شوية.
• تطلعوا من الموسم دا بشوية فرح وسعادة كدا.
• للدرجة دي ما واثقين في أولادكم.
• لا كبار لا صغار.
• بالله الهزيمة بتعمل كدا.
• شفتوا يا ناس الهلال.
• وأنتوا كمان يا نمور دار جعل.
• عملتوا للصغار ديل نفسيات.
• كبار الوصيف قالوا ليهم ما تلعبوا مع الناس ديل.
• (ديل كعبين خالص).
• عملوا مشاكل مع الكبار.
• ضربونا شديد.
• وشالوا الكأس بعد أن كان في متناول اليد.
• عندهم ولد كدا إسمو السمؤال.
• ما كان حاضر الشكلة من البداية.
• جاء جاري من بعيد.
• وضرب أعمامكم ديل.
• خلاهم ليكم يشوفوا الزول سبعة سبعة.
• سبعة الوحدات.
• قبل ما أواصل.
• ناس الوحدات قالوا كلام غريب.
• قدموا الدعوة للوصيف للحضور للأردن والتباري معه في مباراة إحتفالية.
• الناس ديل إشتاقوا للسبعات.
• وكما ما تقول الشتاء وصل.
• بس أكرم وين .. ومازدا تلاتات وين.
• ما مشكلة.
• كشف الوصيف زاخر من النوع دا.
• نرجع تاني لقصة الكبار والصغار.
• بعد السمؤال عمل عملتوا.
• في واحد كدا أجنبي كمان.
• شفتوا حتي الأجانب حاقرين بينا.
• ما راعي إنو قاعد معانا ضيف.
• وبرضو عملا فينا.
• وبعد داك مشينا شندي.
• أهل الكرم والجود.
• خدعونا.
• ومافي داعي نكمل الباقي.
• عشان يا أولادنا ما بتقدروا تنوموا بالليل.
• أقول ليكم حاجة.
• ليكم حق تسحبوا الصغار.
• حفاظاً على المستقبل.
• وبرضوا مع الهلال
• ما بتقدروا تغمضوا عيونكم.
• عشان دا سيدالبلد
• الهلال في أسوأ حالاته.
• لا بتهزم وبرضو بحافظ على ألقابه.
• يا ربي الهلال لو كان في أفضل حالاته كان حصل شنو.
• فعلا كبير يا هلال.
• الهلال وبس.
(صمت اخير) ..
• حكاية سحب شباب الوصيف عامله زي الناس ديل كعبين ما تمشوا ليهم تاني.

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…

5000+ حملوا التطبيق