* ولان الحديث عنها سيتواصل لايام واسابيع لابد من العودة مرة اخرى الى احداث لقاء القمة الذي اقيم في الاسبوع الاخير لمسابقة الدوري الممتاز وتجرع فيه المريخ الهزيمة المرة وخسر اللقب عل الرغم من انه دخل الملعب بفرصتي الفوز والتعادل..
* كان ولا زال البعض يحدثنا عن (صفوية) جماهير المريخ وتفردها عن غيرها بالسلوك المثالي سواء في التشجيع او العشق الخرافي لفريقها.. وظللنا نتابع القصائد والاشعار التي لم تخرج حتى الان الى حيز التنفيذ وبقيت في دائرة الشعارات البراقة..
* نعم لقد ظللنا نردد ببغائية مطلع الشعر الذي يقول (نحن في المريخ اخوة نعشق النجم ونهوى.. واختلاف الراي فينا يجعل المريخ اقوى) في حين ان المعارك تدور على ارض الواقع وتشتد الصراعات من اجل المصالح الخاصة ويقتتل الجماعات والافراد..
* قبل مباراة القمة التي اقيمت بالدورة الأولى لمسابقة الدوري الممتاز اختار مجلس المريخ او لنقل لجنة تسييره نقل المقابلة الى ستاد الخرطوم خوفاً من شغب جماهير الهلال وتجنباً لتكسير مقاعد الاستاد وكان القرار جباناً بكل ما تحمل الكلمة من تفاصيل..
* وقبل مباراة القمة أول أمس قرر مجلس الهلال اقامة اللقاء بالجوهرة في خطوة شجاعة كان القصد منها توفير كل المعينات للاعبيهم في سبيل الفوز واحراز اللقب مهما كانت الخسائر خاصة من الناحية المادية في اشارة لفوارق خرافية في التعامل الاداري..
* تابعت العديد من الرسائل المريخية عبر القروبات ومواقع التواصل الاجتماعي تشير وتطالب العشاق بضرورة التعامل بصورة حضارية مع مدرجات ستاد الهلال.. وكانت بالجد لفتة بارعة جعلتني اتفاءل واطمئن واقترب من تصديق حكاية صفة الصفوية هذه..
* ولكن سرعان ما تبدل الواقع الجميل الخيالي عقب تسجيل الهلال للهدف الثاني مباشرة عبر النيجيري شيبولا حيث نقلت الكاميرات قيام مجموعة لا علاقة لها بصفة الصفوية وهي تقوم بتدمير مقاعد مدرجات ستاد الهلال في اشارة عميقة كشفت ما كان خافياً..
* وهنا فان الخطأ ليس خطأ الجماهير الغلبانة التي لا ذنب لها سوى انها عشقت فريقها بكل الوفاء والتقدير وانما الخطأ خطأ اولئك التجار الذين تفرغوا لبث سموم التعصب ولسنوات طويلة يزرعون الكراهية بين المتابعين دون اي رحمة او رغبة في التعديل..!!
* نعم لقد جسد جل الاعلام الاحمر كل تفاصيل الفرقة والشتات بين عشاق الفريقين بتطرفه وتعمده تثبيت الكراهية والحسد وغيره من الصفات الدخيلة على مجتمعنا الكروي البرئ من كل ما حدث ويحدث من تفلتات وتجاوزات على الشاكلة القبيحة تلك..
* وبعيداً عن السقوط الذي حدث في المدرجات تابعنا (سي) جمال سالم وهو يمارس ابشع انواع السقوط البعيد كل البعد عن الاخلاق الرياضية السمحة ويقوم بالاعتداء على قائد الهلال مدثر كاريكا بالبونية في تجاوز كان يستحق التفاعل بردع من جانب الادارة..
* ولان (الصفوية) لا تتجزأ فان المنطق كان يحتم على دائرة الكرة اتخاذ قرار فوري وسريع يقضي بمعاقبة اليوغندي الذي فشل في تقديم الاضافة بالصورة المطلوبة للفريق الذي صار يخسر في وجوده محلياً وافريقياً وعريبا وبطريقة محزنة وقبيحة ومسيئة..
* حتى انسحاب لاعبي المريخ وعدم احترامهم لروح المنافسة ورفضهم استلام الميداليات الفضية حمل معه العديد من علامات الاستفهام التي لا علاقة لها بالصفوية لان المنطق والاعراف تفرض على لاعبي المريخ احترام المنافسة واستلام الميدليات..
* عموماً انتهت بطولة بخسارة المريخ وللاسف فان الاخطاء التي تسببت في تبدد الحلم تطابقت مع ما سبق لنا متابعته في الماضي والذي قاد الهلال لنيل اللقب ضعف المرات التي نال فيها الاحمر البطولة ولا عجب طالما ان الصفوية تبقى في دائرة الشعارات.
* تخريمة أولى: للاسف فقد حدث ما توقعناه وحذرنا منه والمتعلق بالزخم الخرافي الذي حاصر به تجار الورق شباب المريخ ناس التش وميدو والتكت وادم وتابعناهم يتفرجون وكانهم فازوا باللقب قبل بداية المباراة عن (طريق قرار من لجنة الاستئنافات)..!!
* تخريمة ثانية: خيم الحزن على جل الاصدارات الحمراء الصادرة أمس وليس بغريب او عجيب ان نتابع اصحاب الحزن المصطنع وهم يتحولون الى ادوات هدم اعتباراً من اليوم على ذات الطريقة التي ساهموا بها في اهدار لقب الدوري بـ(شلاقتهم ورجفتهم)..
* تخريمة ثالثة: مباراة المريخ امام اهلي شندي اليوم في نصف نهائي كأس السودان تحتاج الى اعداد نفسي خاص جداً يكون الهدف الاول منه اعادة الثقة للاعبين في سبيل تأمين الفوز والوصول الى النهائي تمهيداً للفوز باللقب ليكون خيرتعويض للجماهير.
لجنة التسير تطير عيشتها معاك
وجمهور المريخ طالما جمهور الهلال فعلها مرتين بإستاد المريخ ولا احد ساله لماذا العتب علي جمهور المريخ
مع الإقرار بان الفعل غير صحيح ومتخلف من الجانبين
والمنطق ان الذين فعلو جزء من جمهور الناديان وليس من العدل إدانة كل الجمهور لكن لانك صاحب اغراض ذهبت ابعد من ذلك وحملت كل الافعال لإعلام المريخ وفي نفسك تقصد مشغلك السابق وطاردك مزمل لتصفي حساباتك معه علي حساب الاخرين .
التحليل المنطقي هو فشل (صديقي محمد موسي في التشكيل وإدارة المباراة لكن لايرجي منك حقيقة واخشي
بان تحدثنا غدا عن ان الخسارة سببها لجنة التسير التي اعادت قيد علاء وتتجاوز لجنة ونسي التي اتت بعلاء وتتعدي صديقك محمد موسي الذي اشركه علي طريقة
عينك للفيل وتطعن في ظله)
واعرف تماما ان الذين كسرو كراسي ملعب الهلال كان
السبب هو صديقك محمد موسي الذي تسبب في هزيمة الفريق مما ادي لغضب الجمهور وهذا تاثير لحظي مرتبط
بهذه التسعين دقيقة وليس مرتبط بمقالات كتاب المريخ
التي لها ايام وشهور وسنين .وبعدين قصتك شنو ناس ميدو والتش والتكت وبيبو يتالقو تقول محمد موسي
اشركهم واداهم ثقه علي عكس غارزيتو وعندما يترنحو
تقول السبب غزل إعلام المريخ .
لعبك بقي واضح ومكشوف ومكرر وينم عن تناقض وعدم
منطقيه وعدم مهنية وإنك تكتب للصراع فقط .
واسالك سؤال عدم إستلام لاعبي المريخ للميداليات الفضيه مسؤلية مجلس يامتواضع يسال عنه مجلسك الشغال تطبل فيهو وليس لجمهور المريخ او إعلام المريخ او المجلس السابق علاقه بذلك .بعدين الم تسمع بحافز الخمسين الف جنيه لكل لاعب هلالي اين مجلسك من هذا الا تعرف ان
المال يصنع المستحيل هسي إنت لو قالو ليك خش العب
بقميص الهلال والقون بخمسين الف اكاد اجزم انك سوف تدخل الكورة في فانلتك وتنطلق بها نحو المرمي وانك
علي إستعداد لنطح اي خصم يقابلك .
بالله ماتلعب علينا وامشي شول ليك شغله تانيه
ولا إنت داير مزمل يخلي ليك المريخ ويلحق بجمال
بعدين بمناسبه جمال لماذا لم تذكر قروشنا الدفعناها ليكم
متبقي حقوق وارغو حقنا مابننساهو واسال صاحبك قريش
المشي مع الوفد لتسليم المبلغ للإتحاد وهسي جري مصر
يجيب باقي القريشات بتاعت مجموعات الابطال في عهد (جيمي) ماتنس خيرات جمال لسه شغاله وناسك جاريه وراها .
والمقال ده مايكون داير تستعطف بيهو الهلالاب
وهسي المساكين يجو يقولو ليك إنت زول حقيقه ووووو.
بمناسبة الهلالاب مبروك عليهم الفوز والبطولة ويستاهلون
شالوها عنوة وإقتدار وحمرة بعين وصديقك محمد موسي
ساعدهم كثير والدليل سخط جمهور المؤيخ عليه وعمل ليهوحركه إستقاله كده بس ياحبة عيني مجلس المفلسين قال ليهو ماعندنا غيرك وإنت زاتك من مسكت مأديناك مرتب ومنستر معنا تم جميلك ساي .
كردنة بلس يقول
اني احترمك كثبرا وانا هلالي كبير شكرا لقلمك الانيق الحميل
ابو عبد الرحمن يقول
والله من أعقل الأقلام الرياضية لكن تعصب البعض يعميهم
salah يقول
دي إسمها صفوية الفئة الضالة المتفلتة يامحمد كامل المفروض يتم التعامل معها فقط عبر الضرب بسيطان الحمير وسوقها مثل النعاج إلي مراكز الإصلاح والتهذيب !!
يا أستاذ محمد كامل عمك الشايب العايب أبو المستعار ده جننته جن وهردت فشفاشه هرد، فبراحة عليهو وراعي لعمل سنه !! إنت ماعارف المخدر بتاع مرشد الجماعة ماسك فيهو لياتو درجة وإنو مابقدر ينفك من تأثيره، والأستاذ المرشدي بالنسبة ليهو الأب الروحي مع إنو لو حسبناها من ناحية السن ممكن يلديهو عديل ههههههههههههههه
أمبارح أبو المستعار قام صوف ودخل في إغماءة مافاق منها إلا يوم الليلة، الحاجة الوحيدة السواها مشي لقط ليهو كم كلمة من اعمدة الإعلام السالب الكلها كانت بعنوان حضرنا ولم نجدكم وعمل ليهو شوية بهارات في العنوان وشقلب عبارات وجمل المقال الملقطة من الأعمدة التانية وجابها إستفرغها هنا وبعد داك رجع لي إغماءته الدخلها فيهو السمؤال وشيبولا هههههههههههههه أسي خلاص الليلة مرق يتفاصح وحايقعد يطبل وينفخ فيها ويمشي علي خطي أستاذه المابيقدر يتخلص من سطوة مخدره، وحايملاك شتيمة ويهوهو فيك بالنيابة عن سيده، ولحدي ما يتحسم موضوع كاس السودان ويغمي عليهو تاني وياخد ليهو زوغة يومين تلاتة، تاني حايمرق ينبح ويهوهو فيك أملاً في الحصول علي عضمة من المرشد العام للجماعة المابعرفه ولا شغال بيهو، وياخسارة حب أبو المستعار ليهو من جانب واحد هههههههههههههههههههه
لكمة أخيرة: أديهو يا أستاذ محمد كامل يارائع يامطلع عينه وحاميهو النوم ومورم فشفاشه هههههههههههههههههههههه
ابو احمد يقول
انت حاقد على الكل حتى على جمهور الصفوه الذى صبر كثيرا على الاذى والتهميش من تعمد السلطات لاخذ حقه بالقانون محليا وافريقيا
لقد بلغ السيل الزبى
وهل معنى الصفوة انك تسكت على تكرار الظلم والاذى وهل هذا سيحفظ حقك مستقبلا
قال تعالى وان عاقبتم فعاقبوا بمثل ما عوقبتم به ولئن صبرتم لهو خير للصابرين
اذن يمكن التعامل بالمثل طالما القائمون على تنفيذ القانون لم يردعوا المعتدين
اتكيفت خلاص! !!
لجنة التسير تطير عيشتها معاك
وجمهور المريخ طالما جمهور الهلال فعلها مرتين بإستاد المريخ ولا احد ساله لماذا العتب علي جمهور المريخ
مع الإقرار بان الفعل غير صحيح ومتخلف من الجانبين
والمنطق ان الذين فعلو جزء من جمهور الناديان وليس من العدل إدانة كل الجمهور لكن لانك صاحب اغراض ذهبت ابعد من ذلك وحملت كل الافعال لإعلام المريخ وفي نفسك تقصد مشغلك السابق وطاردك مزمل لتصفي حساباتك معه علي حساب الاخرين .
التحليل المنطقي هو فشل (صديقي محمد موسي في التشكيل وإدارة المباراة لكن لايرجي منك حقيقة واخشي
بان تحدثنا غدا عن ان الخسارة سببها لجنة التسير التي اعادت قيد علاء وتتجاوز لجنة ونسي التي اتت بعلاء وتتعدي صديقك محمد موسي الذي اشركه علي طريقة
عينك للفيل وتطعن في ظله)
واعرف تماما ان الذين كسرو كراسي ملعب الهلال كان
السبب هو صديقك محمد موسي الذي تسبب في هزيمة الفريق مما ادي لغضب الجمهور وهذا تاثير لحظي مرتبط
بهذه التسعين دقيقة وليس مرتبط بمقالات كتاب المريخ
التي لها ايام وشهور وسنين .وبعدين قصتك شنو ناس ميدو والتش والتكت وبيبو يتالقو تقول محمد موسي
اشركهم واداهم ثقه علي عكس غارزيتو وعندما يترنحو
تقول السبب غزل إعلام المريخ .
لعبك بقي واضح ومكشوف ومكرر وينم عن تناقض وعدم
منطقيه وعدم مهنية وإنك تكتب للصراع فقط .
واسالك سؤال عدم إستلام لاعبي المريخ للميداليات الفضيه مسؤلية مجلس يامتواضع يسال عنه مجلسك الشغال تطبل فيهو وليس لجمهور المريخ او إعلام المريخ او المجلس السابق علاقه بذلك .بعدين الم تسمع بحافز الخمسين الف جنيه لكل لاعب هلالي اين مجلسك من هذا الا تعرف ان
المال يصنع المستحيل هسي إنت لو قالو ليك خش العب
بقميص الهلال والقون بخمسين الف اكاد اجزم انك سوف تدخل الكورة في فانلتك وتنطلق بها نحو المرمي وانك
علي إستعداد لنطح اي خصم يقابلك .
بالله ماتلعب علينا وامشي شول ليك شغله تانيه
ولا إنت داير مزمل يخلي ليك المريخ ويلحق بجمال
بعدين بمناسبه جمال لماذا لم تذكر قروشنا الدفعناها ليكم
متبقي حقوق وارغو حقنا مابننساهو واسال صاحبك قريش
المشي مع الوفد لتسليم المبلغ للإتحاد وهسي جري مصر
يجيب باقي القريشات بتاعت مجموعات الابطال في عهد (جيمي) ماتنس خيرات جمال لسه شغاله وناسك جاريه وراها .
والمقال ده مايكون داير تستعطف بيهو الهلالاب
وهسي المساكين يجو يقولو ليك إنت زول حقيقه ووووو.
بمناسبة الهلالاب مبروك عليهم الفوز والبطولة ويستاهلون
شالوها عنوة وإقتدار وحمرة بعين وصديقك محمد موسي
ساعدهم كثير والدليل سخط جمهور المؤيخ عليه وعمل ليهوحركه إستقاله كده بس ياحبة عيني مجلس المفلسين قال ليهو ماعندنا غيرك وإنت زاتك من مسكت مأديناك مرتب ومنستر معنا تم جميلك ساي .
اني احترمك كثبرا وانا هلالي كبير شكرا لقلمك الانيق الحميل
والله من أعقل الأقلام الرياضية لكن تعصب البعض يعميهم
دي إسمها صفوية الفئة الضالة المتفلتة يامحمد كامل المفروض يتم التعامل معها فقط عبر الضرب بسيطان الحمير وسوقها مثل النعاج إلي مراكز الإصلاح والتهذيب !!
يا أستاذ محمد كامل عمك الشايب العايب أبو المستعار ده جننته جن وهردت فشفاشه هرد، فبراحة عليهو وراعي لعمل سنه !! إنت ماعارف المخدر بتاع مرشد الجماعة ماسك فيهو لياتو درجة وإنو مابقدر ينفك من تأثيره، والأستاذ المرشدي بالنسبة ليهو الأب الروحي مع إنو لو حسبناها من ناحية السن ممكن يلديهو عديل ههههههههههههههه
أمبارح أبو المستعار قام صوف ودخل في إغماءة مافاق منها إلا يوم الليلة، الحاجة الوحيدة السواها مشي لقط ليهو كم كلمة من اعمدة الإعلام السالب الكلها كانت بعنوان حضرنا ولم نجدكم وعمل ليهو شوية بهارات في العنوان وشقلب عبارات وجمل المقال الملقطة من الأعمدة التانية وجابها إستفرغها هنا وبعد داك رجع لي إغماءته الدخلها فيهو السمؤال وشيبولا هههههههههههههه أسي خلاص الليلة مرق يتفاصح وحايقعد يطبل وينفخ فيها ويمشي علي خطي أستاذه المابيقدر يتخلص من سطوة مخدره، وحايملاك شتيمة ويهوهو فيك بالنيابة عن سيده، ولحدي ما يتحسم موضوع كاس السودان ويغمي عليهو تاني وياخد ليهو زوغة يومين تلاتة، تاني حايمرق ينبح ويهوهو فيك أملاً في الحصول علي عضمة من المرشد العام للجماعة المابعرفه ولا شغال بيهو، وياخسارة حب أبو المستعار ليهو من جانب واحد هههههههههههههههههههه
لكمة أخيرة: أديهو يا أستاذ محمد كامل يارائع يامطلع عينه وحاميهو النوم ومورم فشفاشه هههههههههههههههههههههه
انت حاقد على الكل حتى على جمهور الصفوه الذى صبر كثيرا على الاذى والتهميش من تعمد السلطات لاخذ حقه بالقانون محليا وافريقيا
لقد بلغ السيل الزبى
وهل معنى الصفوة انك تسكت على تكرار الظلم والاذى وهل هذا سيحفظ حقك مستقبلا
قال تعالى وان عاقبتم فعاقبوا بمثل ما عوقبتم به ولئن صبرتم لهو خير للصابرين
اذن يمكن التعامل بالمثل طالما القائمون على تنفيذ القانون لم يردعوا المعتدين