سيد البلح

حدق العيون

خالد سليمان

سيد البلح

• سيد البلح ( خايلة ) اكثر … فاى سيد بلد هذا الذى يتلقى الصفعات أشكالا … ؟؟
• سيد جرسة ؟ ما هو باين فى العيون … وفى المدرجات وفى مشجعين ( البناطلين ) المخجلة …
• صفر البلد ودى عاوزة شك ؟ ولا كمان انا جبتها من عندى ؟ والدليل
ماكتبه ( أستاذهم ) حينما كتب ( متوسلا ) ان يدعم الجمهور المدعوم …
• كتب الاستاذ عبدالماجد ناعيا فريقه الذى يتالق على صدر أعمدته وحينما يحمى الوغى نشاهده كما شاهده هو نفسه فلم
يجد ما يكتبه غير طلب الدعم
او يدعم ( المدعوم ) يا رجل ؟؟؟؟
• فريقك يحظى بدعم ( دراكولا ) الاتحاد .. ويحظى بدعم لجان الاتحاد … ويحظى بالدفرة المعتادة فى كل نزال …. يحظى بالدعم من الجميع حتى ( برقو ) بدعم ….
• كتب ( محمد ) مقالا باكيا … سكب فيه من الدموع انهارا … تحسر فيه على ( نمور ) الورق … والنجوم التى يصنعها هو وآخرين من وحى الخيال ….
• كتب الرجل طالبا من ( الانصار )
( خلونا نبدأ من الصفر ) هو انت عندك غيرو ؟؟؟؟؟
• بدأت أحلام ( انصاف البلد ) الوردية مبكرا حينما استقدم ( صفر البلد ) كوتته الأولى بقيادة ( جيسى جاكسون ) وتلك الماركة من الدقيق …. وقتها كتب ( محمد )
مقالات ارتعدت لها فرائص العرب والأفارقة ولم تمر غير شهور قليلة
لعب فيها ( المهرجان ) بضم الميم
او بالأحرى جلسا فيها على مقاعد البدلاء رفقة ( عبداللطيف بوى )و ( سليم برشاوى ) و ( روفا ) حتى غادرا بعد ان تألقا فى أعمدة صاحب الخيال الخيول ….
هذا كان الاستاذ ( عبدالماجد ) وهو مهما كتب فما يكتبه يظل ( مبلوعا ) بعض الشيء ففيه ظرف نعرفه …. فانا لا اعرف نوبات ( الربو ) الا عندما اقرا لذلك المتظارف ( سيد القزاز )
• رغم ذلك وفى كل مباراة للمريخ والهلال يكتب فيها الرجل ( ساخرا ) لا على المريخ بل على حاله
وقتها يملؤنى اليقين اننا سنمنحهم ( المعلوم ) وقد كان …..
• كتب هذا ( متطاولا ومتظارفا ) بان سيادته يستعد لهزيمة المريخ ( بالحلاقة ) … والسؤال كم مرة ( حلق ) صاحب القزاز فى السنوات الأخيرة ؟؟؟ ولعله استمتع بقصة ( سيف تيرى ) الأخيرة هذا ان تبقت له أصلا ( شعيرات ) فما نعرفه ان الرجل لا يملك تحت تلك ( البرنيطة ) اى شعيرات باقية كلها
( اتزعمطت ) حلاقة … مرة كان الحلاق اسمو ( رمضان ) وبعدها تمت الحلاقة بالحلاق ( السمانى )
ولا ندرى هل ستبقى للرجل ( خصلات ) يتولى حلاقتها ( التش ) بعد غيبته الطويلة ؟؟؟؟
• غربال منو ياعم … غربال على ناسو … شوفوه غربل منو ؟؟ وكم مرة ؟؟؟
• لأول مرة يكون ( الغربال ) مجرد واحد ( غلبان ) ..
• المسكين جدع ( الشارة ) من الإحباط … قال ( الطرش ) المعاهو
ديل واحد عارف يوصلو القون مافى
• التسوى بايدك بغلب أجاويدك يا غلبان اقصد يا غربال زمان …
• ااطيب عبد الرزاق اسم على مسمى .. ياخى دا شدة ما طيب
بوصل المهاجم لحدى ما يقابل
لون الدم ( فيس تو فيس ) … الطيب لا ( بخش ولا بقش ) يجرى ب وراك بس …. بقدمك بس …
• المدافعين ( العسل ) ديل بتلقوهم وين ؟؟؟
• عفريت يا ارباب … بعت كل بضاعتك منتهية الصلاحية ل( غشيم البلد )
• الأرباب صدر ( الكرور ) للكرور
يعنى من ( النهر ) و ( للبحر )
معقول خمسة من لعيبة ( الهلاك ) مجموع أعمارهم بلغ ٢٥٠ سنة ؟؟؟
• دا نص ولا دار مسنين ؟؟؟
• ضحكنى ( ود عبدالماجد ) وهو يكتب ( التيم دا اصبروا عليه سنتين تلاتة )
• يا راجل ( الشغيل ) ونزار والسمؤل .. و بوى وفارس عبدالله
اكبر سنا من ( بشة ) و ( البرنس )
انت قايل ناس ( بوى ) ديل براعم الهلال ؟؟ ديل ( بعاعيت ) الملاعب …
• دنيا …. الغربال اقصد الغليان … كان فى المريخ هدى و ( رضيان ) بجيب اقوان وبس … لا يرمى ( إشارات ) ولا بعمل فيها ( برنس )
• معقول ؟؟ كنت بتلقاها على ( طبق من ذهب ) هسه مع ناس ( عمو ) ديل الطبق دا الا تهاجر ليهو …
• نفسى اعرف بعد ( الزهاجى ) رمى ( الشارة ) منو الرخيص النفض
منها ( التراب ) ولبسها ؟؟؟
• سيدا ركل ( القارورة) والإعلان اذدرى ( الشارة ) ولا زول قال ( بغم )… تحيا ( القيم )…

• برقيات :
• الطيب عبدالرزاق يا ( سخرة ) الدفاع ..
• عم نزار …. خالو شغيل ( بخاخاتكم ) فنتولين ولا سمبكور ؟؟؟ حرام عليكم فطعتو نفسهم …
• مزمل ابو القاسم ولدنا زعلان مالو ؟؟
• محمد حامد ( التش ) اشتقنالك ..واشتاقت الملاعب …. متى تزيل هذا القبح ؟؟؟ ومتى تأتلق الميادين ؟؟؟؟
• اذا كان الطيب ودعبدالرازق هو ( سخرة ) الهلال فمن يكون الطيب ود الامين ؟؟؟؟
• محمد الطيب ( حلقتا ) ؟؟؟؟
• معاوية الجاك فك ( الدو ) ….
• مزمل تانى … لسان حال ( ولدنا ) يقول ( كرووووووووور وهم )
• تمشى تانى ؟؟؟؟