حميد وحميدة
في السلك
بابكر سلك
حميد وحميدة
*لا تسلني
*ما تسألني
*عن أجانب المريخ
*خبر بفلوس بكرة ببلاش
*ولا تصدق خبر ضم لاعب إلا تشوفو بشعار المريخ جاري في الميدان في مباراة رسمية
*وإذا فقدت لاعب من القدامى
*ما عليك إلا تقول يا جامع يارقيب
*تيري
*يا جامع يا رقيب
*لأن الذين اعتادوا على الإقتيات من المريخ
*هم أنفسهم الذين يرفعون سعر اللاعب على المريخ
*وبقولوا إنهم مريخاب
*كل زول حر في رقبتو
*يقول عليها مريخابي ما مريخابي
*لكن نحن كمان حرين
*نطلق عليهو سمسار بوبار كما يحلو لنا
*تيري مهم
*والتجديد له والتمديد مهم
*لكن لكل شيء سقف معين
*والأندية الكبيرة تضع سقفا للحاجات دي
*وفي دي إن شاء الله نبقى كبار
*المهم
*لكل مذكر مؤنث
*ولكن مؤنث مذكر
*كديس وكديسة
*كبير وكبيرة
*صابر وصابرة
*حميد وحميدة
*وفي اللغة الحديثة إبراهيم وإبراهيما
*قلت لي عندنا أندية كبيرة في البلد دي!!!!!
*وسمعنا بالمدارس المختلطة
*لكن أندية مختلطة دي جديدة علينا
*الرائدات فريقهن براهن
*يعني ما معقول رائدات يلعبن في فريق (الرواد)
*لكن بتحصل
*يمكن الحركة دي تعتبر حركة وطنية
*عشنا وشفنا
*فطومة
*وينك يا ختي
*القصة هاصت
*حميدة تتسجل في فريق حميد؟؟؟
*في عهدك يافطومة لو حصلت حاجة زي دي كان قلتي أجي يا البرقش
*المهم
*في زول (ألجن)
*وفي زول (ألدغ)
*وظهر مؤخرا زول (ألدض)
*الألدض ده هو البنطق الدال ضاض
*يعني لو عايز يقول ديك
*بقول ضيك
*أها
*الرشيد منقه
*ابن أخ أحمد منقه
*قال لي
*قريبنا ألدض
*هلالابي كبير
*فاتح قناة الهلال
*فوووق في كتابة بقرأ فيها بالصوت العالي
*الهلال مارض أفريقيا
*طبعا هو ألدض
*بنطق الدال ضاض
*والرشيد عارفو ألضد ورغم كده قال ليهو صدقت
*المهم
*اليومين دي سكري المريخ ما بظهر في الفحص
*لا معروف فوق لا معروف تحت
*مافي زول عارف حاجة
*ودي أخطر مرحلة من مراحل السكري
*والسكري مرض خطير ولايوق
*كان مسك ما بفوت
*وسكرينا ماسك قوي
*زمااااان
*لما السكري مسكنا جديد
*قلنا اتبعوا تعليمات الطبيب
*ما سمعتوا كلامنا
*مشيتوا على العلاج البلدي
*شربتو لالوب وحلبة وأكلتوا نيم
*وبدل ترجعوا للطبيب
*استعنتوا بشيخ فلان وشيخ علان
*لما السكري إتمكن
*ورجعتوا للطبيب
*ولكن بعد السكري أصبح واقعا
*غايتو نحافظ عليهو ونتعايش معاهو لما يقضي ربك أمرا
*قال مرض صديق قال
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*الليلة المدارس فتحوها لينا
*هل في بص يودينا؟
*إذا قلنا ترحيل
*منو البدفع لينا؟؟؟
*في كهرباء المراوح في المدارس تدور لينا؟؟؟
*في موية تروينا؟؟؟
*في فطور سعرو معقول بتباع لينا؟؟؟؟
*ولا فتحتوها ساااااااي يا والينا؟؟؟؟؟؟
سلك كهربا
ننساك كيف والكلب قال حيرتوا القرادة الحيرت بوبي
وإلى لقاء
هههههه هااااااا. الليلة هضربتك زادت ياعمنا تنقو. الظاهر عليك اخذت جرعة من صنف اليخماو العجيب!!!!. الهلال مارضكم انتو ياعمنا تنقو وسيظل غصة في حلوقكم الي يوم الدين. لا يحق لمستجدي مجموعات الكبار التكلم عن كبير البلد وفعلا الما بتلحقو جدعو.
المرخرخ اليومين دى شكلو سادى نفس عمك تنقو خلاهو يهضرب
في فنان بقلد فنانفي اسلوبه وفاكر انو بقي فنان بالبرعي الحفيص كده ياسلك انت مركب مكنه محمد عبد الماجد لكن ماغريبه عليك ماوصيفابي هو الوصيف ظاطو بقلد الهلال لو الهلال شطب لاعب الوصيف بجري يسجلوا نجيب جامايكي تجيبو نجيب راعي سعودي تجيبي واحد عندوا تابعيه