*قصة الاسد نالت اكبر مساحات اهتمامات المجتمع في سودان الثورة
*سمعنا بالاسد لمن يعجز
*لكن كمان يعجز ويكرمش ويجوع؟
*اسد مجدوع زي بشكير المسح!
*لكن ليهو حق الأسد
*مدام قاعد ليهو في بلد لحم الضان فيها ولحم النعام ولحم اي شئ اكلوهوا التماسيح
*زمن ما زمن الاسود
*انه زمن التماسيح
*لذا كان منظر اسد حديقة القرشي مخجلا
*ومنظرنا ونحن خجلانين مخجلا ايضا
*ومنظر الاسد هو نفسه منظر المرحوم الجنيه السوداني امام العملات الاخري
*ولا يشبه اسد القرشي الا المواطن في السوق
*منظر المواطن في السوق مخجل شديد
*ومنظر الحكومة امام ازمات الناس اضحي مخجلا ومخجلا جدا
*اخير منظر اسد القرشي من منظر الحكومة امام المواطن
*فالوثيقة الدستورية ياحكومة ماقالت ليكي انسي المواطن واسسي للدولة
*افرض ياحمدوك يا اخوي نجحتوا في تأسيس دولة وانتشلتوا البلد من بئر الحرامية
*حاتلقوا ليكم مواطن وين يستمتع بتلك الدولة؟؟؟
*كلنا منظرنا بقي زي اسد القرشي
*والمغالطني يعاين في المرايا
*فالمنظر العام وكل المشهد مخجل مخجل مخجل
*ايها الناس
*نعلم ان الكيزان خربوا القيم والنفوس قبل البلد
*ولكن هذا ليس مبررا لفشل الحكومة في تخفيف الاعباء علي الناس بمجرد اجراءات رقابية بسيطة
*وما كلو شئ يقبل تبرير عملوهوا الكيزان
*حقو مانبقي زي بوش الابن
*قالوا جورج بوش في خطبه له من البيت الابيض جاهو سكرتيرو الخاص وقال ليهو همسا
*الكهربا قطعت في نيويورك
*بوش قال ليهو ده بن لادن
*وواصل خطابو
*تاني السكرتير جاهو ودنقر فيهو وهمس
*سعر الدولار شكل هبوطا مفاجئ امام الين الياباني
*بوش قال ليهو ITS BINLADIN
*ده بن لادن
*وواصل خطابو
*تاني السكرتير دنقر فيهو وقال ليهو ياريس المدام حامل
*بوش بدون تردد قال
*ITS BINLADIN
*ده بن لادن
*ايها الناس
*حقو مانبقي جورج بوش في التبرير
*تفاقمت الازمات التي يعيشها المواطن
*والسبب ITS NOT BINLADIN
ITS *
قصور الحكومة وبطئها ومحركتها
*واعتمادها علي شماعة ده بن لادن
*لذا لم يختلف منظر الحكومة امامنا ومنظرنا امام اعيننا عن منظر اسد القرشي
*المهم
*قالوا كردنة جاب عشرة خرفان لاسد القرشي
*اخير ياكردنة
*بدل الجماعه ياكلوها ويجلوها
*ولا يصرجوها وفي نفسهم يدخلوها
*اخير يترقع بيها الاسد لمن يشوف ليهو طريقة رقم وطني وجواز ومخارجة
*فالثورة البعدها صابرين دي مااااامضمونة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*تجارة العملة لسة مدورة فينا
*ده بن لادن برضو!!!!!
سلك كهربا
ننساك كيف والكلب قال ده اخاف علي كلب يجوعلي اسد؟؟؟
والي لقاء
سلك
