شفوت وصفوة وعالميين

في السلك

بابكر سلك

* ياسلام علي مجتمع المريخ الاصيل
* ياسلام علي عالم المريخ الجميل
* فعندما يكون الانتماء لكيان
* تتمازج الكيمان لتشكل لوحة مدهشة
* ها هي قروبات المريخ وجماعاته تبدع كل يوم
* وتعطي بسخاء
* ترسل الرسائل للذين يشكلون حضورا انيقا وقت حضور ناس معينين
* و يشكلون غيابا متصلا ومتواصلا اذا ابتعد البعض
* فالولاء عند هؤلاء يمكن ان يكون لاي شئ سوي الكيان
* او علي الاقل ليس الولاء في المقام الاول للكيان
* يمكن ان يكون الولاء للكيان في المقام التاني او التالت وبدون خجله
* ولكن الشفوت لا يعرفون ولاءا الا للكيان
* وهذا لايمنعهم بالطبع من الاحتفاظ بجمائل من قدموا جميلا يوما ما للكيان
* هاهم
* صفوة المريخ العالمي
* بعد جائزة نجم الشهر للفريق الكبير
* هاهم يقدمون جائزة شهداء المريخ لنجم المباراة في مباريات الشباب
* علي الاقل تذكير الناس باناس قدموا ورحلوا
* وتعريف الاجيال الجديده بهم
* حفظا علي اجيال مضت وحفاظا علي اجيال قادمة
* لله دركم يا عالميين
* ياصفوة
* ياشفوت
* يا اصيلين
* يا اصليين
* ايها الناس
* خشمي خفيف
* جيبوا اضانكم اديكم الشمار ده وما تكلموا زول
* قروب الصفوة العالمي يجهز في خمسين بدله انيقه كاملة لبعثة الزعيم للمعسكر الاعدادي
* وما تكلموا زول
* ايها الناس
* مستوي الشباب في تراجع منذ ذهاب محمد موسي
* يا بدر الدين بخيت
* لو داير مدد قول
* الشغله لو صعبه ما مشكلة
* ولكن صمت الجهاز الاداري في الحته دي بحيرنا
* المهم
* عترتنا في وادي نيالا يجب ان تصلح مشيتنا للبطولة
* ومريخ البحير ماهين
* وعلي محمد موسي ان يتصف بالجدية التي عرفناها عنه منذ ان عرفناه
* دلع لأ
* دلال لأ
* كبير مافي
* اها
* بنحضر في ظلم حي العرب امس
* في القون التاني اسلام قالت لي التسلل لغوهوا يا بابا ?
* قلت ليها التسلل ما اتلغي يابتي لكن العتب علي النظر
* المهم
* يامعتمد امدرمان
* العرضة شمال تبكي وتشكي
* لواري وسط الحله
* مخازن بدون مواصفات
* جقور سترشح انفسها لدخول اللجنة الشعبية معتمدة علي الاغلبيه
* والخور الكبير يصدر في القرف
* والكافتريات في شارع العرضه معظمها يستعمل خور صرف الخريف كسابتك كبير يصدر لنا الباعوض والعفن
* هو نحنا ناقصين
* واجهزتك الرقابية لا نجد لها بصمة واضحة
* وطبعا يا معتمدنا تقصر الاجهزة الرقابية اذا كانت اجهزه قابضه
* ما قلنا اجهزتك بتقبض
* لكن سبب القصور شنوووو+ وشنووووو + ولا شنوووووو
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* بلدنا فيها مليون دستوري
* ودستورها لسه انتقالي
* وعاملها بنغالي
* ودولارها غالي
* معتمدنا
* هرمنا
* قرفنا
* بطننا طمت
* ريحتنا اتشمت
* وكل مسؤول قاعد علي منصبو مادي لينا لسانو
* لسانو اريتو بال….
* او زي ما قالت حبوبتي
سلك كهربا
ننساك كيف والكلب قال البشوف الحراسة علي بنك السودان ما يقول الدولار حصل طراده
والي لقاء
سلك

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق