حمدوك ورودر
في السلك
بابكر سلك
حمدوك ورودر
*مدرب المريخ آرنست رودر يعود له فضل قيادة المريخ لمنصات التتويج الافريقية
*فكان ولايظل مانديلا انجازا سودانيا متفردا ووحيدا
*انجاز عذب ناس محمد عبدالماجد عذاب شديد
*وغرس فيهم دونية انبتت داخلهم حسد علي المريخ يتنامي سنويا كلما طاروا من بطولة يصدعوننا بداية كل موسم بانهم سينالون ودها
*تارة يخرجون بمازيمبية
*وتارة يخرجون من قدم الدمازين
*وهلم جرا
*جرا من تسعة وتمنين
*وهلم من سنة تلتين
*وتحت تحت قالوا سلاطين باشا قبل مايموت وهو في الانعاش قال ليهم الهلال ضياع زمن حقو الخليفة يقيم عليهو الحد
*وحتي اموال الشعب التي اهدرها المؤتمر الوطني علي الهلال ضاعت كما ضاعت هبات المجتمع الدولي وديونه علي السودان
*زمن عطا المنان والفريق المدهش ضخت الدولة من شريان الشعب في اوردة الهلال ماقاده للمهالك
*حتي اضحي الناس يكتبون الهلاك بدل الهلال
*ياخ خليهو مال الشعب
*زمن الدولة اضاعه الكيزان في حل مشكلات الهلال الداخلية
*وهل ننسي قيام رئاسة الجمهورية وقعادها ابان اشكالية البرير وسيدا؟؟؟
*رئاسة الجمهورية كلها قاعدة راجية هيثم يجي
*للمغرب هيثم مايجيهم
*تاني يوم برضو يرجوا هيثم
*زمن الدولة الغالي اضاعته رئاسة الجمهورية عشان هيثم زعلان
*ومليون دولار اتوبونج
*عليكم الله في تبديد للمال العام اكتر من كدة؟؟؟؟
*طبعا مابننسي عهد كردنة
*ثورة عمرانية من امها
*سيخها واسمنتيها وبيبانها وادوات كهربتها من السوق ولا من بره؟
*لو من بره
*كمياتها مطابقة للحوجة ولا فيها زيادة لزوم اللازي منو
*يعني لو باظت حاجة ولاكدة
*وفي جميع الحالات
*الجمارك مدفوعة ولا مدفوعة ولا كانت يعني مدفوعة!!!!!!!!
*جزء كبير من دم الشعب ضخاهو النظام البائد في اوردة الهلال الميته
*وماجاب مريسة تامزينو
*غايتو راجعو قصة الثورة العمرانية
*يمكن تجدوا فيها مايخالف الثورة الشبابية
*لترتفع جداول الكميات وايصالات الجمارك للجنة التفكيك
*وقول يافكيك
*المهم
*رودر اهتم بالبطولة الافريقية اكتر من الدوري المحلي
*لذا نالها بجدارة
*فكان يخوض الدوري المحلي بالاشبال وبعض الكبار
*وخطة رودر هي نفسها خطة حمدوك
*قلنا ليكم حمدوك ماشغال بغاز ودقيق وجاز في الوقت الراهن
*دي بطولة محلية يخوضها بالاشبال وبعض الكبار
*فلعب بتشكيلة للمباريات المحلية بها بعض الكبار امثال البدوي ودكتور اكرم
*واهتم باللعب الخارجي حتي يعيدنا لمنصات المجتمع الدولي
*وحتي يخرجنا من قائمة الدول الراعية للارهاب
*وحتي ينصبنا جهة تتسابق نحوها الاستثمارات الدولية
*وحتي يعيدنا للقب دولة محترمة
*ايها الناس
*اصدقاء السودان صنيعة حمدوكية ستخرجنا من ايران واصدقاء الكيزان
*اذن
*الصبر ثم الصبر والعين المفتحه
*هو سبيلنا لنتوج دولتنا ضمن الكبار
*شكرا رودر
*شكرا حمدوك
*ايها الناس
*المعاكسات بتهدر الجهود
*ومن لم يحترم الوطن بطيب خاطر
*يجب اجباره بالقانون
*لذا اقترح اصدار قانون واضح عقوبة مخالفته واااحدة ليس لها حدا ادني وحدا اعلي
*الاعدام
*لكل من يلعب بمكتسبات الوطن
*الببيع دولار او يشتري
*الاعدام
*البتشيل دهبنا تبيعوا في الهند او دبي الاعدام
*البستورد سلعة مخالفة للمواصفات
*الاعدام
*البرتشي عشان يسهل واحدة من العمليات اعلاه الاعدام
*البزوغ بعائد الصادر
*الاعدام
*وبعد يموت
*تاني الاعدام
*التلاعب بقوت الناس والخدمات ويهمل في واجبه
*الاعدام
*البخالف التسعيرة الاعدام
*البهرب قوت الناس الاعدام
*مع المصادرة في جميع الاحوال
*فلايعقل ان نبني وغيرنا يهد
*ولا يعقل ان نبني وغيرنا العامل بساعد فينا يفك من بنياننا ويمد لينا الطوب
*كدة لي يوم القيامة مابنبني
*ايها الناس
*اليوم نرفع لحمدوك القبعات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*حمدوكنا نافعنا ماضارينا
*سنصبر حتي يأذن ربنا الساوينا
*عشان خاطر اجيال تلينا
سلك كهربا
ننساك كيف والكلب قال كنا دول راعية للابقار بقينا دول راعية للارهاب والآن متوجهين لمسمي دول راعية للانتاج والاستثمار
والي لقاء
سلك
