داقي فيها حجر دغش؟؟؟
في السلك
بابكر سلك
داقي فيها حجر دغش؟؟؟
*الزول البتعب في جمع ثروتو بتحرقو
*ماببعزقها ولا فيها بفرط
*ومرات كمان بقرط
*والزول البعزااااق بشكك الناس في تعاملو مع ثروتو إن قلنا مجازاً ثروتو
*عشان كده شكك الناس ده بوصلهم لمقولة شهيرة
*هو داقي فيها حجر دغش؟؟؟
*لا هو مالو لو الزول بعزق ثروتو
*موش ممكن يكون مؤمن بعبارة انفق ما في الجيب يأتيك ما في الغيب؟؟؟
*قد يكون الهلال اتعامل بتلك العبارة في صفقة الغربال
*داير ينفق ما في الجيب عشان يجيهو ما في الغيب
*وطبعا الأهلة أملهم في الغيب كبير يمكن تكون فيهو بطولة جوية تعالج الحالة الصفرية
*لا هو مالو لو الزول أمّل في الغيب؟؟
*بس العيب
*لما يكون مافي بطولة لا في العلم لا في الحلم لا في الغيب
*المهم
*الغربال لاعب كبير وهداف بارع وشديد ولضيض
*لا زجاجي ولا كثير الإصابات
*ولا بنعاين للبن في المشلعيب ونقول عفففففن
*لكن كمان غالي
*وممكن يكون التعاقد معاهو بذلك المبلغ الخرافي سبباً في فرتقة الهلال
*وقد تبدأ الفرتقة من معسكر مصر ده
*وطبعا نحنا مادايرين الهلال يتفرتق
*لو اتفرتق نلقي لينا وين حمام نغلبو الدورتين ونشيل منو الممتاز تلات سنين على التوالي؟
*لا هو مالو الهلال لو سجل الغربال بربع المبلغ الحالي
*سيما وبوعريج حالف يوديها السما
*البوعريجيون قالوا إذا اللاعب بياخد قريب مليون دولار
*يبقي ناديهو اللهو نحنا ناخد خمسة مليون دولار
*ليهم حق
*هو داقي فيها حجر دغش؟؟
*الهلال
*لكن يخيل لي إنهم ابتلعوا طعم المريخ
*شغلهم بالغربال ورفع سقفو
*وتفرغ لعزام
*عزام يا محمد عبد الماجد
*عزام الرشحتو يا محمد عبد الماجد
*تعرف يامحمد عبد الماجد
*بعض الهلالاب بقوا يشكوا إنك رئيس غرفة تسجيلات المريخ
*فأنت الذي رشح التش وعزام وبيبو
*شهر خمسة عندك لينا منو يا الكشيف؟؟؟
*لكن يا محمد عبدالماجد
*هو مالو؟؟؟
*عزام
*هو مالو؟لعاب ولا سريع ولا هداف ولا جداع باصات ولا حاوار
*هو مالو؟؟؟؟؟
*أيها الناس
*تمديد عقد التش وبيبو وحل إشكالية كردمان وعزام
*ضربة معلم من جمال الوالي وتعبير عن كبرياء أمة وشعب
*الرجل يستحق أن نرفع له القبعات كرمانا لهذا الدعم الكبير
*شكراً جمال
*شكراً جداً
*لكن هو مالو جيمي بعمل كده
*وشكراً حازم على المساهمة المقدرة في التسجيلات الأخيرة
*وشكر لكل من أسهم
*ويا ريت يجي اليوم الما بحتاج المريخ فيهو لدعم أبنائه سوى الدعم الأدبي
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*بدعة جديدة دخلت علينا
*أرقام فلكية يا والينا
*والناس طالع ود عينا
سلك كهربا
ننساك كيف والكلب قال مليون دولار وحجر دغش؟؟؟؟
وإلى لقاء
يا اخ سلك انت عامل ظريف ولا شنو صدقني لو الهلال عايز اسجل عزام كان سجلو زمان لكن ضربة محمد عبدالرحمن بعشرة عزام ولا مش كدا انت خليك مع عزام وحا تشوف منو البذهب بعيد في دوري الابطال وبذكرك كلامي دا
هههههه هاااااااااااااا. الضربات بقت متوالية عليكم ياعمنا تنقو واصابتكم بحالة ارتجاج مستديم في المخ. اسئلتك دي كان تسالها ايام الرئيس طوالي لمن كانت الاموال مدفقة في الحفرة بدون بلف ايام كنتم تتخطفون لاعبي الهلال وايام الصفقات المليونية بالدولارات لوارقو والنفطي والحضري الذي تفنن في اذلالكم ليه ماقلت ماضاربو فيها حجر دغش؟هل وارقو اغلي من ولدنا جكسا؟. انه الحقد والغل والحسد ايها التمهيداب. بطولاتكم واسطوانتكم المشروخة انكشفت علي حقيقتها وكان مغالط راجع موقع الاتحاد الافريقي واعظم انجازاتكم هو وصولكم لدوري الاربعة الكبار بصحبة سيد بلدكم. هل تذكر ذلك عندما كنت تهلوس برائحة المطار وصحيتم من حلمكم بثلاثية ساماتا سيد الاقوان الثلاثة وريحة المطار طارت ليك في صلعة راسك وبقت ريحة بصلة محرقة. والله السوباط واركان حربه طلعوا معلمين وخلوكم تبكوا وتسكلبوا وتجعروا ولسه ستصرخووووووون والبادي اظلم. واخيرا سلم لي علي كبير كهنتكم اليخماو صاحب السر المقدس وقل ليهو يمهل ولا يهمل.
لا حول زلا قوة الا بالله. انت خلاص الغيب كانك عالم به. دا كلو من السوبطة مازمان كنت بتقولو الوالي مقدمة مقالك الطويل دا ما كان ينطبق فيهو
الكاتب العزيز سلك هنالك مقوله تقول ان الارزاق تتفاوت من شخص الي شخص كما تتقاضى انت راتب هنالك منيتقاضر راتب اقل منك فهل سوف تتفرتق الصحيفة كلامك خارم بارم ومضيعة للزمن والصحبفة
الأرزاق فعلا بيد الله وكلام سلك في السلك مااااافي بطولة للهلال والما بشوف من ( محمد عبدالرحمن ) أقصد الغربال أعمى ومعاكم حق تفرحو لأن فعلا أي لاعب في المريخ يعادل دستة من كوامركم المصدية وياريت أبو عشرين والغربال يرفعو من مستواكم شوية عشان يكون في منافسة منكم للمريخ أب زرد خاصة وانكم أكلتوها مرتين السنة دي رايح جاااااي ههه وأصبح همكم كيف تضعفون هذا البعبع مافي فايدة في لعيبتكم عشان كده بتحاولو تجيبو لعيبة المريخ كمحترفين عندكم بي مئات الالاف من الدولارات وأخيرا بطولة أفريقيا تجيبه بي لعيبة اهلي شندي اللي قرب يلعب سنترليق الهبوط لولا لطف الله معقولة بس
هههههههه
أبو الأسلاك مخو (اتغربل) يا رجااااالة…
الدلقونابي الأيام دي لما يتذكر تجديدو للتش يفرج وفجأة يتذكر الغربااااال قلبوا يقول شححححححح ونفسو ينكتم ويعرق ههههه
وتجيه زغللة في العيون… وغربلة في الركب…
وشوية مغص لما يغمى عليه… أول ما يصحى يقول الغربال وقع لي منو…؟؟؟
أهلو يقولوا ليه للهلال فتتتت يغمى عليه تاني
اها يصحى تاااني يقول الغربااال وقع لي منو يقولو لي مالحق السيستم قفل…!!
عشان صاحبك يفتح ويستغفر ويشرب ليه كوز مويه…!!!
دلقونابي متغربل بالغربال…!؛
يعنى الوالى هو الداقى فيها حجر دغش ههههههه يافلول
عامل نفسك ظريف تعاين للفل وتطعن في ظله …. عمكم وولي نعمتكم الاسمو جمال الوالي انفق نفقة من لا يخشى الفقر من اموال الشعب السوداني وهو كوز معروف للقاصي والداني … انت زول حاقد وعامل فيها بتظرفن…. شوف. ياميكي لا الهلال ولا فريق الحكومه سابقا المريخ لن يظفروا بكأس افريقيا عارف ليه .. لان امثالك .وامثال الارزقيه من الصحفيين هم سبب بلاوي وعلة الكره السودانية .
عمك تنقو خلي الديموقراطية خلاص وقبل على قروش سوبطة، وشكلو ضربة ميدو خلطت عليهو سلوك الصلعة وطلعت الغل المرخرخ من جواهو، كيف لا وزعيمهم وقائدهم هو أحقد وأحسد من مشي علي الأرض الكاهن الأعظم أليخماو !!
الغربال فراقو حااااار
عمك تنقو دخل الدار
ينفخ ويولع فوق النار
قال والله بقينا صغار
نرجي الوالي يجيب التار
نسجل وندفع وما في هظار
مدام والينا قروشو كتار
ونقدل ونعرض وندق الطار
نزيد الشغلة توم وشمار
بس ياخونا كرهنا الدار
فراق ناس ميدو بالجد حااااار
هللوا كبروا يا أنصار
نمشي هناك نجيب التار
بس أحلامو راحو شمار
دلقون الحفرة من التمهيدي طار
سلك….
دمك تقيل وبتفكر لسه بفهم كاسات محمولة جواً
جمال الوالى كان وارث؟
لما اشترى وارقو كان بفكر في شنو؟
يا اخى دمك تقيييييييل
الرئيس طوالى جاب الحضرى اها كان داقى فيهو حجر دقش وكمان بى أضعاف قروش الغربال وجاب وارقو اها كان داقى فيهو حجر دقش وارقو ده براهو لغف من المال السايب نصف مليون دولار.. يا اخى ده شدة ما المال سايب جاب بايرن ميونخ يلعب مع الدلاقين وعمل ليكم استاد المريخ من الألف للياء لدرجة بقيتو بدل تقولوا استاذ المريخ بقى اسمو ( الرد كاسل) اها الردكاسل ده الأولى داقى فيهو حجر دقش. شوف كم حجر دقش هسه الأولى ما داقى فيهم ولا واحد. عدم البلد الدولار .
ي ابو الشفوت……..انا شايف رغم الصعاب ح نعدي في البطوله الافريقية واولادنا قلبهم حااااااار ولعابين.
حاجه واحده بس.؟؟!!
ياريت انت وبقية الصحفيين الصفوة يكون ليكم دور في تقارب وجهات النظر المريخية ويكون المريخ اولا واخيرا…..
وهااك مني الصحيح المابتدخلو الريبه كان جابوا ميسي برضو شايفين وعارفين انه الاحمر مابنقدر.
يا ابو الاسلاك اليوم عرفتو الاموال جات من وين زمن الحبيب كنتوا وين ملايين الدولارات جات من وين وراحت فين زى مابقولوا اهلنا المصريين
ههههههههه ههاو
عمك تنقو فكت منو
وبقى يهضرب وزاد جنو