رمضان كريم للمريخاب والقادم اجمل باذن رب العباد
تغريدة واتساب
بقلم : معاذ ابومؤيد
رمضان كريم للمريخاب
والقادم اجمل باذن رب العباد
رمضان كريم لكل الاحباب
رمضان كريم للاسرة الحمراء
اكثروا من الدعوات من اجل عودة المارد الاحمر الي الطريق الصحيح،،،
المريخ يمرض ولكن لايموت
دعواتنا باذن الله ستكون سند للمريخ
اكثروا من الدعاء ان ربنا يزيل الغمة التي حلت بنا
ملامح الانفراج باتت وشيك جدا جدا،،،،
••••••••••••••••••••••••••
ماذالت مهاترات التحالف مستمرة
انتو رمضان دا مابتعرفوه
يعني بيانتكم وصوركم دي مابتعرفوا تلموها في رمضان!!!!
امس قلنا بيكم بيانتكم لاتقربكم الي الجماهير
اليوم نعيد نفس الجملة
بيانتكم عبارة عن حبر علي ورق لايتجاوز مساحة المكتب الكتبتوا فيه البيان !!!
احتمال البيان ذاتوا تمت صياغتة في قروب واتساب!!!
ناس الالتراس اتغابوا فيكم العرفة
والجماهير اصلا رامية طوبتكم
هو انت تكوسوا في رئيس يقودكم والجماهير تفتش لرئيس للكيان،،
يعني ننتظركم لمن تلاقو وئيس عشان الرئيس حقكم يجي رئيس لينا!!!!!
حجوه ام ضبيبينه تعرفوها
ناس مالقين رئيس عايزين يبقوا لينا رئيس والله محن؟؟؟
لم تلاقوا رئيس بعديها تعالوا ابحثوا عن الدمقراطية التي تنادون بها!!!!
كمان حابت ليها اتهامات بالعنصرية؟؟؟
والله العنصرية دي الا مشعشة في ورقكم دا ومخكم الضيق الافق!!!!
قال تحالف قال
تعرفوا تقولوا وراي
قووووووووووم لف،،،،
••••••••••••••••••••••••••
تحركات تشهدها القروبات للاستعداد لنفرة الثبات،،،
نفرة حتعطي المتفرجين ودعاة الخلافات درس
درس في معني حب الكيان
الكيان فقط
لكن ناس الطاسة الضائعة ضائع ليهم رئيس وبيان وصوره في الجرنال؟؟؟
الجرنال دي باللهجه المصرية
جماهير المريخ لن تتوقف عند محطة بيانتكم كثيرا لانها تشبه رسائل الرصيد واعلانات اليتيوب
لاذم نعمل كلمة تخطي لهذا البيان !!!!
عشان نشوف المادة الدسمة الاساسية،،،،
بيان مين الجاي تقول علية
اقول ليكم
اللهم اني صائم تكفي للرد علي اسلوبكم وبيانتكم
كل مريخابي حيسمع اسمكم ولا يشوف بيان من التحالف
فقط تذكر وقول
( اللهم اني صاااااااائم )
••••••••••••••••••••••••••
مسك الختام
مافي بيان بييقنع ليهو مشجع مريخي واحد
الكل اتفق واقتنع انو المريخ في اذمة حقيقيه بسبب سؤ الادارة
والكل اتفق انو كيسكم فاضي
••••••••••••••••••••••••••
ونحن علي المدرج ندعم ونشجع ونتفرج
شكرا التراس مونس وهو يفض الاعتصام
وشكرا ليكم لتفهمك ادبيات المرحلة،؟،،
المريخ كيان لنا الفخر نكون نحن جنود له،،،،،
محتاجين تفعيل الدعم منذ اليوم
الدعم ثم الدعم ثم الدعم
•••••••••••••••••••••••••
همسة اخيرة
علي مشرفي القروبات معاقبة ومحاسب كل متطاول علي الزعيم
وتصفية القروبات تصفية صحيحة
مع اوضد فقط؟؟؟
اللون الرمادي لاينفع في الايام الجاية،،،
المرحلة لاتتحمل اي تراخي
واصحاب المصالح والتلميع والتنظير !!!!
الكل عاش تجربة التسيير السابقة
والكل شاهد كل التفاصيل،،،؟؟
محتاجين عودة الروح للمريخ
عودة الروح بايدينا نحن الجماهير،،،،
اخي مشرف القروب راجع تصرفات بعض اعضاء القروبات،،،،
••••••••••••••••••••••••••
خارج النص
شكرا لكل شخص يبادل المريخ الحب
وشكرا لكل شخص يبحث عن مصلحة الكيان المريخ
نجوم التسجيلات امس كانوا اسود في الميدان
لكن نتمنىً دعمنا يصل للمكان المحدد فقط!!!!
الوالي ان حضر لابد من عكس الصوره الصحيحة للكيان ،،
لابد من مشاركة الجميع نفرة الثبات،،
ياريت الناس تتفق علي مصلحة الكيان وبعديها لكل حادث حديت
تصوموا وتفطروا علي خير
وربنا يوفقنا لخدمة الزعيم
••••••••••••••••••••••••••
تغريدة مرورية
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع
الطريق ملك للجميع فلاتفتكر انه ملكك وحدك وتقعد تشتم في خلق الله،،،
طول بالك من اجل عيالك
تزكر دائما
ان اسرتك وعيالك في انتظارك
••••••••••••••••••••••••••
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية……..
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا انا اخطاءنا في يوم من الايام،،،،،،،،
====================
للأسف التغريدة ما عادت تقف في مسافة واحدة انحرفت في اتجاه الريس طوالي