ضربوكم في مطعم الساحة برضو؟؟؟؟

في السلك
ضربوكم في مطعم الساحة برضو؟؟؟؟

*ما قادر أنسى ما قاله المصريون عندما خسروا من الجزائر في مباراة الفاصلة
*استاد؟
* هوا ده استاد؟؟؟؟
*ضربونا بالتوكتوك وحصلونا في مطعم الساحة
*وكمية من الكذب في حقنا تبريرا لهزيمتهم
*من اليوم داك ما أظن في سوداني دعم مصر كرويا
*لذا انفرجت الأسارير يوم أن انتصرت تونس بالدوحة
*فهل كان بالدوحة توكتوك ومطعم ساحة؟؟؟؟
*واستمر الغضب السوداني على الكرة المصرية حتى جاءت بطولة أفريقيا بالكاميرون
*مصر في مجموعتها صعدت بالجلالة
*وحالفها الحظ في طريقها نحو النهائي في كل المباريات
*حتى مباراة النهائي كان الحظ فيها حليفا لمصر حتى تخلى عنهم الحظ في ضربة الترجيح الرابعة
*وبمجرد ما تخلى الحظ عن مصر طاااااااروا
*ولا استبعد أن يكونوا قد خرجوا بمبررات للهزيمة بقنواتهم وإذاعاتهم على شاكلة ضربونا بالتوكتوك
*وما تستغربوا لو قالوا الكاميرونيين جابوا ليهم (إرد) مشوي في العشاء الأخير
*هو ده اللي خلا ضربة الترجيح تطير
*فالحظ و(الإرد) ما بتلمو
*المهم
*مبروك للسنغال البطولة لأنها تستحقها لا لأننا ضد مصر كرويا بسبب إساءاتهم للسودان استادا وجمهورا وشرطة يوم الجزائر جندلتهم
*الفرحة تعم السنغال
*والحزن يخيم على مصر
*ونحن
*نغني سااااي في ترس الشمال
*في بالي
*حبيبي ماني السنغالي
*يا ماني حن علينا
*وجود بالمودة لينا
*أخلصنا ما سلينا وبي كاسك انتشينا
*ترس الشمال كلو يغني للصباح
*المهم
*المريخ حا يقعد في القاهرة ويلعب بجبل أولياء
*ولي عديل كده
*إنها المقدرة
*يعني تاني ممكن اللاعب يتمرن في القاهرة ويبيت في الخرطوم
*زمان كان عندنا لاعب بتمرن في أم درمان وبستحمى في القاهرة
*ولكن العزاء أن المريخ سيخوض الدوري معتمدا على الأشبال
*وده المكسب
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*يوم هدوء ويوم البلد بي بنابينا
*عاجبكم الحاصل ده يا والينا
*ولا تزحوا لينا؟؟؟

سلك كهربا

ننساك كيف والكلب قال مليون ريان في السودان يا ملك المغرب….القيم في آخرو….جك ملك
وإلى لقاء.