دي التركية الكم؟؟؟؟

في السلك

بابكر سلك

دي التركية الكم؟؟؟؟

*ماعارف شرط النزاهة والحاجات الزي دي مطلوبة في الاعضاء الذين يتم اختيارهم للجان التسيير ولا ماضروري
*شخصيا ما اطلعت علي النظام الاساسي الجاب لجنة الانتخابات الجابت التسيير ون والتسيير تو
*وما ظنيت في زول شافو علي العموم كدة
*لكن حتي لو الشرط ده متطلب في الاعضاء الذين يعينون بلجان التسيير
*فان لجنة الانتخابات ماقصرت
*عزلت عزل
*من الملفت بالتسيير تو هو اسم اخي في الله اوكتاي
*واختلطت علي الامور
*ماعرفت دي التركية الكم؟؟؟
*وماذا فعلت التركية السابقة والتركية التي سبقتها
*بل ماذا ستفعل التركية اللاحقة
*علي كل لجنة الانتخابات مامجبرة تورينا اسباب اختياراتها
*فقط نتمني التوفيق للكيان
*وادوار البطولة دوما يلعبها ابطالا لما ينتهي الفيلم مافي زول بلاحظ انو الفيلم بطولتهم
*ابطال حرفا جدا
*كما يوجد(كومبارس)يجيدون لعب دور البطل
*حتي تخالهم كذلك
*وذلك لانهم يجيدون لعب دور الكومبارس
*فكم من كومبارس ظنه الناس بطلا
*وفي آخر لحظات الفيلم يظهر البطل الحقيقي
*حقاااااار
*يعاين لين للناس بقعر عينو
*حتي الكومبارس معاهم
*ويمشي علي الحصان
*الذي يبتعد الكومبارس عنو
*ويركب الحصان لينطلق
*ينطلق من جديد
*وقتها يكون الكومبارس مع عامة الناس يغمرهم غبار حوافر حصان البطل
*ايها الناس
*ضاق الزمن واتسع الامل
*كلما يهمنا نتيجة كبيرة تضمن لنا التأهل حينما نحط رحالنا بارض حفتر
*مادايرين نصل ليبيا مجهجهين
*الناس ديل بخشوا زنقة زنقة
*ماتدخلونا في زنقة
*يقوموا يمرقونا من ماسورة
*يودوا الماسورة وين ماعارف
*لكن البعرفو بودونا الخور اذا اتهاوننا في معركة الابيض
*خلونا كلنا تسعين دقيقة مع المريخ
*وبعد داك كلو زول يشوف جيبو وين لو عاوز
*المهم
*الفريق الغلب الجماعة تلاتة ما اتعرف لي اسي
*فتجسدت اغنية حمادة
*الدقا منووو حمادة
*انا دقو دقه انا زعمط شنبوووو
*بقت عليهم قصة من سرق الروب
*مازيمبي
*انا ما سرقو
*هذا سرقو
*فيتا
*انا ماسرقو
*هذا سرقو
*طيش الدوري الكنغولي
*يطرشني ماسرقو
*هذا سرقو
*من غلب الروب ياناس؟؟؟؟
*ايها الناس
*في عروس الرمال ابقوا من عدد ذرات الرمال
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*مافضلت فيها مدينة
*خلا سااااي يا والينا
سلك كهربا
ننساك كيف والكلب قال الخلا ولا (الرفيق) الفسل هكذا يقول الاتزنقوا….الخلا ياعمك
والي لقاء
سلك