سيحة: ركلة جزاء الهلال ضدالخرطوم صحيحة وكان على الحكم إعادة تنفيذها
في تحليله في برنامج عالم الرياضة التلفزيوني ظهر اليوم أكد خبير التحكيم فيصل سيحة صحة ركلة الجزاء المحتسبة للهلال ضد الخرطوم الوطني في مباراة الفريقين الأخيرة مبيناً أن قرار الحكم صحيح باحتساب الركلة لكنه عاب على الحكم الفاضل أبوشنب عدم اعادة تنفيذ ركلة جزاء بعد أن أضاعها مدثر كاريكا مهاجم الهلال مبيناً أن هناك تداخل حدث من لاعبي الخرطوم الوطني لحظة تنفيذ كاريكا للركلة الأمر الذي يتطلب إعادتها، وذكر سيحة أن بدر الدين قلق لاعب الخرطوم الوطني كان يستحق الطرد بالبطاقة الحمراء بعد أن أكثر من الاحتجاج على قرارات الحكم طوال زمن المباراة.
كتر خيرك…مامحتاجين لي كلامك وتحليلك ده…نحنا عارفين الكلام ده كويس، بس لأننا هلالاب وناس فاهمين وبنعرف إنو أخطاء التحكيم جزء من اللعبة، مابنقيف في الحاجات الصغيرة دي…!! أما الموضوع ده لو حصل للمرخرخ، كان الإعلام السلبي جنن الفاضل أبوشنب جن، وهاك يا كان عاوز يعطل المرخرخ بمؤامرة من هلالاب الإتحاد وووو…….وكان عمو أبوشيبة مسك في الموضوع ده لمدة 45 سنة بالتمام والكمال !!!
بس كلامك ده جاب ليك الملامة، بكرة إعلام التحريض السالب حايسلخك سلخ وما حايخلي ليك جنبه تنوم عليها !!!
الله احسن منك
الملاحظ في الفترة الماضية ان سيحة ركب قطار كردنة وصار كل همه ارضاء الصفراب بالصح او بالغلط لانو تعرض لحرب ضروس من سفهاء اعلام كردنة فقال الصلح خير واشتري سكوتهم بارضائهم بما يريدون سماعه دنيا دنيا والله المستعان
انا داير اعرف ادارة الموقع المن واحد زي الاخ الريق يجرح بكلمات على اعلام الهلال بي السفهاء ادارة الموقع توافق على هذا الشي يعني الادارة فيها شي غلط يا اخي خاف الله نحنا فى شهر فصيل