*فرررررررررر
*كدي فرررررر دي نأجلها شوية
*عندنا مواضيع اهم
*اها
*اليوم نلتقي وداد المغرب
*فريق كبير جدا
*لكن حظو العاثر رماهو في طريق المريخ الكبير جدا
*نحن بالذات دوليا
*لانهاب الفرق الكبيرة
*لأننا نعرف قدرنا
*فنحن فريق كبير جدا
*والدليل ليس آلولو
*الناس الدليلهم آلولو معروفين
*انجازاتهم فقط في السنتهم دي وعلي صفحات الصحف
*اما نحن فدليلنا ما آلولو
*دليلنا البثبت اننا كبار
*مانديلا الذي كره الناس النضال ذاتو
*وسجلنا علي لوح الشرف الافريقي يثبت اننا كبار ولسنا بصغار نعيش في دائرة الاصفار لسسسسه
*ولازال الصفر طفلا يحبو
*حلك لما يتاتي
*بالتأكيد وقتها سنفرح له
*لنردد تاااااتي الصفر مشي
*الله يحيينا لذلك الحين
*انه حين حايطوووول وياخد مدة
*صفر عمرو تسعين سنة ولسه ما تاتي
*انتوا طفلكم ده ياروشا متأكدين طعمتوهوا ضد شلل الاطفال؟؟؟
*طيب مالو لي اسي بارك؟؟؟ *المهم
*ندخل مباراة اليوم لننتصر علي درهم الحظ الذي افتقدناه يوم القرعة العربية ويوم القرعة الافريقية ويوم شبيبة القبائل الاسبوع الفات
*اها
*نرجع للموضوع المهم
*نحنا بحمد الله كباااار
*ومفروض نجي الليلة كتاااار
*لنؤكد علو كعبا ونعلن تأهلنا من داخل القلعة الحمراء
*ومايعجبني في جمهور الهلال انه لاينقسم علي الهلال مهما انقسم علي المجلس
*فلماذا ننقسم نحن علي اعتي الفرق بالوطن؟؟؟
*يبقي مايسرنا اننا نجي كلنا
*نشارك في معركة التأهل المنشود
*ونحقق اهداف كثيرة *المهم
*نملك فريقا يمتاز عن فرقنا في السنوات الاخيرة
*لذا نحلم جازمين بالنصر الكبير الذي يؤكد صعودنا من مباراة اليوم
*البطولة العربية خبرناها
*ونجيد لغتها
*فنحن لا نشبه الآخرين الضعيفين في العربي
*ناس عربي جوبا مابعرفوا للقواعد والبلاغة
*لذا دوما يفشلون في اول اختبار
*اللجيق ماب
*ولننتصر علي اليأس الذي اصاب بعضنا من نتيجة مباراة الشبيبة
*ولننتصر علي التحكيم والتنجيم
*وللنتصر علي ابتسامات بعضنا الساخرة عند الاخفاق
*بعضنا ذلك الذي لم يستطع ان يفصل بين الكيان والادارة
*بعضنا الذي لم يدرك ان الوطن لايعني الحكومة
*وان الحكومة عمرها مابتبقي وطن
*بعضنا الذي خذلنا
*لاجل الانتصار علي كل ذلك
*يجب ان نحضر كلنا
*وكلنا اعني بهم
*الذين يسكنون المدرجات في عهد كل المجالس
*ولا اعتدني بهم طبعا الذين يوحشون المدرجات مع كل استقالة
*ويعودون دون ادني خجلة عند العودة
*ايها الناس
*الحصة عربي
*اللجيق مابنفع
*يا لسانا مبينا
*ياعرض اكتافك تدينا
*لذا
*نود ان نسمع بليغ الكلام من المدرجات معلنا تأهلنا
*كلنا
*انت وانا
*المدرجات تلمنا
*لنشارك في صناعة نصر لكيان يهمنا
*ويهمنا جدا
*ايها الناس
*انها فرصة لابراهومة لينتصر لذاته
*وفرصة للاعبين ليزدادوا القا ويحسنون تسويق انفسهم
*فكل العرب عيونهم علي المريخ ومواهبه
*وفرصة كبري لزلزال الملاعب ليثبت للناس انه كان جديرا بلقب افضل جمهور عربي
*وليثبت للناس انه جمهور يعشق الكيان كعقيدة لايتناساها في تبعية المشايخ والشيوخ ويحرص علي ارضاء الشيخ علي حساب العبادة
*نحنا في مريخنا ده انصار سنة عديل كدة
*لابنعرف شيخ لابوصلنا لعشقنا شيخ لابنوسط بين قلوبنا وعقيدتنا شيخ
*يهمنا رضاء الكيان لا رضاء الشيخ
*انها فرصتنا لنثبت لانفسنا اننا مريخاب وكفي
*زي ماقال استاذي الكبير الرائع المحبوب المحب
اسماعيل حسن حياه الله
*ايها الناس
*لايهزم المريخ الا المريخ
*فاذا اردنا تأهلا علينا ان نسعي له
*وسعينا يجب ان يكون بتكاتفنا والتفافنا حول الزعيم
*يجب ان نضع بصماتنا علي دفتر الانجاز لنحقق الاعجاز ونمضي قدما في طريق سجلات البطولات المحمولة جوا
*فهي التي ميزتنا عن كافة الفرق السودانية وساوت بينها جميعا امامنا
*جويا دي بتخلي سهم اربجي ونصر ابوعشر والحرية كلكول(تيم كمال دحية) والزهور والتاج وهلال ام صفقا عراض وهلال الصفر الدولي كلهم سواسية امام اعجازنا
*وما بركبوا معانا في سرج واحد
*طبعا ممكن يركبوا
*لكن بعد ينجزوا
*ركوب بالحنك نهي كرتا باجا روشا
*بمناسبة روشا دي
*موش قلت ليكم حا اكتب الليلة براي؟
*وعد الحر دين عليه
*ها انا ذا اكتب براااااي
*ها زول ها
*الجريدة ده الليلة ناسها ماتوا ولا شنوووو؟
*المهم
*نرجع للفارغة والمقدودة
*البطولة العربية دي بطولة فصاحة
*عربي جوبا ولجيق ناس روشا ده ما بأكلهم فيها عيش
*ورجقه
*ورجق ورجق ورجق
*حسين الجريف يجليها
*وجمال سالم يجيب من جوة
*والكرستالات تطير فووووو
*مع الهلال الطار
*فرررررررررر
*وحمدوك هو السبب الرئيسي في طيران الهلال
*لانو بعد اعلانو رئيس وزراء
*كان يصدر قرار بابادة آثار حسين الجريف
*او حبسه علي ذمة التحقيق في قضية الرقدة الشهيرة بالامارات
*اها اسي جلاها وماخاف عقباها
*والهلال
*فرررررررررر
*ياحبيب الشعب ياحمدوك
*طالما تركتم حسين الجريف حرا طليقا
*سيظل الهلال في وضع الطيران دوما
*حقو ياروشا تكتبوا علي فنايلكم
*فرررررررر
*المهم
*الجريف جلاها جللن جليا
*والكرستالات جاتنا طايرة طيرن طيرا
*ماقلنا سلمية يا اخوانا
*مالكم دايرين تبوظوا علينا ثورتنا!!!!
*المهم
*الهلال طار
*الكرستال طار
*حسين الجريف ان شاء الله مايطير
*لكن المؤسف هو وصف ارضية استاد الهلال بعدم الصلاحية واستنكار اطلاق لقب الجوهرة علي الجالوص المنكس ده
*دائرة السنتر زي راس الطفل الرضيع بي ورا من اثر (الرقود)
*ياخ ملعب راسي ده مكسي اكثر منو؟
*المخنفسين ليها شنو ياروشا!
*المهم
*القضية ليست خسارة الهلال للتأهل
*ولكن القضية هي هزيمة الاخلاق
*جماهير تحصب الملعب
*جماهير داخل الملعب
*ذكروني الناس البتسابقوا علي البطان
*وليما قاعد
*شبطك
*شبطك
*ضربة ليما اليمة
*لذا لم يتحمل الاهله البطان
*ماقلتوا
*قلتوا شنو ياربي!
*المهم
*داخل الاستديو بعد المبارة احدهم قال
*الهلال بطل السودان
*ياتو سودان ده يا احدهم؟
*حتي في دي كضبوا عليك؟؟؟
*نحن في عهد المدنيااااو
*زمن الدسدسة والغتغيت انتهي
*بطل السودان هو المريخ
*اسأل الكاف والاتحاد العام *وفرررررررررر
*نعود للموضوع
*اليوم يجب ان ننتصر لسودان المدنياااو
*ومن غيرنا اعطي لهذا الشعب ويعطي
*معني ان يعيش وينتصر
*اسألوا تهراقا
*والنجومي
*ومانديلا
*والكاف
*يبقي نجي كلنا نصنع النصر لشعبنا
*الليلة ليلتك يامريخ
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*يدونا زلابية
*رغيفه يقولوا لينا
*الشوارع تغرق في طينها
*الباعوضة لاقية ايدها فينا
*والضبان
*احي من الضبان يا والينا
*مالكم يا والينا
*دايرين تكتلوا الامل الياداب دب فينا؟؟؟
سلك كهربا
ننساك كيف والكلب قال والله الاسعار ماشغاله بي زول لاعسكريااااو ولا مدنيااااو
بس سوقيااااو
والي لقاء
سلك
