*طول عمرنا نحنا كجماهير بنصفق للاعبين
*المرة دي دايرنهم يصفقوا لينا
*وجماهير المريخ تستحق الصفقة
*هي التي صنعت الريمونتادا
*وهي التي كانت وقود تخطي عزام تحت شعار من عزام ولي قدام
*وهي التي اجبرت لاعبي وفاق سطيف علي العودة لغرف اللبس كي يحضروا هواتفهم الذكية ليسجلوا الدهشة التي تملأ المدرجات
*وجماهير المريخ هي التي تبوأت مركزا مشرفا في روليت الجماهير الرياضية العربية
*وهي نفسها التي اشعلت وقود الانتصار علي اتحاد الجزائر في ٢٠١٥ وفي هذا الموسم
*وقبل كل ذلك
*هي التي رافقت الفريق في مشوار مانديلا منذ مباراة البنزرت التونسي وحتي مباراة بندل يونايتد النيجيري
*طيلة تلك المسيرة لم يتغيب احد
*وكانت انشودة النصر الكبير تخرج من آلات النفخ الموسيقية لموسيقي الجيش لترتفع مع الايقاعات وتمتزج باصوات الشفوت علي المدرجات
*انا ماشي نيالا اووو انا ماشي نيالا
*كل ذلك
*صنعه جمهور المريخ الواعي الشفت
*لذا يستحق هذا الجمهور الثناء والشكر
*برغم ان مايقوم به ليس سوي واجبه
*ولكنه يتقن ذلك الواجب لحد الادهاش
*المرة دي
*يوم النجم
*دايرين اللاعبين يصفقوا لينا
*دايرين كل العرب يشيدوا بينا
*داير شفوت المهجر يقشروا بينا
*دايرين كل العالم يشهد لينا
*باننا لطفاء بشراسة
*وشرسين بلطف
*خلاقون نحن
*نبدع فنمتع ونطلق النصر من حناجرنا علي المدرجات
*دايرين ابداعات
*تيفو ودخلات
*دايرين نوحد الهتافات
*دايرين ندهش الدهشة نفسها
*يبقي لازم نستعد كويس
*فريق عمل التيفو جهز نفسو
*الصفوة العالمي بدأ حملة النضال
*اولاد قلبا جهزوا مفاجأة مدهشة
*ودعوة تنسيقية جماهيرية للاجتماع بدار النادي
*دايرين نشوف البقية
*حملة ملتقي الصفوة العالمي واسعة الانتشار
*واسسسه
*دايرين النمل في جحرو يسمع ويطلع ويشارك في معركة العبور
*مادايرين فيران
*تكفينا تقنية الفار
*دايرين نتأهل
*اللوحة لاتكتمل الا بتشريف شفوت الولايات
*كلو ولاية لابد تشارك وترفع راية
*فقومية المريخ هي التي اوصلته للعالمية
*يلا ياشفوت
*برغم الورم الاقتصادي لازم نشارك
*المريخ وطن والحصة وطن
*المهم
*فرح الاخوة الاهلة بهستيريا لفوزهم علي اسمو شنو
*برغم انو اسمو شنو ده فريق روابط يستطيع هزيمته
*لدرجة اني استغربت الفريق ده اسمو شنوهم هناك كيف
*مجموعة الاربعة الفيها لايستحقون الصعود
*لذا الاول في مدرسة ابوك دقس
*في امتحان الشهاده بجيب صفر
*اسي الجاب سيرة الصفر شنو
*وليد البشري الهلالابي فرح لمن قرب يموت
*قال لي شفت قون الهلال التالت الجابو الشعله؟
*قلت ليهو في الفار ما شفتو
*مشي مني لي اسي مالاقيتو
*احتفل الاهله بجنون لانهم تأهلوا من ضمن التمنية في الجعرانية
*بالله الجعرانية بتفرح قدر ده؟؟
*لكن القرعة الجديدة ولان الحصة وطن اتمني ان توقع الهلال مع فريق افريقي ابنوسي
*العرب ديل الهلال مابعرف ليهم
*عربيهم ده عربي جوبا ساي
*مابأكلهم عيش
*لكن بصراحة لوشي وشها حلو
*من جاتكم يافطومة يا اختي ما اتغلبتوا
*البت دي منها خطورة
*اقتلوها قبل ان تتكاثر
*نحنا برضك ناس عشرة يافطومة ومابنرضاها ليك
*آخر خبر
*لوشي كيسها بطير قريب ده
*لو يطير معاها الهلال زاتو
*المهم
*وصية للكترابا شلش
*اللعب في المريخ مازي اللعب في الهلال
*اللعب في المريخ صعب
*مالعب ساكت
*لعب بتقنية الفار
*تبرطع ساي الفار بقبضك
*خليك في الحزية
*ايها الناس
*ده شنو الهببو السماني ده!!!!
*ياسيما راجع نفسك
*وفضلت ليك فرصة اخيرة
*لانو الفرصة التانية انتهت بتوقيع عقوبة كوتش محمد موسي عليك
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*المابتعرفوا بتجهلوا يا اخينا
*ماتتعاملوا بجهاله او تجاهل لمشاكلنا الفينا
*المشكلات أساسية يومية حياتيه الزمن مابحلها لينا
*ده لو ما فاقمها علينا
سلك كهربا ننساك كيف والكلب سأل هل التجمهر امام الصراف الآلي المافيهو قروش يعتبر تجمهر مخالف لاوامر الطوارئ؟؟؟ وعطس…شطة شطة ماشي تاني وقام جاري
والي لقاء
سلك
