عبد الصمد محمد عثمان يطالب بإبعاد محمد موسى من دائرة الكرة بالمريخ
ذكرت احدى الصحف الصادرة صباح اليوم أن خلافات نشبت في القطاع الرياضي بنادي المريخ بين عبد الصمد محمد عثمان رئيس النادي ومحمد موسى مدير الكرة على خلفية المشاحنات التي حدثت بين الثنائي في وقت سابق، وذكرت الصحيفة المعنية أن عبد الصمد طالب المجلس بتحويل محمد موسى بالعمل في فرق المراحل السنية بالنادي بدلاً عن دائرة الكرة بالأحمر ، ويتوقع أن تحدث هذه الخلافات ضجة كبرى وسط مجلس إدارة نادي المريخ الذي سيحرص بجدية على إعادة الاستقرار من جديد للقطاع الرياضي بالنادي
نحنا قبيل شن قلنا، قلنا حقدنا وسوء نيتنا بيقتلنا …!!
المرخرخاب انشغلوا كلهم بهزيمة الهلال (المتصدر بفارق 6 نقاط عن وصيفه الأبدي) من إبنه هلال الأبيض وخلوا باب بيتهم فاتح سهلة ساي…!!
المشاكل ولعت وبدأت من ثنائي اللوز وأسي ولعها ليكم عبد الصمد وجاب ليكم ضقلها يكركب، وكل يومين تلاتة عامل ليكم مشكلة …مرة مع شنكبة ومرة مع عصام الحاج ومرة مع منو داك ماعارف…….ونحنا من زمان قلنا ليكم لجنتكم كلها تنافر في تنافر ودي من نعم الله علينا وغضبه عليكم !!
محمد موسي ده زمااااااااااااااان قلنا ليهو خليك في قاهرتك وواصل علاجك علي مهلك وماتتورط تجي راجع لي ناس المرخرخ، ديل ناس ماعندهم عشرة وبكرة يشوتوك الشارع ويلحقوك بالشتائم…..!!
ولسه كمان بي غادي عصام الحاج واقف ليكم ألف أحمر في موضوع بكوري…..!!
شكلنا حانشاهد حلقات ممتعة من مسلسل وادي ذئاب المرخرخ……….هههههههههههههههه
اربعة و بس … مسعول من الخير و ين كااااريكا