رئيس الاهلي مدنى: 20 مباراة لم تحتسب ضدنا ركلات جزاء بينما فى مباراتين فقط فوجئنا بأربع ركلات
قال مولانا بدرالدين عوض الله رئيس النادي الاهلى مدني من خلال تصريحاته أنهم لعبو 20 مباراة فى الدوري الممتاز هذا الموسم لم تحتسب ضدهم أي ركلات جزاء بينما في مباراتين فقط احتسب الثنائي معتز عبدالباسط و السمؤال محمد الفاتح احتسبو ضدهم أربع ركلات جزاء و قال : هذه الظاهره تحتاج الي تفسير مشيراً الى ان ظلم التحكيم و انحيازه للنادي الاوحد اصبح واضحاً ولا يحتاج الى دليل.
ده كلام زول ماعنده علاقة بي كورة القدم …زول ولج لادارة فريق في غفلة من الزمان…ثقف نفسك وتعال اتكلم… كلامك مخجل والله.. .ا
انت محرش والاوامر تاتيك من فوق…ماذا تتوقع اذا امرتم لاعبيكم بممارسة المصارعة والملاكمة ضد لاعبي الهلال………….اتق الله ياهذا
في ذمتكم الصياغة بتاعة الكلام ده تشبه صياغة منو؟
ماشامين فيها ريحة صحيفة الصديد؟
هههههههههههه مووووووووووووتوا وإتشقوا بي غيظكم، مافي بطولة حاتنسف والكلام ده كبير عليكم ومابيقدروا عليهو إلا الفرق الكبيرة زي هلال السودان وأمل عطبرة، أما المرخرخاب ومن تبعهم من كومبارس فأحسن ينقطونا بي سكاتهم …!!
لكمة أخيرة: المرخرخ قنع من الممتاز وعاوز يعمل شوشرة وفوضي ينسف بيها البطولة عشان في النهاية يكونوا ليهم لجنة تمنحهم البطولة زي الموسم الفات، وأهو بالمرة يتخارجوا من المباريات الراجياهم وخايفين من الضرب فيها…..هههههههههههه تلقوها عند الغافل السنة دي
يعني أكان المفروض يحسبوا عليكم 20 ضربة جزاء حتى تفهم أن الرياضة خلق و أخلاق و تسامح…
يجب عليك اولا محاسبة مجلسكم و مدربكم و لاعبيكم الذين تركوا الكورة الجميلة التي كنا نعرفها للاهلي و انصرفوا للضرب و الركل و الاساءات. فهناك تحريض و شحن للاعبين ، اما من المدرب او اعضاء المجلس او كلاهم . فالظهور و الحديث في وسائل الاعلام و اطلاق التصريحات و التهم يمينا و شمالا ، وتقديم الشطكاوي الفالصو لن يفيد فريقك ، بقدر ما يزرع الياس وسط اللاعبين فيزيدهم توترا مما يفقدهم مباريات في متناول اليد ، و هذا هو الطريق الاسهل للهبوط (وسترى كلامي هذا).
20 مبارأة لم تلعبوا من اجل التصفية الجسدية للفريق الخصم ..فما الجديد وما الداعي لهمجبة لعيبة الاهلي المنظمة والمتفق عليها ؟ سعركم كان كم ؟واستلمتوا كم ؟ والباقي كم ؟
نحن امخاخنا ما مطبلة ..بنعرف لعب الاهلي من زمن (اهلينا ارجنتينا) ومن زمن حمد والديبة وابوجلب …..الخ
الاهلي اصبح مطية يباع ويشتري ..بعد ان كان يلعب بشرف ويهبط بشرف ويبقي بشرف..
بااالغت يا استاذ بدر الدين !!!! دا النادى الوحيد مش في السودان في أفريقيا عايش علي ركلات الجزاء لكن لأن مجدى نقل الفساد من داخل السودان الي أفريقيا و هو رئيس لجنة التحكيم ( متعودااا ) أقصد الدماعه و فريقهم
يعني سعادتك منزل ليك جزارين في الملعب ولعب غير قانوني وعايز الحكام يصفقو ليكم لي الشي اللي شاهدوه الملايين في التلفزيون ومابحسبو ضدكم ضربة جزا
خلاص الفوبيا بتاعة التحكبم حفظوها ليكن ناس ابو شيبه
كلامك عيب كبير يامولانا وانت شاهد لمايجري من لعيبتك داخل الميدان
هذا لايشبه اهلي مدني ولا اخلاق لعيبة اهلي مدني
افيق ايها الريس واترك وصايا ابو شيبه ومزمل
اذا بنفسك بتنزل الملعب وبتطلب من لعيبتك الخروج وامام الملايين وبتقولوها بصوت عالي للحكم العب لوحدك
بعد مكالمات نصف الليل من مزمل وابو شيبه تجي بنفسك تنكر انك لم تسحب اللعيبه من الملعب
حرام عليك يامولانا
انا هنا في امريكا البعيييييده سمعتك وشاهدتك بعيوني نازل من المقصوره بي بدلتك ورافع اياديك بتطلب من العيبه الخروج وعدم اكمال المباراة وعدم ادا ضربة الجزا
وحارس مرمي فريقك بشوووت الكورة من منطقة الجزا خارج الملعب والحكم موجود ومصوره تلفزيونيا
مفروض ياخد كرت اصفر اخر ويطرد من الملعب لسو السلوك
لكن باين عليكم كل الادارة متغمسة شخصية ابو شيبه ومزمل وكانه لاعب المريخ وليس اهلي مدني
تخيل لو كسرتو رجل احد اللعيبه او قتله داخل الميدان تفتكر جماهير الهلال كانت حتكون مكتوفي الايدي لما يجري !!!!!!!
وقبل اسبوع فقط انهزم الهلال من هلال الابيض 2/4 هل ثارة جماهير الهلال ضد هلال الابيض !!!
لا مانولانا لقد وقفت جماهير الهلال داخل الاستاد وتصفق بايديها لي لعيبة هلال الابيض
حتتعلمو انتو وناس مزمل وابو شيبه متين من جماهير الهلال وادارة الهلال
وبتنكر في وضح النهار انك لم تسحب اللعيبه من الملعب !!!!!!! الاختشو ماتو ياابو شيبه اقصد يامولانا