حيتبرلم ..حيتبرلم …!
سوبر هاتريك
طارق محمد عبد الله
حيتبرلم ..حيتبرلم …!
& انتوا رمضان عجب ده في زول ضربو على يدو الشمال عشان يوقع للهلال ؟؟؟
& موش جاء براهو وطوعا واختيارا وفرحان يضحك للضرس الأخير وابرم التعاقد الحلم طمعا في المزيد من الشهرة والمال وتحقيق طموح الارتقاء من ثانوية المريخ لجامعة الهلال .
& واستنادا على كل المذكور أعلاه رمضان عجب لا لوم ولا تثريب عليه وليس في الأمر عجب..!
& ورمضان يفترض انو لاعب منتخب وعندو فكر احترافي عالي ولمن يقدم على خطوة التعامل مع مؤسسة أعلى جامعة الهلال وهو لسه طالب طموح بثانوية المريخ ..يكون مجهز نفسو تماما من كل النواحي وهنا مربط الفرس ..
& ولأن البون شاسع والمسافة بعيدة ما بين الهلال الجامعي والمريخ طالب الثانوي حدث التشويش والارتباك لرمضان واتضح أن المسكين كان من المفترض أن يخضع لكورس تاهيلي عالي وهسه مافات شيء ممكن نعيروا للتمهيداب نصف عامل لو جونا بالباب عديل بدل اللولوة والادعاء الكذوب ..
& والشاهد ان طالب المرحلة الثانوية ومهما كانت درجة تميزه لمن يخش الجامعة (حيتبرلم حيتبرلم )..!
& وما يحدث لرمضان عجب الآن برلمة من امها تعكس الفوارق الكبيرة ما بين الهلال النادي من الاول وحتى الرابع في الوطن والمريخ النادي( نمبر فايف ) في البلد .
& وفي الحتة دي تحديدا أذكر جيدا ان علاء الدين يوسف وعندما انتقل من المريخ للهلال كان اللاعب رقم واحد بالأحمر ولكنه احتاج لعام كامل حتى يتاقلم على أداء وأسلوب وطريقة جامعة الهلال شفتوا كيف ؟؟؟؟
& عشان كده من الضرورة بمكان أن يكون بالأزرق معد نفساني يستطيع تهيئة لاعبي الثانويات المختلفة الطموحين عندما يكفل لهم مجموعهم المهاري الدخول لجامعة الهلال .
& حتى لا يتكرر ما حدث مع رمضان ومحمد الرشيد مرة أخرى سادتي اللعب للهلال أمنية كل لاعب كرة قدم بالسودان وكيف لا وهو الرقم الصحيح وغيره مجرد كسور وبواقي .
& ورمضان برلوم اليوم بالاجتهاد والمثابرة يمكن أن يكون (سنير) الغد ولكل مجتهد نصيب بطبيعة الحال .
& ومن ناحية تانية خالص ممكن رمضان يكون دخل في حتة( عاوز وملاوز) خاصة وأن وسط الهلال مزدحم ماشاء الله كما صفوف العيش بمجموعة من الأسماء الكبيرة جدا وطنيين وأجانب وعادي ممكن رمضان يقعد كنب ..!
اهداف سريعة ..اهداف سريعة
& عقب الاحتفاء الكبير باحراز بطولة ممتاز ٢٠١٨م بقرار اداري دولي من قبل التمهيداب .
& كنا نظن وبعضه إثم ان اداريي وإعلاميي المريخ قد اختلفوا وتطوروا مع الزمن في المفاهيم وطريقة التفكير وبارحوا محطة الحقد الدفين على سيد البلد وزعيمها الاصلي هلال الملايين ولكن ..
& واه من لكن اللعينة وحقيقة فقد كان تفاؤلنا في غير مكانه والدليل نفس الزيف والتحريف والتخريف من قبل الاعلام السالب .
& والممارسات الإدارية والإعلامية الغير راشدة تضيق من احتمالات ترفيع ثانوية المريخ لجامعة تمنح درجات الدبلوم فقط على أمل التطور مستقبلا
& إلى جامعة تمنح الدرجات الكروية العليا البكالوريوس ولي فوق مما يقربهم من الهلال وطبعا في هذا الأمر خير لكرة القدم السودانية بأسرها بالبلاد .
&واستنادا على المذكور أعلاه فإن الادعاء الكذوب الشطارة الإدارية المريخية
& يفندها أن خسارة الهلال لممتاز ٢٠١٨م كانت جراء غلطة الشاطر مجلس الهلال السابق…!
& والامور على هذه الشاكلة نادرة الحدوث وحينها تسبق العرجاء غيرها إلى حين اللحاق بها سريعا وهذا ما حدث مؤخرا .
& وما ان جاءت لجنة التطبيع الا وهربت( العرجاء) من الساحة قسرا جراء الفوارق الكبيرة على الأصعدة المالية والفكرية وغيرها وغيرها وغيرها … الخ
& مما أعاد التمهيداب إلى حجمهم الطبيعي ومكانهم الذي يتناسب مع قدراتهم وإمكاناتهم &وبصراحة كده الناس ديل محظوظين انهم النادي الخامس في الوطن .
& وهنا نسجل بعض اللوم للاحباب بهلال الأبيض لان ثانويتهم وبقليل من الاجتهاد يمكن أن تتطور وتلحق بثانوية المريخ والتي ظلت ومنذ سنوات محلك سر في المفاهيم التقليدية البالية الرثة
& وكان من الممكن لثانوية اهلي شندي ان تحتل مكان ثانوية التمهيداب ومنذ أعوام خلت لولا سماحة الأرباب وقصة الحبيب تكعيب المعروفة للجميع ..
& هلال قيافه وفايت الناس مسافة .
& وازرق وابيض لون الفل هلال القمة حبيب الكل .
& واخيرا احمد الله كثيرا انني حي ازرق . Sent from my iPhone
ورينى يافاهم انت جامعتكم جابت شنو للسودان من الخارج غير التزوير والحكام الهجين والله كانك بتتكلم عن هلال تانى غير الهلال الذى نعرفه والمريخ الذى تطلق عليه ثانوى هو الفريق الوحيد الذى رفع راس السودان وفريق مصنف ومسجل فى السجل الذهبى للكاف وفريقك مسجل بالتزوير ورشوة الحكام والتاريخ لايرحم لاتلعب بعقول الناس انت بتكتب فى موقع يطالعه المثقفون وعارفين كل كبيرة وصغيرة عن المريخ والهلال
عجب ود الرشيد ترك مجمع الجامعة الامريكية وطلب الاذن علشان يمشوا يدرس الاميين بتاعين الهليل ويعرفوهم فنون اللعبة الجماعة اسماسرة البنصب على ادارات الهليل طلب من السيد السوباط الذى لايفق بين محكمة كاس ومحكمة العدل الدولية عاوزين بروفسورات يعلمونا فنون الكرة علشان نيقى ذى الزعيم ابو زرد قل ليهم فلوس المؤتمر الا وطنى جاهزة لاحضار البروفسورات لتعليم نادى المقبرة سوق العيش الفنون والضرب فى القون وكمان سوف نسجل لكم العقرب وميدو نجيب ليكم من الجزاير ياااااااصفراب
استاذ خالد ياخي.شويه شويه علي الدلاقين رفعت ضغط.الجماعه وخليتهم يتدلقنو اكتر من دلقنتهم