سياسة النفس الطويل للرحيل والتجمع يعلن دعموا عديل!!!
تغريدة واتساب
بقلم : معاذ أبومؤيد
سياسة النفس الطويل للرحيل
والتجمع يعلن دعموا عديل!!!
من راهن علي الشفوت ياهو الكسبان
مش العايز يودي الجمهور والشفوت خلف القضبان!!
كتبت زمان لاذم تعيش نمله وتلبس توب جوده المصري عشان تاكل سكر!!!!
ولاذم تبلع صوتك وتخلي بالك من لغاليقك!!!
لكن ايها السادة المكنكشين
ايها الساده الونساب
صوتنا حيوصلكم سرا ولاجهرا ودعواتنا حتطاردكم صباح ومساء مش براكم معاكم الكتيبه الالكترونيه في القروبات
كتيبة التيسراب
كتيبة نحن مع الرحيل لكن بعد الجمعية العمومية!!!
طيب كيف مع الرحيل
لومنتظر الجمعية!!
ناس ديل اتصدوا للمهمة وماقصروا ننتظرهم يكملوا فترتهم!!
وبالمناسبه اسلوبهم ظاهر ونبرتهم واحدة وخط يدهم في الواتس متطابق
يعني الحوارات صارت علي المكشوف!!!
••••••••••••••••••••••••••
شفوتنا امس جوه النادي
حضروا وقالو ياهادي
طبعا عشان لو تجمع مع بعضيهم
ماالعدد المهول لكن اعداد خاطبات الجميع بالعقول،،
ديل الصفوة صوتهم وصل بادب المريخ الكيان ،،،
ولاعزاء للتيسراب !!
اجتماع يعتبر ضربة بداية والقادم اجمل باذن الله،،،،
المهم خلاصة الاجتماع والتجمع معروفة للجميع لكن التذكير مابضر
1_التوقيع علي مذكره ورفعها للسيد الوزير الولائي ووالي الولايه مطالبين برحيل اللجنة
2_الوقوف مع الفريق في مبارياتة القادمة وعدم وقف الدعم والتشجيع الجماهيري للفريق
3_تكوين جسم من قروبات المريخ بالواتساب لمتابعة المذكرة حتي تسليمها للوزير
مطالب مشروعة وممكنة
يعني الرحيل مطلب للجميع والكنكشه ماحبابها ياناس التسيير!!
••••••••••••••••••••••••••
العجيب والمريب حضور ناس التجمع
ناس المعارضة
حمدالله علي سلامة الوصول من دوحة العرب اولا يااخ العرب خالد
بس ماشفناكم في النفرات الفاتت
وماسمعنا دعوماتكم!!
ولا شفناكم معانا في الصيانة!!
في ناس شفناهم اليوم بعد سماعهم بالتجمع لنزع اساس
دولتهم الوليده!!
مشروعكم الحضاري الي زوال ياناس التجمع والمعارضه!!واسمعوها مني انهدام المعبد علي رؤسكم مسألة وقت ليس الا،،،،،
يعني حاليا اعلنتوها صريحة
ونحن الحملة التصححية ايضا صريحة ،،،
ونفسنا طويل واوراقكم مكشوفة للجميع ،،
••••••••••••••••••••••••••
عندنا مباراة اليوم امام اكسبريس عطبرة
كشف الفريق علي حسب كلام المدرب يحتوى ١٤ لاعب يعني اكتر من ناس التسيير بقليل !!
طيب المدرب دا يلعب كيف؟؟
والحال حيستمر كده كتير!!
المصابين ديل منتظرين بيهم قروبات تعالجهم ولامنتظرين معونة احدى روابط الخليج !!
ماتشوفوا ناس التامين الطبي علاج بربع القيمة!!
مكنكشين علي شنو الله اعلم
انتو قايلين الكم وعشرين يوم دي حتذيدكم طول وعلا!!
الجابركم شنو!!
المهم دعواتنا للجماهير بموازرة الفريق اللاعبين
وشعارنا
ماعندنا لاادارة لامال
ولاعبين الفريق في الملعب رجال،،
المريخ الكيان يدخل المباراة باربعة عشر فارس فقط لاغير !!
الكتايب الالكترونية رايكم شنو يكون في نظركم برضوا تهويل من القروبات!!!
ربنا ينصرك يامريخ
ولاعزاء للحاقدين والحاسدين
والعندهم نية لتدمير الفريق،،،
••••••••••••••••••••••••••
مسك الختام والذبدة
ارحلوا بهدؤ وبلاش ضجيج
والكنشكشه عمرها ماكانت طريق
والشهرة الاكتسبتوها من عالم المريخ تعيشوا عليها العمر كلوا
••••••••••••••••••••••••••
ونحن علي المدرج ندعم ونشجع ونتفرج
والليله مدرجنا كان داخل اسوار النادي
وحضورنا الايام الجاية حيكون طاقي
خليكم مكنكشين بس ماتنسوا اوتتناسوا انو نحن بالمال داعمين والماسورة حقت الدعم حنقفلها بالضبة والمفتاح لحين رحولكم !!
وخليكم رقاق وابقوا قرااااب عشان صوتنا حيكون واااضح
ارحل ارحل ارحل
واحسن الله عزاكم كتيبة الدعم الالكتروني في القروبات!!
لانو دعمكم راح شمار في مرقة وخسرتوا اصدقاءكم في القروبات!!
اعملوا قروب وسموه التيسراب واقعدوا اقنعوا نفسكم بانجازاتكم وانجازات لجنة التسيير !!
انا خايف تلاقوا نفسكم منقسمين في بعضكم ذي خلافات ناس كدى عارفين نفسهم !!!
اي الكلام ليكم انتوا لقيتوا نفسكم ضربكم الهواء وبقيتوا تنفذوا في افكار غيركم !!
حتتعبوا كتير في الملفات القادمة ،،
••••••••••••••••••••••••••
همسة اخيرة
ياصحيفة النادي ناشدناكم بالرجوع الي الجماهير،،
لكن شكلكم مصرين الذهاب في درب التجمع والمعارضة!!!
وحتى اعمدتكم صارت مامقنعة ومامرضية للقراء وسياستكم واضحة للجميع
انتو قامات صحفية ونكن لكم الود والاحترام،،،
لكن خط سيركم ماماشي مع تطلعات المدرج والجمهور!!
المخضرمين من الكتاب او الكتاب الحديثين
رسالتنا ليكم ماتصفقوا خارج الدارة !!
لانو صفقتكم مشاترة !!
سامعني كتاب الاعمده المخضرمين والجدد،،،،
المدرج ملتهب واي كلمة تكتب بطعم الليمون حتزيد الالتهاب ذيادة !!
••••••••••••••••••••••••••
خارج النص
اليوم في مؤتمر صحفي للتسيير بخصوص المال
وعندي اهم سؤال قروش شيبوب الحكم بيها الاتحاد الدولي راحت وين وليه مازكرت في المؤتمر الفات
وعندنا قروش بعض الشباب راحوا للهلال ايضا!!
كلها قروش رعاية مواهب
وطالما في الشهر اتنين مؤتمر صحفي بخصوص المال معناة تحت المؤتمر الف كلمة وسؤال !!!
كشف الحساب والقوائم المالية مابتكون كل شهر ومن غير اسباب!!
التبرير الكتير في حد زاتو يثير الشكوك !!!
نختمها بالقصة القصيرة
في واحدة اسمها عودة وابوها اسمو جمال وواحدة تانية اسمها رحيل وابوها اسمو اسامة
عودة جمال منتظرة رحيل اسامة في اخر محطة
المشكلة رحيل ماعندها حق الركشة عشان تصل اخر محطة
تكون رحيل بتكابر ومكنكشة!!!
شكرا لمن حضر وقال ارحل
شكرا لمن تابع وخاب ظنه بالفشل!!!!
فتناكم عافية
••••••••••••••••••••••••••