رئيس الجمهورية يمنح النيجيري شيبولا الجنسية السودانية
التقى المشير عمر حسن احمد البشير رئيس الجمهورية بالدكتور اشرف سيداحمد الكاردينال رئيس نادي الهلال قبل قليل في لقاء امتد لساعه كامله شرح فيه الكاردينال سير العمل في الجوهره الزرقاء والاكاديمية والاستعداد للبطوله الافريقية ،،من جانبه شكر رئيس الجمهورية الدكتور اشرف علي المجهودات التي يقوم بها لخدمه الهلال والرياضه بصوره عامه ،،ووعد سيادته بزياره الجوهره قبل افتتاحها رسميا للوقوف علي سير العمل فيها وقد صدق رئيس الجمهورية رسميا جنسيه اللاعب شيبولا ليكون لاعب وطنيا وبالتالي يدخل أوتارا الكشوفات الهلاليه كمحترف في التسجيلات التكميلية المقبلة.
* كضاب لاقى كضاب!..إنت قابلته عشان موضوع “قرار المحكمه الاداريه”!
* و كمان قلت ليه شيبولا ده معجب بيك جدا يا سيادة الرئيس ،و مصمم يهديك كاس “بطولة الانديه الافريقيه”!
* و بى كده، تااانى نكون رجعنا لى حكاية “قميص” ميسى و “بردلوبه” القساوسه!
* يا اخونا دى مصيبة شنو الوقعنا فيها دى!
فعلا يا رئيسنا انت ما عندك موضوع
خبر زي ده طبعاً بيهرد فشفاش الرئيس الهارب وكورال إعلام التحريض السالب بقيادة الأستاذ المرشدي، أما أبو المستعار فإحتمال يكون شالوهوا ودوهوا المستشفى من ليلة أمبارح، المسكين لافي في المواقع بمستعاراتة شاخور والعاتي ولا البعاتي والعالمي وعمر ومحمد مصطفي والمنذر وعلي الشيخ وكمية من أبو فلان وأم فلانة وغيرها من المستعارات الماتديك الدرب، وقال شنو فرحان بقرار المحكمة ضد كردنة (يبلوهاو ويشربوا مويته) وأول حاجة قالها: الجوهرة راحت !!
يعني أسي يا أبو المستعار يا حاقد لو جيت ماشي يوم قدام الجوهرة وكومة السكر قامت عليك وأغمي عليك حايودوك وين غير الجوهرة؟ وبكرة حفرتكم بتجي المطرة وبتقفلوها وتجوا جارين تحتموا بجوهرة الهلال بس حانطردكم شر طردة ههههههههههه
بالمناسبة يا أبو المستعار، أوع تتورط وتلقي ناس الأستاذ المرشدي كاتبين في موضوع قرار المحكمة وتمشي تلقط كلامهم وتجيبو في عمود الدراب الليلة، الزول البكتب في مواضيع زي دي عنده ضهر وبيعرف يتخارج من الموضوع، بس إنت ماليك غير الله وعيشة السوق عشان كدة أوعك تورط نفسك وبعدين تجي تفتش للمخارجة وماتلقاها هههههههههههههه
لكمة أخيرة: الجنسية دي خاصة بالهلال وماعندها علاقة بالجنسية المسحوبة الرجعوها للإمام باسكال الواوا وماتجوا تصدعوا بينا بموضوعها !!