*تأثر السياسة علي كل الاشياء
*وتتدخل فيها دون ان تشعر الاشياء
*وتعبث بعد ذلك بالاشياء
*حتي نوقن بان الاشياء ليست هي الاشياء
*وحتي تقتنع الاشياء ذات نفسها
*بانها لم تعد هي تلك الاشياء العتيقة
*والطفل في المغاره
*وامه مريم
*وجهان يبكيان
*يبكيان
*لاجل اشياء كثيرة
*فالاشياء لم تعد هي الاشياء
*المهم
*قرأت كلامي الفوق ده
*فسألت نفسي
*دي بي كم ؟
*بي كم كرت
*خاصة وانا متهم بها وبكل البحر
*ولكن هل انا يابحر منك؟
*اصحيح مارواه البحر عني وعنك؟
*ولا ككيف يابحر؟
*المهم
*بالامس كنت حضورا لمبادرة المريخ والتبلدي
*اقصد لمباراة المريخ والتبلدي
*لم اخرج بجملة مفيدة
*غير جملة واحدة احتفظ بها لنفسي لانها قبيحة
*المهم
*جاء التبلدي وامله نقطة تؤكد له البقاء بالنخبة
*نال ما اراد
*ولو كان اليمين محقوق
*ماكان بتشنق ود اب كريق في سوق
*المهم
*بعد المباراة تجاذبنا اطراف الحديث
*واستعدنا مواقف المريخ العتيقة
*واجترينا الذكريات
*كيف كانت شخصية المريخ
*وكيف كانت احكام المريخ علي الاندية التي تناصبه العداء وتخدم اجندة محدده لصالح جهات المريخ ليس احد تلك الجهات
*فبكينا
*لعل ذاكرة البمبان قد استدعتها المقل التي اكتحلت اسي وحرق
*المهم
*عدنا لتدخل السياسة في الاشياء
*وتجادلنا
*واتفقنا علي ما اتفقنا عليه
*تتسرب السياسة حتي بين المرء وزوجه
*وتقرر الطلاق
*اسرة مستورة تلجأ للطلاق
*لان متطلبات الاسرة فوق مقدرة رب الاسرة بل فوق الخيال
*تبدأ القصة بي طلبات وطلبات تعيد ريس الاسرة للطلمبات
*بعد ان هجر الصفوف والباغات والتفت للاسرة الصغيرة السعيدة
*ويستمر تأثير السياسة علي سعادة الاسرة
*ويتطور الامر الي
* صرصير
*ثم انفعال
*ثم طهأ من بعض وكراهية لصوت الاطفال
*ثم تضريب حسابي دقيق
*لو طلقت المرا
*وساقت الشفع ومشت اهلا
*حق الايجار ده وحق النور بالاضافه لي حق العيشه
*ممكن يسد رمق المرا والاولاد
*وانا ارجع بيت ابوي
*وهكذا يجبرنا تدخل السياسة بيننا ونسواننا الي التضحية والعودة للطلمبات
*لمن يسمعوا الاولاد
*البركة فيكم ابوكم مات
*مامهم كيف مات ولا وين مات
*المهم انو من عداد الاموات
*كده اخير من الزول البدخل علي شفعو ايد ورا وايد قدام
*ويقول ليهم ازيكم يا اولاد المرحوم
*اخير من العايش وميت
*موت عشوائي
*غايتو كانت كورة غريبة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*بهذا ماحصل
سلك كهربا
ننساك كيف والكلب قال من ناحية الشفع اول مايبقوا حلاتهم جاريين ويبدوا ينبحوا قسموهم زي اولادنا نحنا الكلاب
والي لقاء
سلك
