> اتاريها درقة
> درع ساااي
> درع مصنوع من الخشب المضغوط
> ولانه مصنوع من الخشب المضغوط
> كان لازم يشيلو الفريق المضغوط
> درع يشبه ابوهو
> شكلو(زيرو)بالانجليزي
> وتعال شوف
> الطشاش في بلد العمي شوف
> عمك شبشة جاري بي جهة
> وبشة جاري بي جهة
> ومرجان احمد مرجان جاري بي جيهة
> مرجان عمل مهرجان
> الطشاش في بلد العمي شوف
> شي نطيط
> وشي فطفيط
> وشي طربيق
> وكلو مافشة الضيق
> يظل سامي عزالدين هو الكابتن السوداني الوحيد الذي رفع كأسا افريقية
> كأسا افريقية لا درعا خشبية
> ويظل المريخ عبر التاريخ هو الفريق السوداني الوحيد المسجل بلوح الشرف الافريقي
> وهو الفريق السوداني الاوحد الحائز علي بطولات دولية جوية
> ويظل الصفر صفرا
> زيييييييييرو
> ويظل الطشاش طشاشا
> عمر الطشاش مايبقي شوف
> وتظل جميع القنوات العربية الناقلة لاي مباراة طرفها فريق سوداني
> تظل تذكر ان الانجاز السوداني الوحيد للفرق السودانية هو كأس مانديلا الذي حققه المريخ
> وتظل كل القنوات الناقلة تتحدث عن سامي عزالدين
> الكابتن السوداني الوحيد الذي رفع كأسا افريقية قادت المريخ لسجلات الاتحاد الافريقي
> سامي عزالدين
> عدد الكاسات القارية والاقليمية التي رفعها
> جعلت منه مدمنا
> مدمنا لكاسات الاعجاز والانجاز
> اما الناس التانيين
> فماسكين في طريقهم الصفري القويم
> ونذكر
> الطشاش في بلد العمي شوف
> اها
> نرجع للكورة
> تسيدناها طولا وعرضا
> دليل علي حسن ادارة الجهاز الفني
> وكلو زول ليهو رأي حسب زاوية النظر
> لكن المنطق يقول اذا تسيد فريق الملعب
> فان ادارة المباراة الفنية كانت جيدة
> ولكن
> اضاع رماتنا كمية من الفرص كانت كفيلة بتحقيق نتيجة توري الزناطير حقيقة مستواهم
> بعضها ضاع بالشفقه
> وبعضها ضاع بالتسرع
> وبعضها ضاع للانانية
> وبعضها بسبب درهم الحظ الذي غلب قنطار الشطارة
> ومعظمها ضاع لحاجات تانية حامياني
> ولكن
> لدي بعض الملاحظات
> الهدف الاول احمد آدم كعادته ضعيف الالتحام ويترك الكرات العالية تسقط خلفه ليلحق بها بعد ذلك متناسيا انه ضعيف في الالتحام
> شاركه في الخطأ منجد الذي خرج من مرماه خروجا خاطئا
> الهدف التاني احمد آدم كعادته لايلعب ضاغطا ويترك الخصم يستلم ثم يتحرك نحوه
> ترك لاعب الهلال مرتاح جدا وهو يعكس الكرة
> ثم شاركه منجد في الخطأ وخرج من مرماه دون داعي
> الذي احرز الهدف التاني ليس النعسان
> ولكنهما احمد آدم ومنجد
> واذا عدنا بالذاكرة لمباراة الفاشر
> راجعوا الهدف التاني لمريخ الفاشر
> احمد آدم (قروشي) ترك لاعب الفاشر دون ضغط يثبت ويستعد ويصوب
> ثم تحرك آدم نحوه كأنه يريد ان يهنيه علي الهدف
> أحمد آدم بالطريقة دي علة وعالة علينا ليس الا
> اما السيد التش
> فعليه ان يعلم بان الاحتراف ليس قبض قروش ومطالبة بحقوق ووقيع في الواطة بدون سبب
> الاحتراف هو الاداء بحرفية عالية وتتطويع الموهبه للمجموعة
> الاداء بالفهم الطفولي الذي يستتجيب لصيحات الجماهير مع المراوغة ليس اداءا احترافيا بحرفية الاحتراف المعروفة
> يبقي ياتش
> ياتبطل الحركات دي
> يا الكنبة بتشيل زيك الف
> اما محمد الرشيد
> فاظن ان مشوار بيت الكلاكلة الجديد بعيد عليو شديد
> لذا فقد التركيز وقدم اسوأ مباراة في تاريخه
> لاك الكورة لما جاب لينا طمام
> ايها الناس
> في المريخ مشكلة كبيرة اسمها حراسة المرمي
> منجد المجرب لايجرب
> وعصام اهو حارس والسلام
> ومحمد المصطفي ليس بتلك الجودة
> وجمال سالم قروشو كتيرة وغير منطقية
> ومشكلتنا مشكلة
> نحتاج لخبير في تدريب حراس المرمي
> يمكن يصنع من فسيخنا شربات نتقدم بيهو افريقيا وعربيا شوية لي فوق
> المهم
> مجلسنا جري خلف السفر وترك امر التسجيلات مشرع الابواب
> فخرج ضفر
> وتاه السماني
> وانقلبت كل الموازين
> دليل قاطع علي ان معظم اعضاء هذا المجلس
> دخلوه لا لتقديم جهد للمريخ
> ولكن لمثل هيك فوائد
> اوصيكم
> اجازة النظام الاساسي وكتر خيركم عجاج كرعينكم
> الدعوة لجمعية عمومية لتختار من تريد لهذا المنعرج الخطير
> ياربي لما سافروا قفلوا المكتب التنفيذي ولا تركوا الباب فاتح؟
> حلاوة طيارة كملتوها
> حلاوة امارات كملتوها
> شاحد ربي من دبي لي بانقي
> وعندنا كجين
> كج في المقصورة ماحصل قعد غلبنا
> وكج في الكنبة قلب حظ الزولفاني زاتو
> ايها الناس
> الاداء بتلك الانانية والسبهللية من التش جدير بخروجة من قلوب الجماهير من اوسع الابواب
> اداء منجد بهذه الطريقة نذير بخروج المريخ من كل البطولات
> وتخبط هذا المجلس اذا اصر علي المواصلة اعلان لكارثة غير مسبوقة في الوسط الرياضي
> ايها الناس
> يظل المريخ بطل المحمولة جوا بشهادة لوح الشرف الافريقي
> ويظل الصفر صفرا بشهادة سجلات افريقيا
> مهما قال مرجان ومهما برر
> والطشاش في بلد العمي شوف
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت ياوالينا
> الداير يتأكد انو الانسان علي نفسه بصيرا يجي يعيش عندينا
سلك كهربا
ننساك كيف والكلب قال معقولة زول دخلو الشهري الف ونص منصرفاتو اليومية سبعة الف ونص وعااااااايش
والي لقاء
سلك
