خاسولكي
في السلك
بابكر سلك
خاسولكي
*اللهم اجعلو خير
*أمس كترت علي الهموم
*قلت يا زول اتدمدم ونوم
*اتمدمت ونمت
*حلمت
*أشوف ليك زول يقول لي قوم يا خاسولكي
*قوم جاوب على الأسئلة دي
*وفي نومتي ديك قعدت وشلت لي ورقة وقلم
*قال لي السؤال الأول بقول
*السعودية… رعاية المريخ والهلال… السبب…..
*السؤال التاني بن سلمان….تركي…..تازي… هل في علاقة؟؟؟
*السؤال الرابع دول المحور ومصلحتها في دعم الكرة السودانية وهل لذلك علاقة باستقطاب الأمة السودانية؟؟؟
*السؤال الرابع ليه أي ثروة في البلد دي بعد فلس وراها السعودية؟
*السؤال الخامس ليه أي هروب بأموال مشبوهة بكون لتركيا ما للسعودية؟ ؟
*السؤال السادس دهبنا بمشي ويييين؟ وهل لضهبنا سبب في مخارجة دهبنا؟؟؟؟
*السؤال السابع وهو الأهم
*حفلة روتانا والهجيج والوليمة كان فيهو مراعاة للحزن المصاحب لهزيمة المريخ وإعلان خروجه من التنافس الأفريقي؟؟
*المريخ لسه ما وصل البلد والربة فيها فنانين ما قادرين يغنوا لضيق الزمن
*وهل كان الظرف ضيق ولا مبربح؟؟؟.
*قلت ليهو يا عمك الإجابات أنا عارفها
*لكن الضمانات بعد الإجابات متوفرة؟؟؟
*قال لي إذا كانت الإجابات صحيحة بضمن ليك إسم خاسولكي وتلحق خاشوقجي
*صحيت
*وكت جابت ليها خاشوقجي بركة الما جاوبت
*لكن في حقيقة عمك ده ما سأل عنها
*هل دعم القمة يعتبر دعما للرياضة في السودان؟؟؟
*مع العلم بأنو الرياضة لا تعني كرة القدم فقط
*والقمة لن تتطور منفردة دون تطور كل المشاركين في المضمار المحلي
*أيها الناس
*السؤال الوحيد الذي يصلح للتداول في الدنيا والآخرة هو
*من أين لك هذا
*الإجابة عليه صعبة
*اللكلكة فيها في الدنيا تقود للسجن
*واللجلجة فيها في الآخرة تقود لجنهم
*أخير جهنم الفلس
*فجهنم بالعز أفضل منزل
*المهم
*أخبار جمعية المريخ شنو؟؟؟
*قايمه في مواعيدها ولا سودانير؟؟؟
*مواضيع سوداكال كلها سودانير
*ما بتقوم في مواعيدها
*ولكني أكرر
*سوداكال بلعب على أخطاء الخصوم
*قفلوا كويس وقللوا أخطاءكم
*سودانير بتقوم في مواعيدها
*أو تنتهي درون
*ودرون من صالح سودا
*فارق الأهداف بلعب دور
*اللهم اجعل حل إشكالية المريخ سهلا
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا
*أمور بلدنا دي ما بتمش إلا تدخل دول فينا؟؟؟؟
*مالنا ومال محور وطرف شمال يا أخينا
*كلموهم يا والينا
*قول ليهم نحن كسودانيين الشعار الفينا
*لا تسقني كأس الحياة بذلة
*بل اسقني بالعز كأس الحنظل
*كأس الحياة بذلة كجهنم
*وجهنم بالعز أفضل منزل
سلك كهربا
ننساك كيف والكلب قال إييدكم العليا براكم قلبتوها بقت سفلى وممكن ترجعوها عليا بشوية كرامة بس
وإلى لقاء
الان صحيت يا فرده وبقيت تسال …؟ من اول ظهور لتركي وقبل التازي وجهت سؤال هنا ما الغرض من هذا الظهور وعندها تلقيت من الاخوه في الهلال ما تلقيت وعذرتهم لانهم كانو فرحانين بالكفيل لكن ما حد سال ليه والهدف ثم بقدرة قادر يظهر التازي ومن هو التازي ولماذا في ايام تتجه المعونات السعودية لدعم القمه وماذا وراء هذا التوجه ولماذا في هذا الوقت ولماذا الرياضه والمشاريع تنتظر التمويل والشعب يعاني فماذا تفيد دفع الملاين لاجانب لا يشكلون فارق لماذا التبرع للفروسية وملاحيء الايتام تعاني لماذا ولماذا ولكن الكل يعلم انه التحول لجذب الشعب للمملكه عبر الرياضه بعد الاخفاق السياسي والوعود الغير منفذه …ادعمو هلال مريخ ويتحول الملاين لتايد المملكه وما خفي اعظم
ارتاح ليك راحه يا حبيب اصبحنا شعب مسير وليس مخير وجاطت ولما تجوط بستفيد الغير
اللهم اصلح الحال وازح عنا غمة سوداكال القصير المكير وابعد عن الكرة السودانية شبح الزوال
يا حلاوتك يا عمك تنقو وإنت جايي تتكلم عن دول المحور، والغريبة الشغلانة دي ما بتجيبوا خبرها إلا لمن تكتم فيكم، ومن زمان لمن الناس إتكلمت عن الموضوع ده إنتوا عملتوا رايحين بعد ما عيونكم زغللت مع قريشات التازي وهللتوا وزيتطوا ونططتوا، وأصلو ده هو طبعكم، تحبوا صاحب الجيب الكبير وما هماكم قروشه جاية من وين ولا غرضه شنو، وزمن البتاع الطوالي كنتوا مبسوطين ٢٤ قيراط وماسورة مال الشعب مدورة في الحفرة العميقة، أسي بقي ليكم بمبي مع آدم خازوقجي ورجعتوا تدوروا في موضوع دول المحور……. ألعبوا غيرها يا مرخرخين يا بتاعين المكرمات والميتات !!
هااااكم خازوقجي ده 😆😆😆