عااااااجل … الفيفا يهدد السودان بالتجميد حال عدم قيام الانتخابات

طبعاً الجماعة البي غادي هم البكونوا حرشوا إتحاد اللقيمات عشان يشتكي الحكومة !! المساكين ماعاوزين يفقدوا إتحاد اللقيمات ولجان دعمه السريعة، لكن من ناحية تانية هم في قرارة أنفسهم بيتمنوا إيقاف مشاركات السودان الخارجية، أهو بالمرة يتخارجوا من الورطة الورطهم فيها الأستاذ المرشدي بالمشاركة في البطولة العربية، ويتخارجوا من البطولة الأفريقية برضو…..ناس تيمها بيفوز بالدفرة ومساعدة حكام إتحاد اللقيمات، وحاولوا يعملوا حركاتهم دي بره السودان، لكن الكاف (بالرغم من إنو كان حنين عليهم) صقعهم وقعدهم في علبهم، عشان كدة عارفين ماعندهم طريقة يلقوا دعم في مشاركاتهم الخارجية حتي عببر حكام الجلكسيات، وبما إنهم أصبحوا ناس مشبوهين وبتاعين سوابق، فلجان الكاف وكل الأندية الأفريقية حاتختهم في بالها وبالصورة دي حايكونوا دائماً تحت المنظار، عشان كدة أي إيقاف لمشاركات السودان الخارجية لاسمح الله، حايكونوا فرحانين للضرس لأنهم المستفيد الأكبر…!! وطبعاً هم ماعندهم مانع يلعبوا مع ناس رابطة ومرخرخ كوستي وناس مرخرخ الفاشر وباقي الفرق الضعيفة……….!!
لكن نحنا بنطالب الحكومة أن تحفظ ماء وجهها وتطيح بإتحاد اللقيمات الفاسد، حتي ولو كان الثمن إيقافنا عن المشاركات الخارجية لمدة 6 أعوام (زي فرق النقاط مع الوصيف) مش سنتين بس ..!!