ضر كده الكاردينال بقى سياسي !!
بالعربي الكسيح
محمد الطيب الأمين
ضر كده الكاردينال بقى سياسي !!
* (ضر كده) ستأتي الديمقراطية عن طريق (الكاكي) .
* و(ضر كده) تحول الكاردينال من الرياضية إلي السياسة .
* و(ضر كده) البلد دي شبر واحد لقدام ما بتمشي .
* والله صحي .
* بشكل لافت ظهرت السرقات الليلة مجددا .
* عودة السرقات الليلة من أبرز إفرازات الحظر الحاصل .
* الخيارات أمام الناس أصبحت هي : (تسرق أو تموت) .
* أصحاب الإيمان القوي اختاروا (الموت) وأصحاب الإيمان الضعيف اختاروا (السرقة) .
* أما الذين (يدهم في الموية) اختاروا تمديد الحظر .
* حاجة تكسف .
* تلاشي المغني محمد البدوي أبو صلاح سريعا بعد أن تألق بترديده لاغنيات (جده) وأغنيات عثمان حسين .
* محمد البدوي الذي هو ماهر جدا في العزف علي العود لم يتم اعداده بالشكل السليم حتي يصمود أمام النجومية والشهرة ولذلك سقط الان سهوا وكذلك (الشاب سعد) .
* من حسنات (الطفل) محمد البدوي أبو صلاح أنه (يضرب) أوتار العود بشكل إحترافي أكثر من صلاح أدريس .
* أكثر فئة مستفيدة من الحظر هم التجار .
* التجار زادوا الأسعار (دبل) والحكومة شغالة تتفرج عليهم.
* لو قامت ثورة جديدة سيكون سببها الأول والأخير هو (السوق) .
* ما يقوم به التجار ضد حكومة حمدوك أخطر من الذي يقوم به الكيزان .
* وبمناسبة التجار .
* عندما كانت الدنيا بخيرها كان (الدولاب) أربعة ضلف .
* والان اصبح الدولاب من ضلفتين .
* وذات الدنيا لما كانت بخيرها كان (الدولار) بجنيهين والان اصبح الدولار بي ١٥٠ جنيه !!
* لا أعرف من الذى تغير (الدولاب والدولار ولا نحنا ولا الجنيه) ؟؟
* ولكن الحاجة الأنا متأكد منها أنو الجنية بقي لو وقع في البلاط ما بعمل صوت .
* الهوان الذي بلغه الجنيه مثير للشفقة .
* وغايتو جنس غايتو .
* وضح إن الفنانين الشباب يترددون علي (البوتيكات) أكثر من (الفنانات) .
* زمان مافي (راجل) بيدخل ليهو بوتيك وهسه أخشي أن أقول : مافي (بت) بتدخل ليها بوتيك.
* من لوازم (الرجوله) الخشونة و(الغباشه) .
* الراجل لازم يكون خشن وذلك لان (تنعيم الجسم) من صفات النساء .
* هذه المعلومة نهديها لانصاف الرجال .
* حالة الميوعة الحاصلة يجب أن يتم حسمها بالقانون .
* تحفظنا على قانون النظام العام وكثير من فقراته ولكن ما نشاهده الآن يستجوب النظام العام .
* معقولة ولد ما تفرزو من البت إلا بالشنب ؟
* صدق أبو السيد عندما قال مغنيا ( في هذا الزمن تف يا دنيا تف ) .
* و..و..
* والله في.