سمحه المقدرة
نبض المدرجات الزرقاء
عسجد الهلال
سمحه المقدرة
غايتو جنس شيء
امس بعد اجتماع الاتحاد الفي سويسرا داك
شفتو سمعت لي كلام سمح خلاص
انو الاتحاد الدولي قدم موعد إضافات اللاعبين الجدد
يعني حسب علمي انو كان مفروض يكون اول بوليو
تاني جابوهو 25 يونيو
تاني امس قالو 12 يونيو
في كل الاحوال سمحه معانا غايتو
المهم قبل كوره مازيمبي الجماعه الطيبين ناس جولبام وجونيور بكونو دخلو الكشف وانتو طبعاً عارفين انو كورة مازيمبي يوم 27 يونيو ( للتزكير فقط)
كدي خلونا في المهم
انتو دحين الكوكي دا واثق من نفسو شديد ولا من لعيبتنا؟..
انا غايتو ماعارفه لكن كلامو سمح شديد عجبني
في ناس ماعارفنو قال شنو
تعالو جاي اوريكم
– الكوكي في سطور :-
قال للاذاعه التونسيه انو الهلال قادر علي تحقيق الابطال الموسم دا
وقال انو الاجواء في القلعه الزرقاء مهيئة لحقيق اللقب
– وقال انو المجلس وفر كافه مقومات النجاح
– وقال انو اختار تونس للمعسكر عشان يقدر يوفر مباريات اعداديه قويه قبل بدايه المجموعات
– والهدف التاني من المعسكر انو الاجواء بمدينة سوسه تساعده في تنفيذ هدفه وهو رفع معدل اللياقه البدنيه
– دا كلامو بأختصار عليكم الله رأيكم شنو ماسمح
– هسه الموضوع دا زاتو انسوهو.
امس شايفه الناس كلهم في الفيس والقروبات كلهم شابكننا الارباب عاد
الارباب عاد
قلت بسم الله عاد وين مايكون للهلال بس وانا ماجايبه خبر
الحمد لله رأسي رجع لي ولقيتو عاد للكتابه
غايتو الزول دا انا ماعارفه الناس رأيهم فيهو شنو وصراحه انا زاتي ماعارفه رأي فيهو شنو
المهم مابنكر انو خدم الهلال كتير ووقف معاهو كمان
لكن عندي ملاحظه انو الراجل دا بختفي وبظهر زي الحربويه
يعني رجعتو دي الله اعلم تكون لي خير
خلاص شاف الهلال بدأ يستقر داير يظهر
غايتو الله يكضب الشينه
– نبض اخير
كل الاحترام والتقدير للارباب وانصاره لكن بعيداً من الكيان
في راي لو طنشتوا………….. يكون احسن……….. ركزوا مع فريقكم وادارتكم ………. الهلال انطلق
كلام خارمبارم للكتابة وبس. ماذا استفاد القارئ من هذا الكلام؟ وماذا تعتقدين انك كتبت كلام مفيد؟
كلام ممتاز انت مالك لو ما عاجبك لا تقرأه بالمرة نحن الهلالاب عاجبنا
والله العظيم بقينا نخاف علي الهلال من صلاح ادريس و امثاله , اكتر من خوفنا من الفرق المنافسة داخليا وخارجيا ….
اللهم جنب الهلال الفتن ما ظهر منها وبطن واحفظه يا كريم من كيد صلاح ادريس واعوانه
اللهم وفق الكاردنال وسدد خطاه ومده بمددا من عندك ياكريم يامنان
اللهم كل من اراد سوء بالهلال والكاردنال اجعل الدائرة عليه واطمسه واعمي بصيرته ياحي ياقيوم
امين يا رب
بتكتب احسن من بابكر سلك وابو شيبة وواحد اسمو مين كدا هيثم ولا كابو ماعارف
انا ما عارف لو بطلنا العواره وكتبها حاجه مفيده وبلغة محترمه فيها شنو.
الصحفي لازم يكون مفيد بي قلما حتى لو كان ساخر
ربنا يوفقك
صلاح ادريس لا اشك في انه هلالي وقدم للهلال الكثير ولكن عندما كان صلاح ادريس رئيسا للهلال كنت احيانا اشفق عليه لان ادرته للامور ادارة شيخ عرب يعني يسير الامور كانه عمدة ومن زمن الادارات الاهلية والشلليات والتحزب والعنتريات وحاله كمن يقدم اليك طبقا شهيا وعندما يضعه امامك يبصق في الطبق فيخرج من نفسك الشهوة في الاكل
هذا كله كوم ولكن الاسوأ من ذلك عندما ترك كرسي الرئاسة صارت كل همومه تكسير الهلال وابغض الناس له رؤساء الهلال
ولذلك اتمنى من الله ان يكفينا شر صلاح ادريس ودسائسه
واقول له شخصيا عليك الله خلي الهلال في حاله خلينا نفرح بالهلال وان ابيت ان تترك الهلال في حاله دعونا عليك بان لا افرحك الله ابدا
ونصيحتي لك كتاباتك تنم عن غيرة مثل غيرة النساء التي تتمنى لزوجها ان يموت اذا كان يريد الزواج عليها ( جنازتو ولا زواجتو )
خليك راجل وبهذه الطريقة لن تعود لكرسي الرئاسة في الهلال الا في زمن غفلة رياضية