عبد الصمد ينفي محاولته إلغاء قرار إيقاف علاء الدين وبكري المدينة
نفى الأستاذ عبد الصمد محمد عثمان نائب رئيس نادي المريخ ورئيس القطاع الرياضي بالنادي ما تردد في وسائل الإعلام عن محاولة قام بها من أجل إلغاء قرار الإيقاف الصادر بحق ثنائي الفريق بكري المدينة وعلاء الدين يوسف من قبل مجلس الإدارة وذكر عبد الصمد أنهم في المجلس الجديد حريصون على تنفيذ سياسة الانضباط وإيقاع العقوبة على أي لاعب يخل بسياسة الانضباط في المرحلة المقبلة.
بالله سيبك من موضوع الإنضباط وكلام الوهمات ده …… اللاعبين المعاقبين وصلت تسريبات لإدارة المريخ من مصادر من الاتحاد الافريقي بأنه سوف يتم إيقافهم لسوء السلوك في مبارارة المراكشي ،،، عليه صدرت هذه العقوبة في محاولة لإدعاء أن هناك مرحلة جديدة تتسم بالإنضباط ،،،، هههههههه إنضباط بالباء ( عذراً استاذنا محمد الطيب )
وعصام الحاج ماقصر معاك بالتطبيل ياعبدو….!!!
عصام الحاج قال إستدعينا لاعبين وعبد الصمد جاب لاعب تالت زيادة،،،،!! بالرغم من إنو فهمنا إنو التالت زيادة ده هو المعز محجوب، لكن معدل النفاق والتملق في الموضوع كان كبير جداً ومخجل جداً من ملك الخبت !!!
دي زي حكاية الزول البيقولوا ليهو جيب رطل سكر يقوم يجيب شوال، ويقولوا ليهو جيب رطل زيت يجيب جركانة كاملة….هلا هلا (عطاي بالألوف) !!!
وبالصورة دي ممكن نتوقع يوم من الأيام إنو عصام الحاج يطلع لينا بي تصريح يمدح فيه البتاع الطوالي ويقول: طلبنا من البتاع الطوالي أن يقوم بشطب اللاعبين الثلاثة المتقاعسين، قام شطب لينا 3 لاعبين زيادة..!!! وياها في النهاية إنت كسر لي وأنا أكسر ليك ووو….. بكرة كل الكلام ده بيكسروهوا ليك والجوز يرجع التمارين، وسياسة الخبت تطير ليك في راسك وترجع تزعل وتسيب الشغل وتمشي تقعد في البيت زي المرة الفاتت، ولا كمان البتاع الطوالي ينبرم ويشيلك الشيلة وتصبح الصباح تلقي الراكوبة بدون عرش وإنت قاعد في السهلة ….!!! ههههههههههههههه