عادت حليمة.. لعادتها القديمة

كرهتونا بأسطوانة التحكيم وجعيركم وسكليبتكم الما بتنتهي دي، ولو كنتوا صحيح بتعرفوا الظلم مفروض ترجعوا لفترة اتحاد اللقيمات وتشوفوا صاج اللقيمات طلع ليكم كم بطولة ملح وكم فريق أكلتوا عرقهم في المكاتب بعد ما رشوكم عنوة وإقتدارا في الميدان، حتي فطيسة ٢٠١٨ الظيطتوا وفرحتوا بيها ما عارفنها جات كيف؟ صحي الإختشوا ماتوا والدلاقين مابختشوا ولا بستحوا والله !!
بالنسبة لعضويتكم ما تامة ٤٠٠ مرخرخ وده العدد الشارك في جمعية أول أمبارح، ما تكبر الشغلانة وتشبكنا أقل من ٧٠٠ مرخرخ ولا شنو ما عارف، أما قروباتكم أم كم وسبعين ألف القلتهم ديل كووولهم بتاعين ملح ساي وجيوبهم فيها عقارب بس، وكلهم كانوا نايمين علي مال الشعب الكان ماسورته فاتحة في الحفرة، وما فيهم ناس شدة عينة أبو المستعار ديل، كتيرهم يتبطحوا في الحفرة ولا يفلقوا اللاعبين في الميدان ولا يدقوا الحكم !!
بالمناسبة، لسه ما وريتنا تاجر سوق ليبيا العزمك إنت ومحمد الرشيد ورمضان عجب شية ضان في قندهار عمل شنو في تسجيل الثنائي؟ ومتين حا يبقي رئيس للمرخرخ؟ هههههههه

شوف ليكم شكوي كاربة كدة وخلو مزمل طوال علي كاس